YETSAPIU 8:11 - Sumi Naga CL (Re-edited) Bible (BSI)

¹¹ Küsakügha kümla shou ke-i xakütha tsümoke ghenguno timi mlo lono alhoksa shinike kughuuve cheni.

BAIBEL (BSI)

¹¹ Kushiye timino papashi heqhi buqhi cheni kya? Kughengu heqhi buqhi puaghikeulo mutazu shikighime keu kuhake.

YETSAPIU 8:11 Referans Kwoze

ISAIAH 26:10

Kixikilami saphuuve aye, pa ye achipiu mikucho ghili ithimoae; akümzümi yeghi lo thotsü pa ye akumou shinani, eno Ampeu kükanguagha ithulumo nani.

LESHELE 10:6

Pa mlo lono picheni, “Ni ye ithamo nani; tiqheli kupuju lo ni ye aveküsa do sholumo nani.”

JEREMIYA 48:11

“Moab ye alhothe lono iqüghai acheni eno süküghütha jumphi; pa ye abohu lakhi lono lakhiu lo lekiqeve mphi, momu haphe sawuve jumphie; ikehu paw chukivi ye atho aphi eno pa xo ye kilive mphie.

IPEKULU 8:15

Ikemu kughou Pharaoh no akulhokiqhi ithulu keno, pa ye amlo kuthovive eno Ampeu no pi ketoi panoqo tsa initsü move.

ISAIAH 57:11

Nongu ye khuu ju püzü msave keno, I lau miki, I kümsümave, eno amlo lo qhimove kea? I no ado kushuo inaqhoi kutuu pesü ngove keghi, nongu ye I msa mono anike kumo?

JEREMIYA 42:15

O Judah lo ghükulumi, AMPEU tsa inilo. Aqokitikhi MPEU, Israel Lhou no ishi piani: Nongu no Egypt lo wunike eno tilau xüuve niye agi kughopuwo aghi aye,

IPEKULU 8:32

Ikemu Pharaoh ye ishiu ghi pa mlo kuthovive, eno timiqo pelo wupe move.

IPEKULU 34:6

Ampeu no pa heche wuno asheshu, “Ampeu, Ampeu, kimiyekini eno küpüqhiyi keu Lhou, amlo ideni keu lo asheshi, iqemokeu kikimiye eno pükhübekulu no kupukuno,

SAMUEL AKINIU 11:15

Pa no yesü lo ishi ye, “Aghüshi mta lo Uriah hasülo, eno pa ghiqhi pithive penike pa qhive no ideighive lo.”

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

YETSAPIU 9:3

Khetsünhe qholo kiu shi ani keno kümtsü lo alhoksa ye hike: kümtsü lau atüqhüdo aphiphi ighi nani. Itaghi, timi no xüake tivilo pano kükümsü ye alhoksa eno anikha likhi, eno tithiu pano ye thive nani.

JOB 24:23

Pa no sükusho pesü tsükeu lono panongu ye mtotoi luvi, ikemu Pa nhethi no pano küxü jukuto acheni.

LESHELE 10:4

Kixikilami ye pa qheküza lono Ampeu phu chemoe; pa kükümsü kümtsü lo, “Alhou ye kühae,” pike likhie.