YETSAPIU 3:14 - Sumi Naga CL (Re-edited) Bible (BSI)

¹⁴ I no ithi anike Alhou no mlakeu kümtsü alholo ache nani; tipau lo kiumu süküpha mla, momu kiumu ikhive mlae. Alhou no hi shitsü keu ye timi pelo Pa zülo ighüqhiyi apeniye ke.

BAIBEL (BSI)

¹⁴ Ino ithi anike Alhou no mlakeu jeli kumtsu alhokupujulo ache nani. Noye tipaulo kiumu sukupha mlae momu tipau lono kiumu ikhisuwuve mlake. Alhou no shitsukeu thime lakhiye pa sumsape niyeke.

YETSAPIU 3:14 Referans Kwoze

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

LESHELE 33:11

Ampeuw kichekütsü ye alhokupuju acheni, Pa kukughu ye tiqheli kümtsü lo acheni.

Rommi 11:36

Kughengu thokha kümtsü Pa launo eno Pa vecheo ighi, eno Pa lau anie. Pülhapuju Pa lau akimthe jekipi apelo, Amen.

Apostolmi 5:39

ikemu hi no Alhou launo shiaghi aye, nongu ye panongu theqhimla nani. Nongu ye Alhou küla aghi luvike!” Ikehu hohomi no paw mijekütsü luve.

AHOLE 30:6

Pa tsa nguno alau süküpha kevilo, tikumo aye Pa no o sakiyi nani eno no ye kimkimi shi phuluve nani.

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

AHOLE 21:30

Alokütsü, vethakulu, mijekütsü kiunomu Ampeu theqhimla nani.

Ephesiami 3:11

Hi ye Paw lhokta kimji ni Mpeu Khristo Jisü launo shikupu tsükeu kiqi lono ke,

Apostolmi 4:28

Nono azünatha kughu püakeu panongu no shike.

Apostolmi 2:23

Alhouw mtsümishei keu küpüghü eno azünatha kighithi kiqi lono Jisü hipau pesü nongu u lo süvetsü, eno nongu no aye kümthami u lono pa yedave no pithive.

ISAIAH 46:10

I no abothu lono ashekha vehu sheshue, mulho lono shikupu mphikeu tsa ishi piqhi püani, ‘I kimji kupulo ye mtotoi ani, eno I no I kukughu kümtsü shikupu nani.’

YETSAPIU 7:18

Hipau tsüqü luve keu no o ghenguno alo, eno lakhiu ghi pheve kepu kumoe. Kughengu khuu no Alhou sümsani keno, pa ye ti küma kinikujo lono pojolu nani.

YETSAPIU 5:7

Kughengu kughou asamo eno atsa no kutomo shiveni keno adou shive cheni, ikemu nono msa masakeu ye Alhou ke.

AHOLE 19:21

Timi lolo akukughu kutomo shipeqhi cheni, ikemu ashekha loye Ampeu kimji likhino puthugholu nani.

LESHELE 76:10

Mtsüqheino O loghu ighikeu lono timi no O sheqhe nani; eno aloghu lono ghükulumi ye ghasü-hasü luve cheni.

LESHELE 64:9

Tithiu timi kümtsü no msave; Alhou no kiu shive akeno panongu no tipa ghili pike eno Pa no kiu mla keno tipau kümsü kutojue.

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”

DANIEL 8:8

Tishino anetsü ye shishe kije shive, ikemu pa no akumto shi ake lono akibo akijeu ye icheve, eno tipau züqhulo akibo bidi ichushei atsütsü mülhü bidi süvela küdau ipeghive.

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

SAMUEL AKINIU 22:31

Alhou hipau laghi ye kupukülai; Ampeu tsa ye kuchoue pi mtsüqheilu cheni; Pa ije chekemi lau Pa ye azüto ke.

YETSAPIU 5:6

O tsa no o sasü axine lo ilovepe kevilo eno hithiuno Alhou chinemi vilo nono pimive keu pi kevilo. Kushiye Alhou pelo o shou amloide no o u no mlapüa keqo kütsapinyive apeni kea?