YETSAPIU 8:13 - Sumi Naga CL (Re-edited) Bible (BSI)

¹³ Ikemu kixikilami ye akivipu kumoe, pa küxü ghi yekükhü lakhi toi süchho mla nani, kughengu pa ye Alhou msamoe.

BAIBEL (BSI)

¹³ ikemu kixikilami ghenguye alokepu shimo nani. Panoqo kuxuye yekukhu lakhi toike eno panoqoye lhothemi shi aphi lono thive nani, kughengu panonguno Alhou gholumoke.”

YETSAPIU 8:13 Referans Kwoze

YETSAPIU 6:12

Kughengu timi lakhi no aküxü ikhonhei xüno yekükhü toi hecheve chekelo, khuu no pa ghenguno akiviu ye kiu keno ithi nani kea? Milakhi no thive kethiu khuu no pa vilo kiu shive nani keno piluni kea?

ISAIAH 3:11

Kixikilami hasapue! Pa sala aghime anani, kughengu pa no shike toi pa lau shitsü nani.

JOB 14:2

Pa ye axamunu toi pu ipeghi no ighiqive cheni, ngopushu mono yekükhü toi hauve cheni.

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

ISAIAH 57:21

Alhou no piani, Kixikilami ghenguno aloino keu kühae.”

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

James 4:14

Kughengu thoghiu ye kiu shive nani keno nongu ye mtha aphie. Nongu küxü ye kiu kea? Kughengu nongu ye akimhi no ado kitila ipeghi no pai hauve ketoi ke.

John 5:29

ipeghi nani, khunono akivi mla püaghini keno aküxüpu lo xüputhu nani, eno alhoksa mla püakeqo no küghakütha lo xüputhu nani.

ISAIAH 30:13

qhemghai keu tupi ipo ipeghi no züleno ilaqighive keshi nongu lau hipau xine no titoi ighi nani;

LESHELE 144:4

Timi ye atuthu lakhi toike; pa tsala ye wove chekeu yekükhü toike.

LESHELE 55:23

Ikemu O Alhou, kütsakungo keu qo lo Nono panoqo kulusüve nani; ajiküxümi ngo thekuchumi ye pano küxüdo tüxamu xüwo tomo nani. Ikemu ni ye O pükhübe ache nani.

LESHELE 39:5

Julo, Nono I tsala pesü auka qhemi kughulhove tsüae, eno I küxü mpe ye O zülo kiumu kumoe. Mtsüqheino timi kümtsü küxü ye atuthu kishe lakhi qhemie!

LESHELE 11:5

Ampeu no amikuchomi peju cheni, ikemu Pa ye kixikila eno ngukangugha shikemi mithi ke.

JOB 21:30

Tishiaye nongu no kixikilau ye küsakusho lono xaluvae, pa ye aloghu tsala lono xaluvae pi chiluni cheke.

JOB 20:5

Kixikilami lokivi ye ado ikholo, Alhou kümthami mlokiqi ye asüchedo lakhi likhie.

JOB 18:5

“Iyei, küsaküghami kulu ye pinhevetsü cheni eno pa mi mili ye yepüvü chemoe.

YETSAPIU 3:14

I no ithi anike Alhou no mlakeu kümtsü alholo ache nani; tipau lo kiumu süküpha mla, momu kiumu ikhive mlae. Alhou no hi shitsü keu ye timi pelo Pa zülo ighüqhiyi apeniye ke.

YETSAPIU 5:7

Kughengu kughou asamo eno atsa no kutomo shiveni keno adou shive cheni, ikemu nono msa masakeu ye Alhou ke.

YETSAPIU 7:15

Iw adou küxü lono I no thokha ithuluvae. Amikuchomi no pa mikucho lono thive cheni, eno kixikilami no paw kixikila kümla lono pa xüpushu cheni.

YETSAPIU 7:18

Hipau tsüqü luve keu no o ghenguno alo, eno lakhiu ghi pheve kepu kumoe. Kughengu khuu no Alhou sümsani keno, pa ye ti küma kinikujo lono pojolu nani.

YETSAPIU 8:8

Timi khumu pa küxü tuthu hakhalu kepu küka kühae, momu pa kithi tsala tukiqeve mlae. Aghükishi lo ghüshimi ye aki lo womla ketoi kixikila ye khilemu timi phepupo chemoe.

ISAIAH 65:20

Angaqo ye akughunu aphi lono khilemu thivemo nani, eno kitemi no axüshu no thi nani, kughengu lhothemiqo no ampe aqhe shino thi nani, eno axinemi no ampe aqhe lono thive aye, ti ye müsüinive kehu ke.

LESHELE 37:1

Kixikilami ghenguno o mlo kütakihi kevilo; akumou mlakemi jupe anheshu kevilo!

JEREMIYA 44:10

Ishi kutolo panongu ye pano kuchuni mphi, I sümsa mphi, eno I no nongu eno no puasüqo tsükeu yezah pape xüchemoe.