YEKIKITHI ATUGHIU 29:11 - Sumi Naga CL (Re-edited) Bible (BSI)

¹¹ Aküka kumto kuloghi, ajuküvü, tokulu, akükanguagha ye Ow ke, O Ampeu, kughengu atsütsü eno ayeghi lo akeu thime kümtsü Ow ke. Ayekipe ghi Ow, eno O pesü kümtsü shou yepeu shiküzüe.

BAIBEL (BSI)

¹¹ Noye kije eno akumtou, ajukuvupu, saghusaghui keu eno akukau ke. Atsutsulo eno ayeghilo thime kumtsu owue eno noye akukaue, kumtsu shou ayehkipeu ke.

YEKIKITHI ATUGHIU 29:11 Referans Kwoze

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

Jude 1:25

ni Mpeu Jisü Khristo vecheo, ni xakuluu Alhou lau ajuküvü, kükanguagha, ayekipe, eno kükagha, khaghi wovekeu lono itehi eno alholo ache pelo. Amen.

ISAIAH 12:4

eno tipa tsala lo ishi pi nani: “Ampeu shikimthi tsülo, Pa je kulo, ashiayeqo vilo Pa kümla lhepiyelo, Pa ye sheqheküzü kepi shuphelo.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

JEREMIYA 27:5

“Aküka kije lono eno au xachho pesü ayeghi mlano timi ngo tüghashi tile qhikeu ye I no ke, eno khukhumu I no achipishi ithulu keu lau ayekipe tsücheni.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

DANIEL 4:3

Paw amchipuqo ye kishi kije, Paw akümzapuqo ye kishi akughushu kelae! Pa kükaqha ye lhokta kükaqha, eno Pa yekipeqha ye tiqheli no tiqheli kutolo acheni.

Piyeküsü 19:1

Hipa thiu kungugha lo aqokitikhi no igha akeshi asütsa kuloghi lakhi I no ishi chilu, “Hallelujah! Xakulupu, ajekipi eno aküka ye ni Lhouw ke,

BOTHUBO 1:1

Abothu lono Alhou no atsütsü ngo ayeghi lhoe.

LESHELE 99:1

Ampeu no ayepe ani; timi kümtsü no khokhoshilo! Pa ye cherubim shou iqa ani; ayeghi pelo itha pelo!

LESHELE 145:1

I Lhou eno I kükau, I no O sheqheni, pülhapuju eno alholo O jepipi tsüni.

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

LESHELE 29:4

Ampeu sütsa ye akumtoe; Ampeu sütsa ye akükanguagha no chhitoi ke.

LESHELE 21:13

O Ampeu, O kumto lono O süqhelo! Nino O küka shipili eno sheqheni.

ISAIAH 42:5

Ampeu Alhou, atsütsü lhophe eno tipau sükhope qhikeu, ayeghi xakhope qhino tile aküxü kümtsü tsükeu; timi kümtsü atuthu tsü, eno aghungu pesü xüküami tsükeu huno ishi pi ani:

LESHELE 97:1

Ampeu no ayepe ani, ayeghiqha pelo alovi pelo; züdoyeghi kutomo akeqo pelo alokivishi pelo.

JOB 37:22

Ameshoyi mülapui keu toi ahuu no Alhou kükanguagha no Pa vehope ighie.

LESHELE 104:1

Ampeu sheqhelo, O I ngulho! O Ampeu I Lhou, No ye ighono kije! No ye ajekipi eno ajuküvü pepu ani,

LESHELE 98:1

O ale kithe phepe Ampeu shipili lo, kughengu Pa no akümzapu thimeqo shike; Pa u ajeu eno Pa kimthe u no pa ghenguno xakulu süghike.

LESHELE 97:9

Kughengu, O Ampeu, No ye ayeghiqha kümtsü shou shishe akiqheu; No ye alhou kümtsü shou qhemghai süqheke.

LESHELE 57:11

O Alhou, kungugha shou O je süqhe lo! Ayeghiqha kümtsü lo O juküvü alupe lo!

LESHELE 57:5

O Alhou, kungugha shou O je süqhe lo! Ayeghiqha kümtsü lo O juküvü alupe lo!

SAMUEL ATUGHIU 15:29

Itaghi Israel Juküvü ye mikimo momu amlo kilimo nani, kughengu Pa ye timi kumo kehu amlo kilimo nani.”

LESHELE 47:9

Abraham Lhouw timiqo toi ashiaye kükapumi no hekütsü. Kughengu ayeghi züto ye Alhou u lo ani; Pa ye chuqumghai süqhepe anie!

NEHEMIA 9:5

Tishino Levimi Jeshua, Kadmiel, Bani, Hashabneiah, Sherebiah, Hodiah, Shebaniah, eno Pethahiah noqo no pi, “Puthugho lo eno alho lono alholo Ampeu nongu Lhou shelo. O jekipi je sheqhelo, kughengu O je ye shekiqhe eno akishe kümtsü nguno akiqheu lo peqhe püanike.

BOTHUBO 14:22

Ikemu Abram no Sodom kükau vilo pi, “Ampeu, Shishe Akiqheu Lhou, atsütsü eno ayeghi pighiu lau I no I u peqhevae,

BOTHUBO 14:19

Pa no Abram kümghatsü no pi, “Shishe Akiqheu Lhou, atsütsü eno ayeghi pighiu no Abram kümghatsü lo;

DANIEL 4:32

eno no ye timiqo dolono hasasü wuve nani, o kungo-a ye aghasa lo tüghashiqo gholo shive nani. No ye amshitsü lakhi toi atsüni mzachupe nani, eno Shishe Akiqheu no timi kükaqha shou ayepe cheni eno tipau pesü khukhumu Pa no pulo keu tsüve cheni ipi ithi moke kutolo kihiküthado tsüni no o hecheve nani.”

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

DANIEL 4:30

tile akükau no pi, “Babylon, khikhi I kughushu küka vecheo I no kükami kungo-a eno I kükanguagha juküvü ghenguno shiqhe keno, hi ye kije kekumo keshea?”

YEKIKITHI ATUGHIU 29:10

Tighenguno David no aqo küa lono Ampeu sheqhe ghi pi, “Alholo eno pülhapuju ni puasü Israel Lhou, O Ampeu, No ye sheqheküzüe.

YEKIKITHI AKINIU 20:6

eno pi, “O Ampeu, ni puasü Lhou, No ye kungugha lo Alhou ke kumo keshea? Nono ayeghi lo kükaqha kümtsü shou ayepe ani. O u lo aküka eno akumto akeu ghenguno timi khumu o mjochile mlae.

LESHELE 89:11

Kungugha ye Ow; ayeghi ghi Ow; ayeghi eno tile akeu kümtsü Nono lhoke.

DANIEL 2:20

Daniel no khochile no pi: “Alholo eno pülhapuju Alhou je sheqhelo, alokütsü eno akumto ye Paw.

JOSHUA 3:11

Julo, ayeghiqha MPEUw Puloshoqhi Bohu no nongu züuno Jordan lo wucheni.

JOSHUA 3:13

Eno kughou Puloshoqhi Bohu kipemi no azü lo apukhu nesüni keno, ayeghiqha Mpeu no Jordan zülo ngoluve nani, eno Jordan zü huno qowu move nani, eno qoiqi chekeu züno kuchope kunguu ikuve nani.”

LESHELE 10:16

Ampeu ye alhokupuju eno alholo akükau ke; shiyeqo ye pa yeghi lono pühavae.

LESHELE 57:6

Panongu no I pukhu lo ayitho thepe qhitsüe; I ngulho no aghimeküsa shive. Panongu no I la lo aqo chhupe qhi, ikemu pano likhi pano no tile ikiqi ilovae.

LESHELE 103:19

Ampeu no kungugha lo Pa kükalakhü kutovae, Pa kükaqha no kümtsü shou ayepe cheni.

LESHELE 145:6

Panongu no Ow akümzapu kümla kughushu pi nani, eno No ye kiutoi kije keno I no shupheni.