YETSAPIU 11:5 - Sumi Naga CL (Re-edited) Bible (BSI)

⁵ Totimi no mishipu akelo kishino anga philo aghungu ighive cheni keno ithikuthu mla ketoi, no ye Alhou no thokha mla püakeu ithini chemoe.

BAIBEL (BSI)

⁵ Totimi lakhi polo anga mishipu akeu kuxu kishieno tishive cheni keno ithi kuthuwomla kehutoi noye Alhou no thwokha mlape puakeu ithini chemoe.

YETSAPIU 11:5 Referans Kwoze

John 3:8

Amülhü no khila mülhü wunishi keno tila wucheni eno nono tipau sütsa chilu cheni, ikemu ti ye khilano ighi momu khila wucheni keno no ye mthae. Aghungu lono punuve kemi ye titoike.”

LESHELE 92:5

O Ampeu, O kümla ye kiutoi kije kea! O kükümsü ye shishe thonhei ke!

YETSAPIU 8:17

tileno I no Alhou kümla kümtsü ithulue, ti ye kiu kishi ani keno timi ye khilemu ithi khamlae. Timi no kishi pükapütsa anamu phuphe luni chemoe. Alokütsümi no ithivae pi aghi namu, pau ghi phuphe mlae.

Rommi 11:33

O, Alhouw küakini eno Pa lokütsü ngo akighithi ye kishi kuthoküzü kela! Paw xaküthaqo eno Pa kümlaqo ye kiu toi lheilo tokümlapu kelae!

ISAIAH 40:28

Nongu ye mtha eno chimla keo? Ampeu ye lhokta Lhou, ayeghiqha Pulhoküsüu ke. Pa ye qeinaive momu akulho shive chemo, Paw vethakulu lotsü ye lheilo tomlae.

LESHELE 104:24

O Ampeu, O kümlaqo ye ta khijehi kelae! Alokütsü lono Nono tipaqo kümtsü mlake; ayeghiqha ye Ow lhoxüqo no chhitoi ani.

YETSAPIU 7:24

Kiu acheghi keno ti ye putosüu ani eno shishe thonheike khuu no phuphe luni kea?

LESHELE 40:5

O Ampeu I Lhou, Nono ni lau Ow akümzapu kümla eno O kükümsü kutho kutomo shitsü; khunomu O sasü kimghi mlae! I no asheshuni eno tipaqo pini, ikemu ti ye pikhaluni chemoe.

JOB 38:4

“I no ayeghi boqha gho akelo no ye khile akea? Nono vethakulu aghi aye, I vilo pilo.

JOB 37:23

Ningu ye Akughushuu phumlae; Pa küka ye ighono kije; Pa ye kuchou xakütha eno kupukuno mikucho hexavemo nani.

JOB 5:9

Pa ye lheilo tomlakeu akümzapu kümla kihikhakümla shicheni:

YETSAPIU 1:6

Amülhü no apeu mülhü iqi no homxasü ahuu iqhove cheni, pa laghi züsü homxa acheni.

YETSAPIU 1:13

Eno I no alokütsü shi atsütsü qholo kiu shive ani keno kümtsü phukide juke. Alhou no timi nuliqo pelo mighimghai ape keu ye alokivipu vehu kumoe.

YETSAPIU 3:10

Alhou no timi pelo mighimghai apeniye akümlapu tsükeu I no ithuluvae.

YETSAPIU 3:11

Pa no thokha kümtsü pütüta ghuloki lo jukivishi mlavae. Pa no timi mlo lo lhokta sütsüe, tishi keghi Alhou no abothu lono ashekha kutolo kiu mla keno timi pelo ithi pemoe.

YETSAPIU 11:4

Khuu no amülhü jukuto cheni keno shosü mla nani, eno khüngküsü jukuto chekeu ye ghile humla nani.