YEKIKITHI ATUGHIU 17:8 - Sumi Naga CL (Re-edited) Bible (BSI)

⁸ eno nono khilekhile wumu I no o gholo wuno o zülono o ghümi kümtsü heqhive tsüke. I no aje kije pesü o tsüno o pelo ayeghiqha lo aju-aje küami toi shipeni.

BAIBEL (BSI)

⁸ Nono khile wukeno ti kumtsu lo ino ogholo che eno ino ozu-uno wuno oghumi kumtsu havetsuno opelo tolupe. Ino opelo ayeghiqha kumtsu shou ajekipi eno sakiphetomi shou sakipheu shipeni.

YEKIKITHI ATUGHIU 17:8 Referans Kwoze

YEKIKITHI ATUGHIU 17:2

Nathan no khochile, “O mlo lo kümsüpu akeu kümtsü shilo, kughengu Alhou ye o gholo ani.”

SAMUEL ATUGHIU 18:14

Eno pa no shikeu kümtsü lo tokulu shilu, kughengu Ampeu no pa gholo ake.

LESHELE 75:7

ikemu Alhou no küghakütha süghi cheni lakhiu sünhe qhive eno lakhiu süqheve cheni.

LESHELE 71:21

Nono I pelo ikoishe lupe nani eno itaghi I lokughuno tsü nani.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

SAMUEL ATUGHIU 18:28

Ikemu kughou Saul no Ampeu ye David gholo ani, eno Michal ye pa kimiyevae pi ithulu eno ithive keno,

BOTHUBO 28:15

Julo, I no o gholo ani eno nono khile khile wunamu I no o süsho nani, eno ayeghi hipau lo o sachile ighi nani. Kughengu I no o lau ashoqhi kiu shi keno tipau shive moke kutolo Ni ye o qhivemo nani.”

Luke 1:52

Pa no akumtomi pano kükalakhü lono sünheqhive no akuchuni-a lo akemi süqhevae;

LESHELE 18:1

O Ampeu, I kumtou, I no O kimiye cheni.

EZRA 4:20

Kükami kumtomi no Jerusalem shou ayepe ighiva, eno Aghoki Kukuu phughi lo ghi ayepe no zame ngo asüqha pesü pano tsü ighivae.

YEKIKITHI ATUGHIU 17:17

Ikeghi O Alhou, O nhethe lo hi ye tülalo aghi kepu toi Nono ighini keu lo ghi O qeu laghami ghenguno atsa kije pive tsüae, eno akiqheu timi toi ni ikhilu tsüke O Ampeu Alhou!

SAMUEL AKINIU 22:1

Kughou Ampeu no aghümi eno Saul u lono David xaphelu keno, tipani no pa no ale hipau lono Ampeu pütsae.

SAMUEL AKINIU 8:8

Hadadezerw mishighüna Betah ngo Berothai lono Akükau David no alazayi kümzapu ikhipe wuvetsü.

SAMUEL AKINIU 8:6

Tithiu David no Damascus Aram lo ghüshimi ghazü qhive, eno Syriami ye David qemi shive no zame süghitsü. David no khile wu keno Ampeu no tokulu tsü.

SAMUEL AKINIU 7:9

Nono khile wu keno I no o gholo ae eno o ghümi kümtsü o zülono ikhive tsü. Eno ayeghi lo akighichemi toi I no o ghenguno aje kije shitsü nani.

SAMUEL ATUGHIU 26:10

Ampeu xü anike Ampeu no Saul pithive nani, momu pa kithi tsala ighi nani, momu pa ye aghüshiqa lo ilo no thive nani.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

YEKIKITHI ATUGHIU 17:7

Tighenguno itehi ye nono I qeu David vilo ishi pini, ‘Aqokitikhi Mpeu no piani, Iw timi Israelmi sakipheu shi penike aluza lo nono ambe jukuto akelono o kulu keu huye I no ke,

YEKIKITHI ATUGHIU 17:9

I no Iw timi Israelmi ghenguno a-a lakhi kishe no panoqo pesü tile shosüni, tishianguno panongu no akütsa shi tile ngono khunomu pano pünaqhi pemoni. Alhoksami pelo panongu shipüsa pemoni,

YEKIKITHI ATUGHIU 14:17

David jekipi ye aqha kümtsü lo kügha wove, eno Ampeu no shiye kümtsü pelo pa sümsape.