YETSAPIU 11:9 - Sumi Naga CL (Re-edited) Bible (BSI)

⁹ O lhothemi, o lhothe lono alovi alo, o lhothe tsala lo o mlo no o lopivitsü apelo. O mlo eno o nhethi no o sache pelo. Ikemu hi kümtsü pesü Alhou no o shou küghathabe nani kepi ithilo.

BAIBEL (BSI)

⁹ Lhothemiqo, olhothe ghulokilo alovi alo, nono lhothemi shiakelo likhimu alokivishi alo. Nono kiu shinishikeno shialo eno oghakiqipu shialo. Ikemu nono kiukiu shikeno Alhou no oshou kughathabe nani kepi kumsululo.

YETSAPIU 11:9 Referans Kwoze

YETSAPIU 12:14

Kughengu akivi na aküsa namu timi kümla kümtsü, tuqhou no mla püakeqo ghi, Alhou no küghakütha lo süghi nani.

YETSAPIU 12:1

Nono lhothemi shiaphi lono, aküzü tsalaqo sholu mphi lono, eno nono, “Ni ye aküxü azüzüvae,” ipiuve kepu ghuloki ighi mphi lono o Lhoküsüu ghi kümsülu lo,

AKUMLO 3:27

Timi lakhi no pa lhothe lono kuokhasü xapu keu ye aloke.

YETSAPIU 3:17

I mlo lono I no pi, Alhou no amikuchomi eno kixikilami shou küghatha nani, kughengu avehu eno akümla kümtsü ghenguno ado anike.

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

IBRIMI 9:27

Timi kümtsü ghuthu lakhi ye thive penike kughuve tsüae, eno tithiu no küghakütha ighi cheke toi,

JOB 31:7

tsala I pukhu no ala vepimive, I mlo no I nhethi pape püaghi, eno I u lo axine dapusü aghi aye,

Rommi 14:10

Kushiye o thiküzümi shou küghathabe cheni kea? Momu no ye kushiye o thiküzümi jukünatha cheni kea? Kughengu ningu ye kümtsü Alhouw küghakütha lakhü zülo puthughoni aphie;

MATTHEW 5:28

Ikemu I no nongu vilo pi akeu ye khuu no mineqhiyi kütami nipu juni keno pa mlo lou no li sasü kütüqhavae.

YETSAPIU 2:10

I nhethi no kiu pulo keno ti kümtsü I no ithulue. I mlo no kiu pulo keno lakhimu milive moe, kughengu I mlo no I kümla kümtsü lo aghakiqi shi, eno tino I saxü ke.

BOTHUBO 6:2

Alhou nuliqo no timi ngaqo ye jukivishi akeu ithulu. Eno panongu no pano nipu shiniye kishelu.

BOTHUBO 3:6

Ikehu kughou atotiu no asübo huye achuqupu kivi, anhethi lo jukighilepu, eno alokütsü shilu kepu anie pi ithulu keno, li no tipau xathi ikhipe chuve, eno hami ikhipe li kimi, khuu ghi li gholo ngo akeno tsü, eno pa no chuve.

AKIKIHI 15:30

Ikemu khuu no püthapütsano axine shiveni keno Israelmi na inaghami namu, pa ye Ampeu hebidevae, tighenguno timi tipau ye aqo gholono kileve lo.

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

JEREMIYA 23:17

Panongu no Ampeu tsa thaigha chekemi vilo tamono picheni: ‘O ghenguno akivipu ani’; eno kuthovi ghi amlo pape chekeu vilo picheni, ‘O shou amhekiqi ighimo nani.’”

JEREMIYA 7:24

Ikemu panongu ye agholu moe eno akini mu kughopuwo mono alhoksa mlo xapu kuthovi ghi pano gho-apulou lono chewuve, eno azüu chewu mono athiu idewove.

LESHELE 81:12

Ikehu pano no shinishi keu kükümsü pape wuve peniye I no pano pesü amlo kuthovi keu shive peke.

ZAKINIU 29:19

Milakhi no hi puloshoqhi lo yepüa keu chilu no pa ampi kümghatsü ghi, ‘I no kuthovi ghi xüani kemu, ni ye sükusho qholo anie,’ ipi aghi aye, hitoi kemi ye akivimi eno alhoksami kümtsü aphiphishi joleve nani.

AKIKIHI 15:39

Ti no nongu pelo Ampeu zakütsü kümtsü kümsüchile luno pelupe nani, tishikeu lono nongu ye I launo tsüghüsü wuve no kütüqhami shiuve monani.

Apostolmi 24:25

Pa no amikucho, alikhi aghasükulu, eno küghakütha chekeu vehu apasü shi lhewo kelo, Felix ye thüghüive no pi, “Hi no tave aghilo, kughou adokivi ithuluni keno I no o ku puwuni.”

Apostolmi 14:16

Wovekeu tiqheli loye Pa no shiye kümtsü pelo pütüta lalo chepe.

KUKAMI ATUGHIU 22:15

Kughou pa no akükau Ahab zülo ighi keno akükau no pa vilo pi, “Micaiah, ningu ye Ramoth-gilead lewu kepu kema?” Pa no khochile, “Iqho lo, eno tokulu shilo; Ampeu no tipau pesü akükau u lo süvetsü nani.”

KUKAMI ATUGHIU 18:27

Pucho mta lo Elijah no panongu junuqhi no pi, “Ighamku lo, kughengu pa ye alhoue. Pa ye mighimghai ani keo, akulhoqhi ani keo, aghüzüla lo cheni keo, ikeo zü anino küda masa nani keno mthae.”

KUKAMI ATUGHIU 18:12

I no o launo wuve kemtsa Ampeu Ghungu no o khapesü I no mthake-a lo wuve nani. Ikehu ni o qeu ye I lhothe lono Ampeu sümsa ighive akemu, I no Ahab vilo ti pive no pa no o phumlave aye, pa ye I pithive niae.

AKIKIHI 22:32

AMPEUw kungumi no pa vilo pi, “No ye kushiye ghuthu küthü kutolo ow khurha ghaqhi kea? Julo, ni ye o mjonike ighi ani kughengu o laghi hipau ye I zülo hekibide ke.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

JOSHUA 7:21

aghüshi lono hakholu keqo gholo Shinar lono mlakeu hebephi jukivi lakhi, ghükayi ahu kini, eno ameshoyi ahu tüxa qhemi I no ithulu no püka luve. Tipaqo ye I pusho alou chhuqho püani eno ghükayi no aqhoshi no püanie.”

Luke 12:19

Eno ni ampi vilo pini, “O I ngulho, no ye ampe kutomo sala lukümkha shi o kini pekütsü luvae; akulhoqhi lo, chusho eno o lopivi alo.”’

YETSAPIU 6:9

Anhethi no ithulu akeu no aposünhei niye itsü chekeu nguno akiviu ke. Hi ghi adou eno amülhü küghaju püha keu paphi ke.

YETSAPIU 7:14

Kinikülü shilu ake ghuloki lo alovi alo, eno shiluküsa tsala lo kümsülu lo: Alhou no alokivi eno shiluküsa ghi puwue, tishianguno timi pelo pa thiu kiu ighi nani keno ithi pemo niye ke.

YETSAPIU 3:12

I no pimhelu keu no timi ye xüake tivilo alokivishi eno akivi kümla shikeu nguno akiviu kiumu kühae;