YEKIKITHI ATUGHIU 22:2 - Sumi Naga CL (Re-edited) Bible (BSI)

² David no inaghami khunoqo Israel yeghi lo ache keno kukütsü penike azah tsü, eno pa no atu heküthami pelo Alhou ki shikepu tu chhutha penike akümla kughutsü.

BAIBEL (BSI)

² Akukau David no inami khijehino Israil yeghilo ngocheni keno kumqolo pi ahza tsu tisheno pano panongu kumla kutotsu. Panongu gholo khamino achineki shinike ghenguno chutha pe .

YEKIKITHI ATUGHIU 22:2 Referans Kwoze

YEKIKITHI AKINIU 2:17

Tishino Solomon no papu David no timi kikihi lupüake toi Israel yeghi lo inaghami xü akemi thaqhü kihiju kelo, lakh lakhi qhethonhe lhopungu küthü no aqhe tsügho aghi.

Ephesiami 2:12

tipa ghuloki lo nongu ye Khristo launo kütüta shi ache, Israelmi gholo kuloji mlano inami shi ache, eno Alhouw Puloshoqhi piqhi püakeu lono tüsümi shi ayeghi lo lajupu küha eno Alhou kühano achekeu kümsülu lo.

EZRA 3:7

Ikehu panongu no atu ngo asü kümlamiqo pisa tsü, eno Persia kükau Cyrus launo puloza ithulu ketoi Lebanon lono cedar süboqo pewo azüghi lono Joppa lo yipe piqitsü penike chuqu-kusho ngo thazü pesü Sidonmi ngo Tyremi tsüe.

YEKIKITHI ATUGHIU 14:1

Tyre kükau Hiram no David ghenguno akighiki mla tsüniye asütsa kipemi gholono cedar sübo, atukümlami, eno asükümlami puwu.

KUKAMI AKINIU 22:6

(ti ye asü kümlami, aki kishimi eno atu kümlami) eno panoqo pelo ti pesü Ampeu ki shikithe keu lo asüpa ngo hekütha tuqo qhülu pelo.

KUKAMI AKINIU 12:12

eno ayeghi kümlami ngo atu heküthami tsüche. Tishino Ampeu kilo shikithe masa kepu ghenguno asüpa ngo atu kukubo qhüche.

KUKAMI ATUGHIU 6:7

Kughou aki mla akeno, atuqo ye chhukütha-a lono akivishi mlave no süwo kimeve kehu achineki loye ayihesü, amüghü momu tinhemgha kiumu qhoqhoshi ighamoe.

SAMUEL AKINIU 5:11

Tyre kükau Hiram no David lau aghinimi puwu, eno cedarbo ngo asükümlami eno atukümlami pelo David ki mla penike puwu.

YEKIKITHI ATUGHIU 29:1

Tithiu akükau David no kuho akemi kümtsü vilo pi, “I nu Solomon khuu Alhou no kisheluve akeno, pa ye alhothe eno puju-peju keu küha aphi püzü akümlapu no ighono kije shi ani, kughengu aki hi ye timiw kumono Ampeu Alhouw ke.

YEKIKITHI AKINIU 2:16

Eno ningu no Lebanon lono nono kiukiu sübo avehupu shimu ashuka lono Joppa kuto puighi tsüni, tilauno o pelo Jerusalem lo pewuve peni.”