YEKIKITHI ATUGHIU 19:6 - Sumi Naga CL (Re-edited) Bible (BSI)

⁶ Kughou Hanun ngo Ammonmi no panongu ye David lau kumthu-kümna shivae pi vethalu keno, panongu no Mesopotamia, Aram-maacah, eno Zobah lono khurkulu ngo khurshimi piqe nike ghükayi ahu qhethonhe shighi-bidi qhalo pesü tsüpuwu.

BAIBEL (BSI)

⁶ Akukau Hanun ngo Amunmi ghi panonguno David pe aghumi shivekeu kumsuchilelu tishive kehu panonguno tsandi kilogram 34,000 pesu Ahuu Mesapotamia Siriya lo Maaka eno Zoba qolo khurkulu ngo tile ikukemi piqe saghiniye wu.

YEKIKITHI ATUGHIU 19:6 Referans Kwoze

YEKIKITHI ATUGHIU 18:9

Hamath lo Akükau Tou no kughou David no Zobah kükau Hadadezerw ghüshimi qhoi theqhive keu chilu keno,

YEKIKITHI ATUGHIU 18:5

Kughou Damascus lo Syriami no Zobah kükau Hadadezer kuphu niye ighi keno, David no pano qhethonhe muku-kini ghiqhivetsü.

SAMUEL AKINIU 10:6

Kughou Ammonmi no panongu ye David zülo kumthu kümna shivae pi ithi keno, panongu no Beth-rehob eno Zobah lo Syriami ghüshimi qhethonhe muku, akükau Maacah timi 1,000 eno Tobmi kiptimi qhethonhe chighikini piqeve.

BOTHUBO 34:30

Tile Jacob no Simeon ngo Levi pama vilo pi, “Nokujo ye I shou aküküpna süghivae eno Canaanmi ngo Perizimi yeghi hile küxümi zülo I pesü ajuaje küsapu shive tsüae. Ni ye aghulo ke, eno tsala panongu no hekütsüpe I mjochile eno leighi aye, ni eno I kibo ye kütsave nanie.”

1 Thes. 4:8

Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.

Luke 10:16

“Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

LESHELE 46:9

Ayeghi shekha kutolo Pa no aghükishi kishekhave tsüe; Pa no shexilika ngo angupa hechheve tsü; Pa no khurkulu ami lono pitive tsüe.

LESHELE 14:3

Kümtsü no lavela lo wuvae; kümtsa shiküpsa shiuvae; akivi shikemi khumu kühae, milakhimu kühae.

YEKIKITHI AKINIU 27:5

Pa no Ammonmi kükami sasü aghü shino tipaqo shou tolu. Tipa mpe lo Ammonmi no ghükayi ahu 3,400, ashothi ahu lakh muku eno barleythi ahu lakh muku pa tsü. Ammonmi no ampe akiniu ngo aküthüu lo ghi tishi pa tsüe.

YEKIKITHI AKINIU 25:6

Pa no ghükayi ahu 3,400 tsüno Israel lono aghütomi lakh lakhi ghi piqe.

YEKIKITHI AKINIU 18:9

Israel kükau ngo Judah kükau pama no aküka nanu pepusü Samaria khagho lo athi kütsüghü-a lo kükalakhü lo iqa eno tungkupmi kümtsü pama zülono tungkuptsa piae.

YEKIKITHI AKINIU 18:5

Israel kükau no tungkupmi 400 kutolo kukütsü no pi, “Ningu ye Ramoth-gilead lewu kepu kema?” Panongu no pi, “Lewu lo, kughengu Alhou no tokulu akükau tsü nani.”

YEKIKITHI AKINIU 18:3

Israel kükau Ahab no Jehoshaphat vilo pi, “No ye I sasü Ramoth-gilead lewuni ma?” Jehoshaphat no khochile, “Ni ye no ampi thoke, Iw timiqo ye ow timiqo thoke. Ningu no o gholo aghüshi lo wuni.”

SAMUEL AKINIU 8:3

David no Euphrates ghoki qhalo pa küka ikhichile luve niye wuke lono Rehob nu Hadadezer Zobah kükau ghi theqhive.

SAMUEL ATUGHIU 27:12

Achish no David pükhübe che eno ishi kümsü, “Pa ye paw timi Israelmi lau aphikümqhüpu shivae; tighenguno pa ye pülhapuju I qeu shi cheniae.”

SAMUEL ATUGHIU 14:47

Kughou Saul no Israelmi shou aküka ikhiluve keno, pa no aqha kümtsü lo pa ghümi Moabmi, Ammonmi, Edommi, Zobah kükami, eno Philistiami sasü küpüghü. Pa no khile wu keno tipaqo shou tolue.

SAMUEL ATUGHIU 13:4

Israelmi kümtsü no ti chilu no Saul no Philistiami mqo theqhivae pi, eno itaghi Israel ye Philistiami xukutho puthuvae pi ithive. Timi kümtsü no Saul gholo küqha penike Gilgal lo kukütsü.

IPEKULU 5:21

eno panongu no pama vilo pi, “Ampeu no nokujo ithulu no küghatha peniu, kughengu nokujo no ningu pesü Pharaoh ngo pa qemi zülo kumthu kümna shive tsüae, eno ni ghiqhive peniye azütakikihi panoqo u lo süve tsüae.”

YEKIKITHI ATUGHIU 19:5

eno panongu ghi tipa-a lono cheve. Kughou hipau vehu pesü David vilo pi keno, pa no tsapemi hape panongu lau puwu, kughengu panongu ye shishe kujoqhiyi ake. Akükau David no ishi pi puwu, “Nongu mkhümhi no ipeghi moke kutolo Jericho lo ngo aghi no tithiu no ighilo.”