YEKIKITHI ATUGHIU 18:3 - Sumi Naga CL (Re-edited) Bible (BSI)

³ David no Euphrates ghoki lo pa thigho shiqhe niye wuche kelono Zobah-Hamath kükau Hadadezer ghi theqhive.

Gade chapit la Kopi

BAIBEL (BSI)

³ Tipashelo, David no Akukau Hadadezer, Siriya yeghilo Zoba eno Hamat yeghi kupunulo pa haphe, kughengu Hadadezer no Eufrati ahuu pukhaluveniye pukaputsake.

Gade chapit la Kopi

« Previous

tounen moute ⬆

LESHELE 60:1

O Alhou, Nono ni milivae, ni ghukhe-a kubove tsüae; No ye amlo ideve ke; ningu pesü athoputho tsülo.

Gade chapit la

SAMUEL AKINIU 8:3

David no Euphrates ghoki qhalo pa küka ikhichile luve niye wuke lono Rehob nu Hadadezer Zobah kükau ghi theqhive.

Gade chapit la

Kughou Ammonmi no panongu ye David zülo kumthu kümna shivae pi ithi keno, panongu no Beth-rehob eno Zobah lo Syriami ghüshimi qhethonhe muku, akükau Maacah timi 1,000 eno Tobmi kiptimi qhethonhe chighikini piqeve.

Gade chapit la

SAMUEL ATUGHIU 14:47

Kughou Saul no Israelmi shou aküka ikhiluve keno, pa no aqha kümtsü lo pa ghümi Moabmi, Ammonmi, Edommi, Zobah kükami, eno Philistiami sasü küpüghü. Pa no khile wu keno tipaqo shou tolue.

Gade chapit la

IPEKULU 23:31

Akuhu Züghi lono Philistiami Züghi kutolo eno asayeqha lono Euphrates kutolo, I no nongu ghuthu shitsü nani, kughengu I no aghakhu lo küxümi pesü o u lo süvetsü nani, eno nongu no panoqo hapheve nani.

Gade chapit la

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

Gade chapit la

YEKIKITHI ATUGHIU 18:2

Pa no Moabmi ghi theqhive, eno panongu ye David qemi shive no asüqha pesü pa tsüuve.

Gade chapit la

YEKIKITHI ATUGHIU 18:4

Eno pa launo khurkulu 1,000, khurghüshimi 7,000, ghüshimi qhethonhe muku luvetsü. Pa no khurkulu 100 qhalo salu kepu khurshi qhivetsü no kütau ye kümtsü akhonhe hechheve tsü.

Gade chapit la