YEKIKITHI ATUGHIU 23:25 - Sumi Naga CL (Re-edited) Bible (BSI)

²⁵ David no pi, “Ampeu, Israel Lhou no aloino keu pesü Paw timi tsüno Pa ghi alhokupuju Jerusalem lo auvae.

BAIBEL (BSI)

²⁵ David no pi, “Israilmi wu AMPEU Alhou no pawu timiqo alokughuno tsuvae eno pa ampi ghi alhokupuju Jerusalem lo acheuve niae.

YEKIKITHI ATUGHIU 23:25 Referans Kwoze

YEKIKITHI ATUGHIU 22:18

“Ampeu nongu Lhou ye nongu gholo küha keshea? Pa ye ala jeli lono aloino keu pesü nongu tsüke kumo? Kughengu Pa no hipa cheaxü lo ache kemi pesü I u lo sütsü no Pa eno Paw timiqo zülono ayeghi hi qhasülue.

SAMUEL AKINIU 7:11

Eno püzüu I no xaküthami süsüke ghuloki lo toi ngukangughami ye panongu ghime kithemo nani. Nongu ghümi kümtsü launo I no nongu kulhoqhi tsü nani. Tinguno alau, Ampeu no o lau shuphe anike Pa no o sala aki shitsü nani.

ZEKHARIA 8:3

Ikehu Ampeu no piani: Ni ye Zion lo ideighivae eno Jerusalem lo ngouve nani, Jerusalem ye pükhükulupu mishighüna, eno aqokitikhi MPEUw naghuto, akimthe naghuto ipi ku nani.

LESHELE 135:21

Zion lono Ampeu sheqhelo, khuu Jerusalem lo ani keno, Pa sheqhelo! Ampeu sheqhelo!

SAMUEL AKINIU 7:1

Kughou akükau no pa kilo ngoluve eno pa hokümxa lo aghümi akeqo launo Ampeu no akulhokiqhi pa tsü keno,

Kolosiami 2:9

Kughengu Khristo lolo Alhou lhoaye kuchopu kupukülai ani,

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

ISAIAH 8:18

Julo, ni eno atianuli khunoqo Zion Toghi lo achekeu aqokitikhi MPEU no I tsü keno, ningu ye Israel ghenguno Paw michipu eno xüakeu thopi ke.

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

LESHELE 68:16

Alhou no Paw timi kungo-a shipenike kümsü akeu naghuto shou, iyei, Ampeu no tile alholo acheni, O atoghi kutomo akeu naghuto, kushiye no ye kimthikile ti ju ani kea?

LESHELE 9:11

Ampeu, Zion lo kükalakhü lo iqa akeu lau shekiqhe le phelo! Ashiayeqo vilo Pa kümla pilo!

KUKAMI ATUGHIU 8:27

“Ikemu Alhou ye kuchou no ayeghi lo xünani keshea? Kungugha akiqheu thotsü O ghenguno ililai moke I no aki hipau shipüa keu ye kishita tülalo kelae!

KUKAMI ATUGHIU 8:13

O pelo alholo ache penike I no O ghenguno akighiche ki shive tsüae.”

JOYIL 3:21

Aji peleve keu mkhü Ni ye lumphi ke I no amkhü lunani, kughengu Ampeu ye Zion lo anie.”

YEKIKITHI AKINIU 23:18

Jehoiada no Ampeu kilo aghukhemi pelo ngokhe luvepe, tipaqo ye Moses Yezah lo yepüake toi Levi lagha lo achinemi ngo Levimi Ampeu lau ale phe alokivi kije lono akipti kümllagho tsü penike eno Ampeu kilo ampi shi penike David no süsü keqoke.

JOSHUA 23:1

Ampeu no Israelmi pano hokümxa lo aghümi launo akulho qhitsü keu ado kushuo thiu, Joshua ye ighono kitemi shive.

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”