YEKIKITHI ATUGHIU 18:10 - Sumi Naga CL (Re-edited) Bible (BSI)

¹⁰ pa no Akükau Davidw tokulu ghenguno toshe pa tsü penike pa nu Hadoram puwu, kughengu Hadadezer ye ghuthu kutomo Tou sasü aghüshi cheke. Tou no ameshoyi, ghükayi, eno alazayi nhemghaqo pesü David tsüpuwu.

BAIBEL (BSI)

¹⁰ Tighenguno pano panu Joram Akukau David lau puwu puzu pa shikumto eno alokiqi tsa pe pano Hadadezer toluvekeu piwu pe, Toi no ghuthu kutomo pa sasu aghushi cheke. Joram no agho David tsu eno tiye shuna, tsandi eno alazayi no shikeu.

YEKIKITHI ATUGHIU 18:10 Referans Kwoze

SAMUEL AKINIU 8:10

Toi no Akükau David ye ashiaji kiu toi ani keno iniju eno pa kümgha tsüniye pa nu Joram puwu, kughengu Hadadezer no ado akichiu lono Toi sasü aghü shiche ke. Eno Joram no ghükayi, ameshoyi eno alazayi no shikeu nhemgha pa gholo süghi.

ISAIAH 39:1

Tipa ghuloki lo, Babylon kükau, Baladan nu Merodach-Baladan, no Hezekiah ye süano viluve kepi chilu kehu züqhukishimi u lono yesü ngo agho pesü tsüpuwu.

YEKIKITHI AKINIU 9:1

Kughou Sheba kükaliu no Solomon jekipi chilu keno, li no ighono kushokütsü ighikuju tsa pesü pa pejuni ye Jerusalem lo ighi. Li gholo apapemi kütsasa ighi, eno sayeshi lono vekujumkhu, ameshoyi kutomo, eno akughupu tuqo peighi. Kughou li no Solomon sholu keno, li no amlo lo puche keu kümtsü pa vilo pi.

YEKIKITHI ATUGHIU 18:9

Hamath lo Akükau Tou no kughou David no Zobah kükau Hadadezerw ghüshimi qhoi theqhive keu chilu keno,

YEKIKITHI ATUGHIU 18:11

Akükau David no thime hipaqo gholo Edommi, Moabmi, Ammonmi, Philistiami, eno Amalekmi launo ghükayi ngo ameshoyi luve keqo ghi küqhano Ampeu lau ikhiphetsü.