YEKIKITHI ATUGHIU 29:10 - Sumi Naga CL (Re-edited) Bible (BSI)

¹⁰ Tighenguno David no aqo küa lono Ampeu sheqhe ghi pi, “Alholo eno pülhapuju ni puasü Israel Lhou, O Ampeu, No ye sheqheküzüe.

BAIBEL (BSI)

¹⁰ Akukau David no aqo kuho akemi kumtsu zulono Alhou she. Pano pi, “Ningu puasu Jakob wu AMPEU Alhou, timi kumtsu pelo alhokupuju oshe achepelo!

YEKIKITHI ATUGHIU 29:10 Referans Kwoze

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

Piyeküsü 5:12

panoqo no iqhaighu pi, “Aküka, küakini, alokütsü, akumto, agigihu, ajekipi eno shekiqhe ye Ambeti Khuu ghiqhive keno, Pa no ithulu küzüe!”

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

Rommi 1:7

Rome lo khunoqo Alhou no qhuivü keu lono akimtheshi xü peniye kulu keno: ni Pu Alhou eno Ampeu Jisü Khristo launo ighi keu küpükini eno aloinokütsü nongu gholo alo.

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

FILIPIAMI 4:20

Ningu papu Alhou lau alho lono alholo ajuküvü apelo. Amen.

Rommi 8:15

Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

Luke 11:3

Tsalakipe chuqupu ni tsülo,

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

EZEKEL 3:12

Tithiu Aghungu no I sünheqhe luve eno I thiu ayeghi küghütha kije lakhi sütsa I no chilu: “Tipa-a lono Ampeu juküvü sheqhelo!”

ISAIAH 63:16

No ye ningu papu ke, Abraham no ningu mtha pinamu, eno Israel no ningu kihimo pinamu, O Ampeu, No ye ningu papuke, khaghi nomu niw Xachilekuluu no O je ke.

LESHELE 146:2

I no xüake tivilo ni ye I Lhou sheqheni. I küxü akelo ni ye I Lhou lau shikipili le pheni.

LESHELE 138:1

O Ampeu, I mlo kuchopu pesü I no O shikimthini; alhouqo zülono I no O shekiqhe le phe ani.

LESHELE 89:52

Alholo Ampeu sheqhelo! Amen, Amen.

KUKAMI ATUGHIU 8:15

Pa no pi, “Israel Lhou Ampeu sheqhelo! Pa no I pu David lau tushoqhi püakeu, Pa u no ti shikupuvae; Pa no hitoi piqhi püake,

BOTHUBO 33:20

Tilehi pa no akümlla-khache shiqhe eno tipa-a pesü El-Elohe-Israel kuvetsü.

BOTHUBO 32:28

Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.”

YEKIKITHI AKINIU 6:4

Pa no pi, “Israel Lhou Ampeu sheqhelo! Pa no I pu David lau tushoqhi püakeu Pa u no ti shikupuvae; Pa no hitoi piqhi püake,

YEKIKITHI ATUGHIU 29:20

Tishino David no aqomi azah tsü, “Ampeu nongu Lhou sheqhelo!” Eno kümtsü no pano puasü Lhou, Ampeu sheqhe, eno agigihu michishi panongu kütsü pishiqhope Ampeu ngo akükau tsü.

YEKIKITHI ATUGHIU 29:9

Panongu no amlo kümtsü süno puloniqhiyi Ampeu tsülu ke ghenguno alokivi shive. Eno akükau David ghi ighono alokivi shive.

YEKIKITHI ATUGHIU 29:11

Aküka kumto kuloghi, ajuküvü, tokulu, akükanguagha ye Ow ke, O Ampeu, kughengu atsütsü eno ayeghi lo akeu thime kümtsü Ow ke. Ayekipe ghi Ow, eno O pesü kümtsü shou yepeu shiküzüe.

ZAKINIU 32:3

Kughengu I no Ampeu je sheqheni; Ni Lhou kughushu pinie!

YEKIKITHI AKINIU 31:8

Akükau Hezekiah ngo paw kijemi no ghekütsü püakeu ithulu kelo Ampeu sheqhe eno Israel kümgha tsü.

EZRA 7:27

Ningu puasü Lhou, Ampeu sheqhelo, Pa no Jerusalem lo Ampeu ki akeu pesü juviqhiyi tsüniye hitoi keu pesü akükau mlo lo sütsü ke,

NEHEMIA 8:6

Ezra no Ampeu, akughushu Lhou sheqhe eno timi kümtsü no au peqheno khochile, “Amen, Amen.” Panongu no akütsü pishiqhope agi no ayeghi daluve no Ampeu mllae.

LESHELE 22:26

Aghime kitikhi lo akemi no chulu nani eno aghapiqilu nani; khunono Pa phucheni keno pano no Ampeu sheqhe nani! Nongu mlo alholo xü apeniu!

LESHELE 57:6

Panongu no I pukhu lo ayitho thepe qhitsüe; I ngulho no aghimeküsa shive. Panongu no I la lo aqo chhupe qhi, ikemu pano likhi pano no tile ikiqi ilovae.

DANIEL 2:20

Daniel no khochile no pi: “Alholo eno pülhapuju Alhou je sheqhelo, alokütsü eno akumto ye Paw.

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;