YEKIKITHI ATUGHIU 22:11 - Sumi Naga CL (Re-edited) Bible (BSI)

¹¹ “Ikehu I nu, Ampeu no o gholo apeni, tishianguno Pa no o ghenguno piqhi püake toi o pelo Ampeu o Lhou ghenguno aki shiqhilu penie.

BAIBEL (BSI)

¹¹ David no pi ide, “Itehi, inu, AMPEU oLhou pelo ogholo apeniu, eno pano piqhi puakeu olauno achineki shiqhi kulupushi tokulu shilu peniu,

YEKIKITHI ATUGHIU 22:11 Referans Kwoze

2 Tim. 4:22

Ampeu no o ghungu gholo apeniu. Ampeuw Küpükini no o gholo apeniu.

Rommi 15:33

Aloinokeu Lhou no nongu kümtsü gholo apeniu, Amen.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

ISAIAH 26:12

O Ampeu, Nono ni ghenguno aloinokeu puthuphe tsünani, kughengu Nono ni ghenguno thokha mlave tsüake.

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.

SAMUEL ATUGHIU 17:37

Pa no itaghi pi, “Ampeu khuu abongshuu eno ava pukhumtsü lono I xaphelu keno Pa no Philistiami hipau u lono I xaphelu nani.” Saul no David vilo pi, “Wulo, eno Ampeu no o gholo apeniu!”

SAMUEL ATUGHIU 20:13

Ikemu I pu no o ghüza niye kümsüpu aghi no I no o vilo pimove eno o pelo pojolu pemo aye, Ampeu pelo Jonathan lau hinguno alau shipeniu. Ampeu no I pu gholo acheke toi o gholo apeni.

YEKIKITHI AKINIU 1:1

David nu Solomon ye pa kükaqha iqhikumto luve, eno Ampeu pa Lhou no pa gholo akehu pa pesü shishe kije shivetsü.

YEKIKITHI AKINIU 6:10

Ikehu Ampeu no Pa shoqhi shikupuvae. Kughengu I no I pu-a lo ikughi luvae, eno Ampeu no piqhike toi I no Israel kükalakhü lo iqa no Israel Lhou Ampeu je ghenguno aki shiqhevae.