YETSAPIU 10:12 - Sumi Naga CL (Re-edited) Bible (BSI)

¹² Alokütsümi tsa no agigihupu pa lau süghilu cheni, ikemu mbomzümi tsapi no pa kütsave cheni.

BAIBEL (BSI)

¹² Alokutsumi lakhino piqhi keuhuno gihu kepu pa lau sughilu cheni ikemu mbomzumiye pa tsano pa kutsave cheni.

YETSAPIU 10:12 Referans Kwoze

Kolosiami 4:6

Pülhapuju nongu tsapi lo küpüqhiyi eno jumghai shilo, tishianguno timi lakhikhi lau kishi khochile kepu keno nongu no ithi nani.

Luke 4:22

Timi kümtsü no pa pipivi eno pa kichi lono küpüqhiyi keu tsa ipeghi akeqo chilupe ighono akichiqhive. Khami no pi, “Hi ye Joseph nu ke kumo?”

AHOLE 22:11

Khunono amlo kimthe eno küpükini tsapi kimiye cheni keno pano ye akükau sasü shompami shilu nani.

AHOLE 15:2

Alokütsümi mili no akighithi she petsü cheni, ikemu mbomzümi kichi lono aghüzü tsa puqule cheni.

Ephesiami 4:29

Shiküpsapu tsa ye nongu kichi lono piphe kevilo, ikemu atüqhüdo kiqi lono shiqhe kilelu kepu tsa akivi likhi pilo, tishianguno chikulumi no kümgha keu shilu nani.

Luke 19:22

Pa no khochile, ‘O likhi o tsa pesü I no akipimi o tsünia na, no kixikila qeu! Ni ye tsatsai kemi, imasümo no ithulu eno xusümo no xolu chenie pi nono ithi ani ya?

MATTHEW 12:35

Timi kivimi ye küakini pekütsü püake toi pano xülo akivi pephe cheni, ikemu alhoksami ye alhoksa pekütsü püakeu lono alhoksa pephe cheni.

AHOLE 31:26

Li no alokütsü lono atsa picheni, eno kimiyekini kükütsütsa huno li mütsü lo acheni.

AHOLE 26:9

Mbomzümi no aholetsa piakeu ye shokümzümi no au lo asahu pecheke toike.

AHOLE 19:5

Kichile thopiu ye aghimepu lono pojoluni keu kumoe, eno alatsa piche kemi ghi povemlae.

AHOLE 15:23

Achipishi khochile keu ye timi lokivipue eno aghuloki kiqi lono atsa achipiu pilu keu ye kiutoi akivi kelae!

AHOLE 12:18

Chokilhemi tsapi ye azütakikihi pesü chuxuqhi keshi, ikemu alokütsümi mili no shipivilu cheni.

AHOLE 10:10

Anhethi kütsüpe timi tsükeu ye aküküpna xukutho ani, ikemu anikha tsapimi ye shiküpsapu sholuve cheni.

AHOLE 10:8

Akükümsü kivi puche kemi ye azakütsü ikhilu cheni, ikemu anikha tsa piche kemi ye shiküpsapu sholuve nani.

LESHELE 140:9

I homxape akeqo kütsü, eno panow mqümgha kichi no pano mhoqhive pelo!

LESHELE 64:8

Panongu ye kütsavae, pano mili no pano küla ani; panongu ithulu kemi kümtsü no akütsü küngü nani.

LESHELE 37:30

Amikuchomi kichi lono alokütsü tsa picheni, eno pa mili lono kuchou xakütha picheni.

JOB 16:5

I kichi lono nongu shikumto eno I mütsü kukulo no nongu küsü küghüqü luni cheke.

SAMUEL AKINIU 1:16

Eno David no pa vilo pi, “O ji no o kütsü lo ikuve peniu, kughengu o likhi o kichi no o pimi ghi thopi shivae, eno pi, ‘I no Ampeu no nukishe keu ghiqhivae.’”

YETSAPIU 4:5

Mbomzümi ye pa u kumshope ngoa no pa ampi chuve cheni.

YETSAPIU 9:17

Yepeu lakhi no mbomzümi gholo ighamku akeu ye qümüi alokütsümi tsa ini akeu pavie.

YETSAPIU 12:11

Alokütsümi tsa ye ambekhemi küsü lo ayi mtsüsüi keu toike, ahole pekütsü püakeu ye ayishu tsatsai yesü püake toike. Tipaqo ye Ambekheu lakhi launo ighie.

YETSAPIU 5:2

Nono pimphi lono kümsüju paghilo, eno kümsülu khavi Alhou vilo piqhi kevilo, kughengu Alhou ye kungugha lo ani eno nono ayeghi lo ani kehu o tsapi kümghü lo.

YETSAPIU 5:6

O tsa no o sasü axine lo ilovepe kevilo eno hithiuno Alhou chinemi vilo nono pimive keu pi kevilo. Kushiye Alhou pelo o shou amloide no o u no mlapüa keqo kütsapinyive apeni kea?