YETSAPIU 3:19 - Sumi Naga CL (Re-edited) Bible (BSI)

¹⁹ Kughengu timi lau kiu shi keno tüghashi lau ghi athoshi cheni; lakhi no thive ketoi lakhiu ghi thive nani. Pama gha atuthu aphiphi, eno timi ye tüghashi nguno akiviu ke kumoe, kughengu kümtsü adoue.

BAIBEL (BSI)

¹⁹ Kiukiu shinamu ashekhalo timi ngo lhoxu kutauqo kishi aphiphi shiveni cheni keno tipauno kumtsu khe akhanike. Lakhi ghi lakhiu toi thive cheni, pama kinikujo aphiphi lhoxuke. Timi lhoxuye ashiaghau nguno akiviu shiwuve chenike kumoe, kughengu pama kinikujo akuxuye kiumu akiqi kuhae.

YETSAPIU 3:19 Referans Kwoze

LESHELE 49:12

Timi ye ahukülü shi xü acheuve monani; pa ghi tüghashiqo pühave ketoi nani.

LESHELE 49:20

Milakhi no akini tule-pele anamu alokütsü küha kelo tüghashi toi pühave nani.

YETSAPIU 2:16

Khunomu alokütsümi na anikhami namu kümsü luni chemoe, kughengu ighini keu tsala loye kümtsü kümsüma khave nani. Alokütsümi ghi anikhami toi kishi thive cheni kelae!

YETSAPIU 2:14

Alokütsümi nhethi ye pa kütsü lo acheni, ikemu anikhau ye aküzü lo checheni. Ikeghi I no pimhelu keu ye kümtsü lau ado aghuloki atho ighi cheni.

LESHELE 104:29

Kughou Nono O gi küsüveni keno, panongu ye aghüthisüve cheni; kughou Nono panoqo tuthu ikhiluveni keno, panongu ye thive cheni eno ayeghimkhu shive cheni.

SAMUEL AKINIU 14:14

Ayeghi lo azü peleve kelo likütsü kithemla ketoi ningu kümtsü thive nani. Ikemu Alhou ye aküxü luvetsü chemoe, eno Pa no alaghi hami phuphetsü cheni, tishianguno hapupove kemi ye khalau tishi auve chemoe.

AKIKIHI 16:29

Tsala timi hipaqo no timi kümtsü no thiche ketoi thi aye momu alhoaye kithi thi aye, Ampeu ye I puwu püamoe.

YETSAPIU 7:2

Küqa kumlo kilo wukeu no aghulhu kilo wukeu nguno akiviue, kughengu akithi no timi kümtsü shekuho ke, küxümi no ti pesü pano mlo lo qhimasae.

YETSAPIU 9:2

Hi ye kümtsü ghenguno aphiphi ke, amikuchomi ngo kixikilami, akivimi ngo alhoksami, mqhamqhi kemi ngo mithekumomi, aghakishimi ngo shimo kemi, kümtsü aphiphi ke. Kivimi no axinemi nguno akiviu ke kumoe, eno ashoqhi shikemi no shimo kemi nguno akiviu ke kumoe.

YETSAPIU 9:12

Kughengu timi ye pa do-aghuloki mthae. Akhame lo akha meluve eno alichhe lono aghau meluve ketoi, ado lhoksa lichhe no paikhavi timi meluve cheni.

LESHELE 49:13

Khunono pano ampi shou pükhübe eno pano papemi khunono pano tsa ikhilu cheni keno pano laghi ye hike.

YETSAPIU 1:14

Ayeghi lo shiakeu kümtsü I no ithulu khavae, eno hi ye amülhü küghaju püha cheke toi eno kümtsü adou ke.

YETSAPIU 1:17

I no I mlo kuchopu tsü püzü alokütsü ngo mbomzü eno anikha dolo kütüqü keu ithini ye pükapütsa. Ikemu I no phulu keu no highi amülhü küghaju pühake toike.