YEKIKITHI ATUGHIU 21:8 - Sumi Naga CL (Re-edited) Bible (BSI)

⁸ David no Alhou vilo pi, “I no hipau shikeu lono axine kije shivae. Ikemu itehi ye kimiyeno O qeu kutokumo peve tsülo, kughengu ni ye ighono mbomzü kümla shivae.”

BAIBEL (BSI)

⁸ David no Alhou vilo pi, “Ino hi shikeu lono kumsapu xine shivae! Kimiyeno ikipimi shitsu kevilo. Ino aghuzu anikha kumla shivae.”

YEKIKITHI ATUGHIU 21:8 Referans Kwoze

SAMUEL AKINIU 12:13

David no Nathan vilo pi, “Ampeu zülo I no axine shivae.” Nathan no pa vilo pi, “Ampeu no o xine peve tsüae; no ye thimo nani.

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

JEREMIYA 3:13

Nono Ampeu o Lhou hebideve o pulou pesü asüminipho qholo inaghami lau tsüve no I tsa gholu move keu kipimi kepi ikhilu lo, ipi Ampeu no asheshu.

LESHELE 32:5

I no I xine O lau pipheve eno I kipimi küsümoe; I no pi, “I kipimi Ampeu lau pipheni,” eno Nono I xine kipimi qhivetsü.

LESHELE 25:11

O Ampeu, O je lono I kipimi qhive tsülo, kughengu I kipimi ye kije ke.

YEKIKITHI AKINIU 10:9

Pa no panongu vilo pi, “Timi hipaqo no I vilo, ‘O pu no ni xapipe keu kho kümthü tsülo,’ ipi akeu lo nongu ye kiu kükümsü pesü I tsüni kea?”

SAMUEL AKINIU 24:10

Ikemu timi kikihi luve kethiu David lolo alokughuno kühave. Eno pa no Ampeu vilo pi, “I no kiu shive akeno ti ye axine kije shivae. Ikemu O Ampeu, itehi kimiyeno O qeu kipimi peve tsülo, kughengu I no ighono mbomzü shivae.”

SAMUEL AKINIU 13:13

I ghengu ye, ni ye akukujo no khila wuveni kea? O ghengu ye, no ye Israel lo tichetighepu mbomzümi toive nani. Tighenguno itehi kimiyeno akükau pütsa lo, kughengu pa ye I pesü o tsünike moe pimo nanie.”

SAMUEL ATUGHIU 26:21

Tile Saul no pi, “I no axine shivae. Ideighi lo, I nu David, ni ye o ghime moae, kughengu nono ishi I küxü akughupu shi kihitsüe. Julo, I no mbomzü shivae, eno akumou kümla kije shivae.”

SAMUEL ATUGHIU 13:13

Samuel no Saul vilo pi, “No ye mbomzü kümla shivae. No ye Ampeu o Lhou no azah o tsükeu pemovae. Kughengu Ampeu ye alholo o kükaqha pesü Israel kümtsü shou iqhikumto tsüniye ake.

BOTHUBO 34:7

Jacob nuliqo no ti chilu khavi aluza lono ighive eno panongu ye ighono axuideve, kughengu Shechem no Jacob nga shipüthave keu vecheo Israel lo achika-anguka shiveke, kughengu hitoi keu ye shikepu kumoe.

YEKIKITHI ATUGHIU 21:7

Alhou no hipau jupe alokiqi kühave no Israel ghimeve.