YEKIKITHI ATUGHIU 29:15 - Sumi Naga CL (Re-edited) Bible (BSI)

¹⁵ Kughengu ni puasüqo no inami eno kupokichemi shi ighi ketoi ningu ghi O zülo titoi kemie. Ayeghi lo ni tsala ye yekükhü toi wove cheni eno lakujupu kühae.

BAIBEL (BSI)

¹⁵ Nono ithi ani, O AMPEU, ninguye ningu puasu noqono shiketoi shikeu kughusawuve keu eno inami shivekeu toi ningu kuxu puwovae. Ningu tsalaqoye akicheqho toi yekhuwovae eno ninguye akithi zu itshumlae.

YEKIKITHI ATUGHIU 29:15 Referans Kwoze

LESHELE 144:4

Timi ye atuthu lakhi toike; pa tsala ye wove chekeu yekükhü toike.

LESHELE 102:11

I küxü ye avela yekükhü toivae; ni ye asütsüni thizümüive ke toivae.

ACHINE 25:23

“Ayeghi ye alhokuthu ghenguno jeve moni, kughengu ayeghi ye Iw eno nongu ye I yeghi lo inaghami eno kachenami ke.

James 4:14

Kughengu thoghiu ye kiu shive nani keno nongu ye mtha aphie. Nongu küxü ye kiu kea? Kughengu nongu ye akimhi no ado kitila ipeghi no pai hauve ketoi ke.

LESHELE 39:12

“I kighini chilu tsülo, O Ampeu, eno O kini kugho puwo I ghügha chilu tsülo; I no anhezü piji akelo inaqhoive kevilo! Kughengu ni ye O gholo kupokichemi lakhi ke, I puasü kümtsü toi shoinami lakhi ke.

JOB 14:2

Pa ye axamunu toi pu ipeghi no ighiqive cheni, ngopushu mono yekükhü toi hauve cheni.

LESHELE 119:19

Ni ye ayeghi lo kupokichemi lakhi ke; O zakütsü I launo küsüve kevilo!

LESHELE 90:9

Kughengu ni tsala kümtsü O loghu lono wokhavae; ni mpe ye atuthukishe lakhi toi wovae.

YETSAPIU 6:12

Kughengu timi lakhi no aküxü ikhonhei xüno yekükhü toi hecheve chekelo, khuu no pa ghenguno akiviu ye kiu keno ithi nani kea? Milakhi no thive kethiu khuu no pa vilo kiu shive nani keno piluni kea?

BOTHUBO 47:9

Jacob no Pharaoh vilo pi, “I küxü lo kachena shi ighikeu hi ampe 130 shivae. Ampe aghulo likhi aphi ikemu shilusake pachi, eno I puasüqo küxü mpe qhemi kumoe.”

1 Peter 2:11

Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.

BOTHUBO 23:4

“Ni ye kupokichemi eno nongu gholo inami; akumo kuqho-a ghenguno nongu mheghi lakhi I tsülo, tishianguno I no Iw kithimi shiqho luni.”

BOTHUBO 28:4

Pa pelo Abraham kükümgha pesü no eno o gholo o tikughukomi tsü peniu, tishino nono inami shi chekeu yeghi khikhi Alhou no Abraham tsü keno, tino o mheghi shilu peniu!”

BOTHUBO 36:7

Kughengu panongu mheghi ye ighono kutomo shive kehu kümtsa küghüna keu shilu move. Pano tsü-aqu ghenguno pano no kachena shi akeu yeghi ye zülave.

YEKIKITHI ATUGHIU 29:14

“Ikemu ni ye khuue pi eno Iw timiqo ye kiue pi ningu no hi kutolo puloniqhiyi O mlla kulupu shi kea? Kughengu thime kümtsü O launo ighi cheni, eno ningu no Ow pesü O tsüchileve ani.

YEKIKITHI ATUGHIU 29:16

O Ampeu, ni Lhou, ningu no O kimthe je ghenguno O sala aki shitsü nike hi kümtsü kupukuno shi ikhiphepe tsü akeu ye O u ghü lono ighikeu eno kümtsü Ow ke.

JOB 14:10

Ikemu timi ye thive no ayeghi qhou shiqhove cheni; pa tuthu kishekhave kelo pa ye khile acheni kea?

BOTHUBO 21:34

Abraham ye Philistia yeghi lo ado kushuo inami shi itsüche.

JOB 8:9

Ningu ye ighina timi aphi kehu kiumu ithiamoe, kughengu ayeghi lo ni küxü ye yekükhü ke.

LESHELE 39:13

I no cheve no kühave mphi lono I launo tsüghüve lo, tishiaye ni ye alovi kithelu nani.