YEKIKITHI ATUGHIU 2:55 - Sumi Naga CL (Re-edited) Bible (BSI)

⁵⁵ Ayezah kighithimi laghami Jabez lo ngove kemi: Tiratmi, Shimeami eno Sucami. Panongu ye Rekhab limi pasü Hammath launo qüighi kemi Kenimi ke.

BAIBEL (BSI)

⁵⁵ (Alagha hipaqoye akiyelo eno pekikishe kaku yekide keulo shitsamiqoke eno panonguye Jabez taun lo ngoche: Tirathaimi, Shimeathaimi eno Sukathaimi, panonguye Kenaimi eno Rekhabaimi sasu kulakupu shikile chekemi qoke.)

YEKIKITHI ATUGHIU 2:55 Referans Kwoze

KUKAMI AKINIU 10:15

Jehu no tileno wuche kelo Rekhab nu Jehonadab no pa sasü kusho niye ighi. Jehu no petha tsüno pi, “I mlo no o lau kuchou shi aketoi, o mlo ye I lau tishi anima?” Jehonadab no khochile, “Tishi ani.” Jehu no pi, “Tishi aghi aye, o u I tsülo.” Jehu no pa sünhepe khurkulu lo pukuve.

XAKUTHAMI 1:16

Moses pangu Kenimi kughukomi ghi Judah timiqo gholono, Amsabo phughi lono Negeb lo Arad phivilo, Judah sayeqha kutolo iqho eno tilau küghünauve.

JEREMIYA 35:19

tighenguno Israel Lhou aqokitikhi MPEU no ishi piani: Rekhab nu Jonadab ye I huthuni keu timi khilemu püqüve mo nani.”

XAKUTHAMI 4:11

Tipa ghuloki lo Kenimi lakhi Heber ye Kedesh phivilo Zaanannim lo aphisübo qholo küghüna ache; hi Kenimi ye Moses pangu Hobab kughukomi eno Heber ye Kenimi gholono kajosü wuve kemi ke.

SAMUEL ATUGHIU 15:6

Saul no Kenimi vilo pi, “Chevelo, Amalekmi launo povelo, tikumo aye panongu gholono I no nongu ghi kütsaveni. Kughengu Israelmi no kughou Egypt lono ipeche keno nongu no kimiyeqhiyi püanie.” Ikehu Kenimi no Amalekmi launo pove.

JEREMIYA 8:8

“Nongu ye kishino, ‘Ningu ye alokütsü, eno Ampeu yezah ye ni gholo ani,’ ipini kea? Ikemu julo, akiyemiw yesüta no akimki shivae.

EZRA 7:6

Ezra hipau ye Babylon lono iqhoghi. Pa ye Ampeu, Israel Lhou no tsükeu Moses Yezah kighithimi lakhi, eno pa no khukeu kümtsü akükau no pulotsüe, kughengu Ampeu pa Lhou u no pa gholo ake.

YEKIKITHI ATUGHIU 2:54

Salma nuliqo: Bethlehem, Netophahmi, Atroth-beth-joab eno Manahath lo küami tüxa, Zoraitmi.

YEKIKITHI ATUGHIU 3:1

David no Hebron lo akelono anu punu keqo apunu mpe kiqi lono: Amnon, paza ye Jezreelmi Ahinoam; Daniel, paza no Carmelmi Abigail;