YETSAPIU 7:15 - Sumi Naga CL (Re-edited) Bible (BSI)

¹⁵ Iw adou küxü lono I no thokha ithuluvae. Amikuchomi no pa mikucho lono thive cheni, eno kixikilami no paw kixikila kümla lono pa xüpushu cheni.

BAIBEL (BSI)

¹⁵ Ikuxuye adouke, ikemu hipaulo niye thwokha kumtsu ithulue. Kivimi lakhiye thiveluvi eno kutamiye alhoksami shianamu xuaghiluvi.

YETSAPIU 7:15 Referans Kwoze

YETSAPIU 6:12

Kughengu timi lakhi no aküxü ikhonhei xüno yekükhü toi hecheve chekelo, khuu no pa ghenguno akiviu ye kiu keno ithi nani kea? Milakhi no thive kethiu khuu no pa vilo kiu shive nani keno piluni kea?

Apostolmi 7:52

No puasü no kijipüsa mokeu tungkupmi khunoqo ani kea? Amikuchou chenie pi azünatha pitsü kemi panongu no pithive. Eno ishi ye nongu no pa thechuve no heqhive,

ISAIAH 65:20

Angaqo ye akughunu aphi lono khilemu thivemo nani, eno kitemi no axüshu no thi nani, kughengu lhothemiqo no ampe aqhe shino thi nani, eno axinemi no ampe aqhe lono thive aye, ti ye müsüinive kehu ke.

YETSAPIU 9:9

Alhou no ayeghi lo adou küxü o tsü püake tivilo nono kimiye chekeu o nipu sasü alopivi xülo, kughengu nono ime mlaitha chekeu lo tino o saje ke.

YETSAPIU 3:16

Tinguno alau, khetsünhe qholo I no hi ghi ithulue, achipiu-a lo, kixikila ghi aghi, eno kuchou-a lo küsakügha ghi aghie.

YETSAPIU 2:23

Kughengu pa küxü tivilo amlo ghuju likhi eno pa kümla kümtsü lo aveküsapu likhie. Putho lo ghi pa kükümsü ye akulho qhimlae. Hi ghi adou ke.

LESHELE 39:6

Mtsüqheino timi ye yekükhü toi wove cheni! Mtsüqheino ala küha keu lono panongu ye ime acheni; timi no akini pekütsü anamu khuu no luve nani keno mthae!

KUKAMI ATUGHIU 21:13

Eno küsaküghami kini no ighi no pa zülono timiqo küa lono Naboth nguku, “Naboth ye Alhou ngo akükau ghushovae.” Ikehu panongu no pa sasü aphughi khalau ipe no atu pesü veqhive.

BOTHUBO 47:9

Jacob no Pharaoh vilo pi, “I küxü lo kachena shi ighikeu hi ampe 130 shivae. Ampe aghulo likhi aphi ikemu shilusake pachi, eno I puasüqo küxü mpe qhemi kumoe.”

John 16:2

Panongu no sinagog lono nongu haphe nani. Mtsüqheino khunono nongu pithiluni keno, pa ye Alhou huthulu ani kepi kümsüni keu tüqhüdo hu cheni.

LESHELE 10:3

Kixikilami no pa mlo lo kümsü akeu pesü qheza cheni, eno alakimnemi no Ampeu ghusho eno milive cheni.