YETSAPIU 9:10 - Sumi Naga CL (Re-edited) Bible (BSI)

¹⁰ Kiu kiu kümla lomu o kumto süno mlalo, kughengu nono wuche keu kithimi yeghi loye akümla, akükümsü, akighithi, alokütsü, kiumu kühae.

BAIBEL (BSI)

¹⁰ Kiu kiu namu nono mlakeulo shishe mlalo, kughengu kithimi yeghiloye mla itha keu kuha, kumsukeu kuha, akighithi kuha, alokutsu kuhake eno noye tilehi wuchenike.

YETSAPIU 9:10 Referans Kwoze

Kolosiami 3:23

Nono kiukiu mla namu timi ghenguno kumono Ampeu lau mla akeshi amloqi qhiyi mlaitha lo,

Ephesiami 5:16

ado lhoksa shive akehu akivishi ado peitha lo.

Rommi 12:11

Akipichi shi kevino aghüthi püxülo, anguagha xüthilei shino Ampeu qelo.

LESHELE 6:5

Kughengu thive kethiu ye O kümsülu moae; Kithighau ye khuu no akishe O tsüluni kea?

1 Kor. 9:24

Pokuxu kelo akupomi kümtsü no pocheni kemu milakhi likhino asaxü ithulu chenie pi nongu ye mtha keshea? Ikehu asaxü ithulu kepushi polo.

YETSAPIU 11:6

Inaqhe no apiti yisüve no avelau ye akümla lono o u süchileve kevilo, kughengu no ye hiu no keo huu no akivishi thuwu nani keno mthae, momu kinikujo mu akivi shive luvi.

JEREMIYA 29:13

Nongu no I phuighi nani eno I phulu nani. Kughou nongu no amlo kuchopu no I phuighini keno,

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

1 Kor. 15:10

Ikemu I no kiu keno, ti ye Alhouw küpükini vecheo ke, eno Paw küpükini I tsükeu ye adou shivemoe. Tishike kumono apostolmi kütami nguno alau I no mlache, kuchou no I no shiluke kumono I gholo akeu Alhouw küpükini noke.

1 Kor. 9:26

Ikehu ni ye akimji kühano pochemoe; ni ye amülhü chishiju püha chekemi toi kichishi chemoe.

John 9:4

Atsala küa lono ningu ye I puwu keu kümla shimasae; khunomu akümla shimlave kepu putho tsala wocheni.

John 4:34

Jisü no panoqo vilo pi, “I chuqupu ye khuu no I puwu keno Pa pulou shini keu eno Pa kümla shiqhive tsüni keue.

YETSAPIU 11:3

Khüngküsü no azü likhive aye, ayeghi shou ghuqhive cheni, asübo ye apeu ilaqi na ahuu ilaqi namu tipa-a lo likhi anani.

NEHEMIA 4:2

Pa thiküzümi ngo Samaria ghüshimi zülono pa no pi, “Hi miqemlei kemi Jewmi ye kiu shi anie pi kümsü ania? Panongu ye pano sala shiqhe niye ani keo? Panongu ye aghashi nani keo? Panongu ye atsala lakhi lono shiqhilu nani keo? Panongu ye xine-xigha kiptia lono aki kishi tu mlaphelu nani keshea?”

NEHEMIA 4:6

Tishino ningu ye akupuwu mlauve. Akupuwu kümtsü akiqhelau tüxa kuto shiqheve, kughengu timiqo no aghüiloqhiyi mla ake.

YEKIKITHI ATUGHIU 22:19

Ikehu nongu mlo kükümsü kutope Ampeu nongu Lhou phulo. Ithu no Ampeu Alhou je ghenguno achineki shilo, tishianguno Ampeuw Puloshoqhi Bohu ngo akümlla lo akimthe liqo pewo tile qhikepu shinike.”

1 Kor. 16:10

Kughou Timothy ighini keno, pa pelo nongu gholo ighümo no ngolu pelo, kughengu pa ghi I toi Ampeu kümla shiani.

NEHEMIA 2:12

Alhou no Jerusalem ghenguno kiu mla kepu ilolo müzü sütsü keno ni ye khuu vilomu pimoe. I no zübumta lono ithu I gholo timi khami sasü khalau ipe. I no sache keu khurshi kumo aye, lhoxü kütau lakhimu kühae.

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.

AKIKIHI 13:30

Tile Caleb no Moses zülono timiqo ghasüve no pi, “Ningu itehi no wu püzü khasü luveni nolo, kughengu ningu ye ti theqhi luve nani.”

BOTHUBO 37:35

Pa tianuliqo no pa lokughuno tsüniye shi kemu pa no ti milive no pi, “Moe, ni ye mloqasü Kithigha lo I nu lau wuve niae.” Ikehu pa pu no pa ghenguno mloqae.

SAMUEL ATUGHIU 10:7

Kughou amchipu hipaqo sholuni keno, kiu mla kepu keno mlalo, kughengu Alhou ye o gholo ani.

JOB 21:13

Pano küxü tivilo pofushi ache no iqüghai Kithigha lo iqive cheni.

ISAIAH 38:10

I no pi, I küxü ahe lono ni ye cheve masavae; I küxü kupuju Kithigha khagho lo apeniye shivae.

JOB 10:21

I no aküzü eno akuthoku yeghi lo wumphi lono alopiqi luni, kughengu ni ye ideighimo ake.

JOB 10:22

Tipau yeghi ye züchiyi aküzü no nhape kübangü keu-a ake, tile ye aküvü ghi aküzü paphie.”

AHOLE 3:28

O kisüghüu no kiuala khu kelo o u lo apülaghi, “Wuvelo, eno I no thoghiu no tsünike ighilo,” ipi kevilo.

MATTHEW 20:7

Panoqo no pa khochile, ‘Khunomu ajume ningu piqe nike ghaighi moe.’ Ikehu pa no pi, ‘Tishiaye nongu ghi atsailu lo hulo.’

John 5:4

Kughengu ado adolo kungumi no ayizükucho lo iqi azü xukutho tsüche: azü xukuthove kethiu khukhumu atüghüshi ilolu keu ye pa no kiukiu küsü aghimu viluve che.