YETSAPIU 12:2 - Sumi Naga CL (Re-edited) Bible (BSI)

² ti ye khetsünhe ngo aqhi eno ayepuqo no züchiyive mphi lono eno khüngküsü no tsütsüghu shelo shi ighi mphi lono tishilo,

BAIBEL (BSI)

² Tipauye kughono tsukinhe kuvu, aqhi kuvu eno ayepu kuvuno oghenguno zamimeive nikeno tileno tishi nani, tsughu chekeu khungkusuye khilemu tau move nani.

YETSAPIU 12:2 Referans Kwoze

ISAIAH 5:30

Tipani ghi panoqo no azüghi ghügha toi Israel lo igha ighi nani. Julo, aghakhu lo aküzü ngo aveküsa likhi ithulu nani, eno khüngküsü no aküvü küzüluve nani.

SAMUEL ATUGHIU 4:18

Pa no Alhouw Puloshoqhi Bohu jeku kemtsa, Eli ye khagho phivilo pa lakhü lono azübou no ikiqi veqhive eno akuo shochheve no thive, kughengu pa ye kitemi shive eno mishisheive ke. Pa ye Israelmi shou ampe lhobidi xaküthami shi ighie.

SAMUEL ATUGHIU 4:15

Tipa ghuloki lo Eli ye ampe lhotoku tache shiae eno pa nhethi ye züve kehu ithumla no ae.

LESHELE 77:16

O Alhou, kughou azüghi no No ithulu keno tino msave; mtsüqheino azüghi kutho no khokho shive.

LESHELE 71:20

No khuu I pelo aveküsa eno amhekiqi ithulupe keno Nono I püxü kithe tsü nani; ayeghi kuthoku lono Nono itaghi I saipeghi nani.

LESHELE 42:7

O züphapha ghügha igha kelo, akuthoku no akuthoku kue; azü kighide qochile ilove keu ngo qoipeghi keu kümtsü I shou ikughivae.

SAMUEL ATUGHIU 3:2

Tipa ghuloki lo Eli nhethi ye zamemeive eno tsaqüi ithumlauve no pa-a lo ihozü ache.

BOTHUBO 48:10

Israel ye kichimi shive kehu anhethi züve no pa ye ithulu move. Ikehu Joseph no pama sasü pa phivilo ighi, eno pa no pama müma no vape.

BOTHUBO 27:1

Isaac no kitemi shive kethiu pa nhethi zamemeive kehu pa ye ithumlauve, pa no pa nu akichiu Esau kuno pa vilo pi, “I nu,”; eno pa no khochile, “Ni hile ani.”

MATTHEW 24:29

“Tipa tsala lo aghime kitikhi tave kemtsa khetsünhe no zümoive nani, aqhi no aküvü tsümove nani, ayepuqo no atsütsü lono ikiqive nani, eno atsütsü lo küka jeliqo sükiniqhi nani.

LESHELE 90:10

Ni küxü mpe ye lhotsüni, momu mtotoi aghi namu lhotache; ikeghi aküxü süchedo ye aghime eno aveküsa likhie; paikhavi lono wove cheni, eno ningu ye yewuve cheni.

ISAIAH 13:10

Kughengu atsütsü lo ayepu-ayesü no pano küvü tsümove nani; khetsünhe ipe chephi lono züchiyive nani, eno aqhi no pa küvü tsümove nani.

JOYIL 3:15

Khetsünhe ngo aqhi no zümoi, eno ayepuqo no aküvü tsümovae.