YETSAPIU 8:8 - Sumi Naga CL (Re-edited) Bible (BSI)

⁸ Timi khumu pa küxü tuthu hakhalu kepu küka kühae, momu pa kithi tsala tukiqeve mlae. Aghükishi lo ghüshimi ye aki lo womla ketoi kixikila ye khilemu timi phepupo chemoe.

BAIBEL (BSI)

⁸ Timi khumu thimove kepushi pa nguagha hakhamlae momu pa kithi tsala tukiqeve mlae. Tipau ghukishi lono ninguye po mlake; ninguye pishiqhiveno nila phusu wuve mlake.

YETSAPIU 8:8 Referans Kwoze

LESHELE 89:48

Kiu timi no xüa no khilemu akithi ithulumo nani kea? Khuu no Kithigha küka lono pa ngulho xaphe luni kea?

JOB 14:5

Pa tsala ye püzüu no kihithavae, aqhi kikihi ye O u lo ani, Nono botha keu pa ye hechemla keke,

IBRIMI 9:27

Timi kümtsü ghuthu lakhi ye thive penike kughuve tsüae, eno tithiu no küghakütha ighi cheke toi,

ISAIAH 28:15

Nongu no pike, “Ningu ye akithi sasü puloshoqhi shivae, eno Kithigha sasü puloküqhavae, aghümi no züqozü toi yimi ighimu nino akimki eno pishikiqhi lono sükusho qholo ngove akeke ningu shou kiumu shilumo nani”;

YETSAPIU 3:21

Timi ghungu no kunguu ikuve cheni eno lhoxü ghungu no aqhou ayeghi lo iqive chenie pi khuu no ithi ani kea?

AHOLE 14:32

Kixikilami ye pa lhoksa kümla no pa xakuluve cheni, ikemu timi kuchomi ye pa kithi lo ghi sükusho acheni.

LESHELE 9:17

Kixikilami eno Alhou kümsümave kemi shiyeqo ye kümtsü Kithigha lo wuve nani.

2 Kor. 13:4

Kughengu Pa ye aphimpi loye miqemlei yedave, ikemu Alhou küka lono xüani. Ningu ghi Pa gholo miqemlei ke, ikemu nongu küdau ye Alhou küka vecheo ningu ye pa gholono xünani.

1 Kor. 15:43

Aphimpi ye juküsapu shi qhove cheni; ikemu jukighilepu shi xüputhu nani. Miqemlei qhove cheni ikemu akumtoshi xüputhu nani.

ISAIAH 28:18

Tileno now puloshoqhi akithi sasü shikeu ye xave nani, eno Kithigha sasü puloküqha keu ghi pemlave nani; aghümi no züqozü toi jole ighi kelo nongu ye yipe wuve nani.

JOB 34:14

Tsala Pa no timi launo Pa tuthu eno Pa ngulho ikhichile luve aye,

SAMUEL AKINIU 14:14

Ayeghi lo azü peleve kelo likütsü kithemla ketoi ningu kümtsü thive nani. Ikemu Alhou ye aküxü luvetsü chemoe, eno Pa no alaghi hami phuphetsü cheni, tishianguno hapupove kemi ye khalau tishi auve chemoe.

KUKAMI AKINIU 7:15

Pama no Jordan kutolo wukelo alaghi kümtsü aphimini ngo aghünanu Syriami no poche kelono qhive keu ithulu. Pama no ideighi no akükau vilo pive.

YETSAPIU 8:13

Ikemu kixikilami ye akivipu kumoe, pa küxü ghi yekükhü lakhi toi süchho mla nani, kughengu pa ye Alhou msamoe.

AHOLE 12:3

Timi khumu kixikila lono aküxü shiqhelu chemoe, ikemu amikuchomi kuhu aghü ye nhüve tsümo nani.

YETSAPIU 9:12

Kughengu timi ye pa do-aghuloki mthae. Akhame lo akha meluve eno alichhe lono aghau meluve ketoi, ado lhoksa lichhe no paikhavi timi meluve cheni.

ISAIAH 47:10

Nono ow kixikila lono piche, “Khumu ni ithulu amoe”; o lokütsü ngo o kighithi no o sabidevae, nono o mlo lono ishi pike, “I likhi ke, I nguno kütami khumu kühae.”