YETSAPIU 6:12 - Sumi Naga CL (Re-edited) Bible (BSI)

¹² Kughengu timi lakhi no aküxü ikhonhei xüno yekükhü toi hecheve chekelo, khuu no pa ghenguno akiviu ye kiu keno ithi nani kea? Milakhi no thive kethiu khuu no pa vilo kiu shive nani keno piluni kea?

BAIBEL (BSI)

¹² Ikhonheikeu eno adou kuxu, yekukhu ighikeu lakhi toikeu kuxu hipaulo timi lakhi ghenguno kiuno akiviu keno khuuno kishi puzu ithini kya? Kughengu timino thive kethiu ayeghiqhalo kiu shinani keno khuuno kishi puzu ithini kya?

YETSAPIU 6:12 Referans Kwoze

James 4:14

Kughengu thoghiu ye kiu shive nani keno nongu ye mtha aphie. Nongu küxü ye kiu kea? Kughengu nongu ye akimhi no ado kitila ipeghi no pai hauve ketoi ke.

YETSAPIU 3:22

Ikehu I no ithilu keu no timi ye pa no mlalu keu lo alovilu keu nguno akiviu kühae, kughengu tino pa saje ke. Kughengu pa no thive kethiu khuu no pa saghilu no ithulu peni kea?

JOB 14:2

Pa ye axamunu toi pu ipeghi no ighiqive cheni, ngopushu mono yekükhü toi hauve cheni.

LESHELE 144:4

Timi ye atuthu lakhi toike; pa tsala ye wove chekeu yekükhü toike.

YETSAPIU 8:13

Ikemu kixikilami ye akivipu kumoe, pa küxü ghi yekükhü lakhi toi süchho mla nani, kughengu pa ye Alhou msamoe.

YETSAPIU 8:7

Kughengu pa ye kiu shive nani keno mthae eno khuu no pa vilo ti pikulupu kea?

JOB 8:9

Ningu ye ighina timi aphi kehu kiumu ithiamoe, kughengu ayeghi lo ni küxü ye yekükhü ke.

YEKIKITHI ATUGHIU 29:15

Kughengu ni puasüqo no inami eno kupokichemi shi ighi ketoi ningu ghi O zülo titoi kemie. Ayeghi lo ni tsala ye yekükhü toi wove cheni eno lakujupu kühae.

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

YETSAPIU 9:6

Panow kikimiye ngo akimthi, eno mine chekeu kümtsü pühavae, eno khetsünhe qholo kiu shi ani keno, tile pano saje ye kiumu kühavae.

YETSAPIU 2:3

I no I mlo tsüqhiyi aji pesü I phimpi lopivitsü jue—ti ye alokütsü no I mlo kichepiye ghi shike—eno kishi mbomzü shi xüni keno tighi phujue, tishikeu lono ado ikhonhei atsütsü qholo xü akelo, timi ye kiu mlakeu no akivi keno ithi niye ke.

LESHELE 109:23

Avelau yekükhü toi ni ye hauveni cheae; ni ye tülhaqu toi sükini qhivae.

LESHELE 102:11

I küxü ye avela yekükhü toivae; ni ye asütsüni thizümüive ke toivae.

LESHELE 17:15

I ghengu ye, I no achipiu mikucho lono O gilo juni; kughou I no ithughini keno, O kimihi lono I ghapiqi luni.

LESHELE 4:6

Kutomo no pi, “Khuu no akivi ningu piyeni kea? O Ampeu, ningu shou O gi küvü yepüvü tsülo!”

JOB 14:21

Pa nuli no agigihupu ithulu keu pa ye ithi chemo, panoqo shikuloti namu pa ye ithi chemoe.

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

LESHELE 89:47

I do ye kishi ikhonhei keno kümsü lulo! Kughengu No ye kiu vehu küküha lono timi lho kea!

LESHELE 47:4

Pa no ni mheghi kishetsü, Pa no kimiye chekeu Jacob kijivilepu shitsüe.

LESHELE 16:5

Ampeu ye I mheghi eno I jukhu; Nono I saje tsüqüpe ani.

YETSAPIU 2:24

Timi lakhi no pa ghime vecheo alopivi luno chusho akeu nguno akiviu kütau kiumu kühae. I no ithi keu no hi ghi Alhou launoe,

YETSAPIU 6:11

Atsa khije alau pi keno tijehi adoue, tino kiu timi la shitsü ani kea?

YETSAPIU 7:15

Iw adou küxü lono I no thokha ithuluvae. Amikuchomi no pa mikucho lono thive cheni, eno kixikilami no paw kixikila kümla lono pa xüpushu cheni.

YETSAPIU 9:9

Alhou no ayeghi lo adou küxü o tsü püake tivilo nono kimiye chekeu o nipu sasü alopivi xülo, kughengu nono ime mlaitha chekeu lo tino o saje ke.

YETSAPIU 10:14

Khunomu kiu shive nani keno mtha keghi, mbomzümi no atsa kighishe cheni, khuu no thive kethiu kiu shive nani keno pilu nani kea?