YETSAPIU 5:8 - Sumi Naga CL (Re-edited) Bible (BSI)

⁸ Yepeka no kumlhomi nedaqoda eno kuchou xakütha ngo achipiu hexave keu nono ithulu kelo akümza kevilo, kughengu kijemi tipau ye pa nguno akijeu no pa juani, eno panongu shou itaghi akijeu aphike.

BAIBEL (BSI)

⁸ Kughou yehpekano kumlhomi nedaqoda veno kuchou xakutha ngo achipiu shitsumo nikeno tipau jupe akumzaqhiyi kevilo. Kijemi kumtsu panoqo nguno akijeuno shokha pesu acheni eno pama shou itaghi akijeu no sushope aphike.

YETSAPIU 5:8 Referans Kwoze

YETSAPIU 4:1

Itaghi ayeghi lo nedaqoda keu kümtsü I no ithulue. Nedaqodape akeqo nhezü julo, pano gho shitsüni kemi kühae! Kughengu aküka ye pano qhasü akemi gholo ani kehu khunomu pano lokughuno tsüni kemi kühae.

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

YETSAPIU 3:16

Tinguno alau, khetsünhe qholo I no hi ghi ithulue, achipiu-a lo, kixikila ghi aghi, eno kuchou-a lo küsakügha ghi aghie.

LESHELE 82:1

Kungugha hoho lo Alhou no alakhü mpeu shiani; alhouqo zülo Pa no küghakütha pesü ngo ani:

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

Apostolmi 12:23

Paikhavi Ampeuw kungumi no pa hekuluve, kughengu pa no ajekipi Alhou tsümo ke, eno pa ye apithe no tsaqhi no atuthu kishekhave.

Luke 1:76

Anu, no ye Shishe Akiqheuw tungkupu kepi ku nani; kughengu nono Ampeu züuno pa laghi kuto tsünike wunani,

Luke 1:35

Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani.

Luke 1:32

Pa ye kije shi nani eno Shishe Akiqheu Nu ipi ku nani. Ampeu Alhou no pa sü David kükalakhü pa tsü nani,

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

ZEKHARIA 8:6

Aqokitikhi Mpeu no ishi piani: Tsala ghükulumi itehi akeu hipaqo nhethe lo hi no akümzapu shi aghi aye, I nhethe lo ghi akümzapu shikepu keshea? ipi aqokitikhi Mpeu no asheshu.

MICAH 2:9

Nongu no Iw timi totimiqo pano lokughuno ki lono eno pano tianuliqo launo hapheve, eno alholo ghenguno I juküvü pewuve tsüae.

AMUS 6:12

Khurshi ye atuqu shou no pocheni keshea? Amshitsü sasü azüghi hokide cheni keshea? Ikemu nongu no kuchou-xakütha pesü tüghü shivetsü eno achipiu-mikucho xathi pesü kukhukimji sübo shivetsüe—

AMUS 5:12

Kughengu no xine ye khije eno kishi kije keno I no ithi ani— nongu no achipiu mikuchomi kijipüsa, külügho lu, eno khagho lo aveküsami juzüve chenie.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

ISAIAH 10:12

Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

ISAIAH 5:7

Aqokitikhi MPEU tsailu ye Israel shiye, Judah lo küami no Pa lopushi chekeu sübo ke; Pa no panoqo launo kuchou xakütha laju kemu julo, ajikuqou ithulue; achipiu mikucho laju kemu julo, panongu no püqapunu chekemi küqau chilue!

ISAIAH 3:15

Kiu kiqi lono nongu ye Iw timi chunuqhi, kumlhomi gi nedape chisheqhi ani kea?” ipi aqokitikhi MPEU no sheshu ani.

AHOLE 8:17

Khunono I kimiye cheni keno I no tipaqo kimiye, khunono aghüiloqhiyi I phuni keno pano no I phulu nani.

LESHELE 95:3

Kughengu Ampeu ye akughushu Lhou, eno alhou kümtsü shou akughushu Kükau ke.

LESHELE 83:18

tishiaye panongu no O likhi no Ampeu, eno ayeghi kümtsü shou Shishe Akiqheu kepi ithive nani.

LESHELE 55:9

Kütsave lo, O Ampeu, panoqo tsa kübangüve tsülo; kughengu mishighüna lo hekiqhi eno mtomshu keu I no ithulu ani.

1 John 3:13

Athiküzümiqo, ayeghilomi no nongu mithi kelo nongu ye akichiqhi kevilo.

1 Peter 4:12

Kimiye chekeqo, nongu pejuni ke ami kütüghalu keshi nongu shou aghime küsa ikughi kelo, ti ye kiuala paküta keu nongu lau ighi aketoi akichiqhi kevilo.

Rommi 11:33

O, Alhouw küakini eno Pa lokütsü ngo akighithi ye kishi kuthoküzü kela! Paw xaküthaqo eno Pa kümlaqo ye kiu toi lheilo tokümlapu kelae!

AHOLE 22:16

Küakini kughuko niye kumlhomi nedaqoda, momu tughotili pesü kinimi tsü chekemi ye kumlhomiu shi nani.

AHOLE 24:12

“Ningu ye hipa vehu mthae,” ipi nongu no pi aghi namu, amlo huju chekeu huye pimhelu anike kumo? O küxü jukuto chekeu no ithi ani eno Pa no timi lakhi kümla kiqi lono tsüchile nanike kumo?

YETSAPIU 5:9

Ikemu akükau no alukichi lo amlotsü aghi keu no aghakhu ghenguno thokha lo alake.

YETSAPIU 7:7

Nedaqoda keu no alokütsümi pesü mbomzü shive cheni, eno külügho no amlo shipuqove tsücheni.

YETSAPIU 8:9

Ayeghi lo kiu shi ani keno I no tsaqüi phuju kelo hi kümtsü ithulu, ti ye kughou timi khami no kütami qhasüni keno, pano ghi alokughuno kühano acheni.

EZEKEL 18:18

Papu ghenguu ye, pa no süxachu, pa thiküzüu pükaqhi, eno paw timi gholo kiu no akivi kumo keno tipau mla ishi kehu, julo, pa ye pa xine ghenguno thinani.

YEKIKITHI AKINIU 26:10

Pa no asayeqha lo ghi qoghekiqo shipe qhino azü tughuko kutomo chhu, kughengu kulolau naghuto pukhu küxa lo ngo aqa yeghi lo pa ye lhoxü loji kutomo pighiche. Pa ye alu kichimi ngo atsailu kichimi ato yeghi lo ngo aqa lo ache, kughengu pa no aghüma yeghi kimiye ke.

JOB 24:23

Pa no sükusho pesü tsükeu lono panongu ye mtotoi luvi, ikemu Pa nhethi no pano küxü jukuto acheni.