YEKIKITHI ATUGHIU 20:5 - Sumi Naga CL (Re-edited) Bible (BSI)

⁵ Tithiu itaghi Philistiami sasü aghü shikelo Jair nu Elhanan no Gathmi Lahmi, Goliath thiküzüu, ghiqhive tsü, Lahmi ngupa ye ighono kije eno aghüqasü toi shishoi ke.

BAIBEL (BSI)

⁵ Itaghi aghukishi kutau lakhi Filistiyami sasu shi eno Elhanan Jair nu no Lahmi ghiqhive, paye Goliet thikuzuu Gatmi, pa ngupa ye ighono muzuchoi eno ayipa no aghuqasu toi shishoi.

YEKIKITHI ATUGHIU 20:5 Referans Kwoze

SAMUEL AKINIU 21:19

Itaghi Gob lo Philistiami sasü aghüshi kelono Bethlehemmi Jaare-oregim nu Elhanan no Gathmi Goliath, khuu ngupa akishilau aghüqasü toi keno, pa ghiqhive.

SAMUEL ATUGHIU 22:10

pa no Ampeu lau pa vehu ghenguno iniju eno achuqupu ngo Goliath zütakikihi ghi pa tsüe.”

SAMUEL ATUGHIU 21:9

Achineu no pi, “Philistiami Goliath khuu Elah Khila lono nono heqhive keno, julo, pa zütakikihi ye aphi no küzüpe hile ephod thiu anie. Nono lunishi aye, luve lo, kughengu tikumo aye kütau ye kühae.” David no pi, “Titoi keu kütau kühae; I tsüve lo.”

SAMUEL ATUGHIU 17:7

Pa ngupa sü ye aghüqasü toi eno angu kütsü ye ahu tsüni. Eno pa züto kupuu no pa züu che.

SAMUEL ATUGHIU 17:4

Tile Philistiami ghazü lono asachuu lakhi Gathmi Goliath ipikeu no khalau ipeghi, pa ye akushulau aunhekipshe toku.

YEKIKITHI ATUGHIU 11:23

Itaghi pa no Egyptmi sübosüghimi akushulau auxakuchho kinia toike ghiqhive. Egyptmi huno pa u lo aghüqasü paphishi angu pecheghi, ikemu Benaiah no asüthalu pesü pa mjo no pa u lono angu süxape pa qhuqhive.

YEKIKITHI ATUGHIU 20:6

Ado hami thiu itaghi Gath lo aghükishi ipeghi, tile sübosüghi lagha lono ighi kemi khuu auloti tsüghogho eno apukhuloti tsüghogho, küqha kelo 24 puche keno timi lakhi ache.