YETSAPIU 7:13 - Sumi Naga CL (Re-edited) Bible (BSI)

¹³ Alhou no mlakeu kümsü julo: Pa no ihoghülai mla püakeu khuu no shikümzü luni kea?

BAIBEL (BSI)

¹³ Alhou no mlakeu kumsukutojulo. Alhou no ihoghulai shipe puakeu kishi puzu khuuno tipau sukumzuluni kya?

YETSAPIU 7:13 Referans Kwoze

YETSAPIU 1:15

Chighichilai keu thime ye shikümzü mlae; eno kühakeu thime ye kihikülailu chemoe.

JOB 12:14

Pa no xaqhive aye khunomu shiqhekithe mlae; Pa no khuana akughu shive aye khunomu khaqhiphe mlae.

ISAIAH 5:12

Panoqo no tiqhetini lo aheo ngo küghaküsü lebo, amqü ngo fulili eno atsaiji peitha cheni, ikemu Ampeu kümla ye kihi chemo, momu Pa u lo kümla ithulu chemoe.

YETSAPIU 3:11

Pa no thokha kümtsü pütüta ghuloki lo jukivishi mlavae. Pa no timi mlo lo lhokta sütsüe, tishi keghi Alhou no abothu lono ashekha kutolo kiu mla keno timi pelo ithi pemoe.

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

ISAIAH 14:27

Kughengu aqokitikhi MPEU no kughuve ke khuu no moe pini kea? Pa u chhove ke khuu no tuchile luni kea?

LESHELE 107:43

Khukhumu alokütsümi no thime hipaqo kümsükutoju alo; panoqo pelo Ampeuw iqemokeu kikimiye kümsükutoju apelo.

Rommi 9:19

Nongu khami ye I vilo piluvi, “Kishino Alhou ye itehi ghi timi kipimi phucheni kea? Kughengu khuu no Pa pulou lakha luni kea?”

Rommi 9:15

Kughengu Pa no Moses vilo pi, “I no khunoqo shou küpükini ani keno panoqo shou küpükini anani, eno I no khunoqo shou amloighi qhiyi cheni keno panoqo shou amloighi qhiyi nani.”

ISAIAH 43:13

Hinguno hilau ye, I no Pa ke; khunomu I u lono xaphemlae; I no mlave keu khuu no tuchile kulupu kea?”

JOB 37:14

“Hi inilo, O Job; inaqhoi shino Alhouw akümzapu kümlaqo kümsüju lo.

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

LESHELE 8:3

Kughou I no O tsütsü lo O u lo kümla, aqhi eno ayepu, Nono ghope qhikeqo juni keno,

JOB 34:29

Pa no iqünheive namu khuu no akipimi Pa tsüluni kea? Pa no Pa gi küsüluve kelo shiye na lüthü namu khuu no Pa ithuluni kea?

JOB 11:10

Pa no xuju ighi no khuana akughu shive eno küghaki lo kusü namu khuu no Pa hakha kulupu kea?

JOB 9:12

Pa no mxape wuve namu khuu no Pa hachilepe, ‘No ye kiu shi ani kea?’ ipi luni kea?

YETSAPIU 8:17

tileno I no Alhou kümla kümtsü ithulue, ti ye kiu kishi ani keno timi ye khilemu ithi khamlae. Timi no kishi pükapütsa anamu phuphe luni chemoe. Alokütsümi no ithivae pi aghi namu, pau ghi phuphe mlae.

Luke 12:26

Ayikihedo lakhi ye aghulo eno mlalei ke tiu thotsü nongu no shimla aye, kushiye aküxü kupuju vehu ghenguno amlo kütakihi cheni kea?