ZAKINIU 1:11 - Sumi Naga CL (Re-edited) Bible (BSI)

¹¹ Ampeu no puasü Lhou no Pa no piqhike toi ghuthu qhethonhe kutolo alau nongu kighishetsü eno kümghatsü peniu!

BAIBEL (BSI)

¹¹ AMPEU nongu puasu Lhou no pano tushoqhiveke toi ghuthu qhethonhe kutolo alau nongu kighishe pukutsu eno nongu pelo kinikulu shilupelo!

ZAKINIU 1:11 Referans Kwoze

LESHELE 115:14

Ampeu pelo nongu kughukotsü peniu, nongu ghi nongu tianuliqo ghi kümghatsü peniu!

BOTHUBO 22:17

I no mtsüqheino o kümgha tsüni, eno mtsüqheino atsütsü lo ayepu ngo azüghimkü lo asaye toi o tikughuko kighishe tsüni. Eno o tikughukomi no pa ghümiqo khagho khasü luve nani,

BOTHUBO 26:4

I no o tikughuko atsütsü lo ayepuqo toi kighishe tsü nani eno o tikughuko lau ayeghi hipaqo kümtsü tsü nani. Eno o tikughuko vecheo ayeghiqha lo shiye kümtsü kümghatsü nani,

AKIKIHI 6:27

“Panongu no hitoi I je pesü Israelmi shou beni, eno I no panongu kümgha tsüni.”

SAMUEL AKINIU 24:3

Ikemu Joab no pi, “I mpeu akükau nhethi no ithulu ghi itehi timi akeu nguno ghuthu aqheno piqi Ampeu o Lhou no küphatsü peniu, ikemu kushiye I mpeu akükau ye hipau lo azüvü ani kea?”

BOTHUBO 49:25

o pu Lhou, o kuphu tsükeu, Akughushuu kükümgha, kunguu atsütsü lo eno aqhou azü kutho lo akeu, akichhi ngo atita kükümgha pesü o kümgha tsüke ghenguno ke.

AKIKIHI 22:12

Alhou no Balaam vilo pi, “Timi hipaqo gholo wu kevilo eno no ye timi hupaqo müsüini kevilo kughengu panongu ye kükümgha timiqo ke.”

IPEKULU 32:13

Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

BOTHUBO 15:5

Pa no khalacheu pa saipe no pi, “Atsütsü küdau julo, eno tsala nono ayepuqo kihilu kepu shi aye kihiju lo.” Tishino Pa no pa vilo pi, “O tikughuko ye hitoi nani.”

YEKIKITHI ATUGHIU 21:3

Joab no khochile, “Ampeu no Paw timi itehi akeqo nguno ghuthu aqheno küghüsü küphatsü peniwa! Ikemu I mpeu akükau, panoqo ye kümtsü o qemike kumo? Imaye kushiye I mpeu ye hi avehupu shive ani kea? Kushiye hipau lono Israelmi pelo pimive apeni kea?”

ZAKINIU 1:8

Julo, I no ayeghi hipaqo nongu tsüvae, Ampeu no nongu puasü Abraham, Isaac, eno Jacob ngo pano laghami tsünike piqhi püakeu yeghi lulo.’

ZAKINIU 1:10

Ampeu nongu Lhou no nongu kughukove tsüae, julo, itehi nongu ye atsütsü lo ayepuqo jehivae.

ZAKINIU 1:12

Ikemu kishino I likhino nongu makho kimshi puqhe luni kea?

ZAKINIU 10:22

Nongu puasüqo ye Egypt lo pano lhotsüni likhi iqie, ikemu itehi ye Ampeu nongu Lhou no nongu pesü atsütsü lo ayepu jehi shive tsüae.

ZAKINIU 28:62

Inahuu nongu ye atsütsü lo ayepu jehi ikowove kemu aghulo likhive nani, kughengu nongu no Ampeu nongu Lhou gholu moveke.

EZEKEL 16:7

I no o pelo aluza lo atsünibo toi miniboi ipeghipe. Eno no ye thuwuve no chuqumghaive no jukivi no chhitoive. O kichhi ye akivi shi ipeghive eno o kütsüsa ye thuwuve; ikeghi no ye aphimini pepumo eno aphikümsa shiae.