YETSAPIU 4:14 - Sumi Naga CL (Re-edited) Bible (BSI)

¹⁴ Kughengu alhotheu huye pa ghakhu lo kumlhomi shi punu kemu akughuki lono kükalakhü lo ikuve.

YETSAPIU 4:14 Referans Kwoze

BOTHUBO 41:14

Tileno Pharaoh no Joseph kupuwu, eno panongu no mtazü aqokutho lono pa saipeghive. Pa no akichimhi miyeve, aphimini kilive no Pharaoh zülo ighi.

JOB 5:11

Pa no akuchunimi pesü akuchuqu lo süqhe cheni, eno akumlomi sükusho tsücheni.

DANIEL 4:31

Atsa hu no akükau kichi lo aphi lono, atsütsü lono asütsa lakhi ighive, “O akükau Nebuchadnezzar, o lau hipau piqhi ani: kükaqha ye o launo chevae,

AKUMLO 4:20

Ni küxü tuthu, AMPEUw kishekiphe kükau, khuu lau nino, “Pa kicheqho lono nino shiyeqo gholo xünani” ipiche keno pa ye küghaluvae.

KUKAMI AKINIU 25:7

Panongu no Zedekiah nhethe lono pa nuli pithive tsü; eno Zedekiah nhethi chixejove tsüno ayikichhe no pa tshüpe Babylon lo sawuve.

KUKAMI AKINIU 24:12

eno Judah kükau Jehoiachin no pa ampi, paza, paw kijemi, hiyampemi, eno pa kükaki lo kijemiqo pesü Babylon kükau tsüve. Babylon kükau yepe mpe akütacheu lono pa no Jehoiachin akughumi shi sasü wuve,

KUKAMI AKINIU 24:6

Jehoiakim ye pa puasüqo gholo zühuve eno pa nu Jehoiachin no pa thisü luve.

YETSAPIU 4:15

Khetsünhe qholo aküxüküa kümtsü no hu alhotheu akükau-a lo ngoniye akeu pape cheghi keu I no ithulue.

SAMUEL ATUGHIU 2:8

Pa no ayeghimkhu lono kumlhomi xaqhe; ayevu lono athokhami sünheqhe panoqo pe sakiphemi gholo iqape no agigihu lakhü ighilupe. Kughengu ayeghi tsükuchoqo ye Ampeuw ke, eno tipaqo shou no Pa no ayeghiqha shiqhe pukue.