YEKIKITHI ATUGHIU 17:22 - Sumi Naga CL (Re-edited) Bible (BSI)

²² Tishino Nono Israelmi pesü alholo Ow timi shivepe, eno Nono panongu Lhou shike, O Ampeu.

BAIBEL (BSI)

²² Nono Israilmi pesu pulhapuju owu timiqo shie eno nono AMPEU panongu Lhou shie.”

YEKIKITHI ATUGHIU 17:22 Referans Kwoze

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

SAMUEL ATUGHIU 12:22

Kughengu Ampeu ye Pa je kije ghenguno Paw timiqo phevemo nani, Pa no nongu pesü Paw timi shivekeu ye Ampeu lopue.

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

KUKAMI ATUGHIU 10:9

Ampeu o Lhou shelo, Pa no o shou amlokiqi shi no o pesü Israel kükalakhü lo qhike! Kughengu Ampeu no alholo Israel kimiye ke ghenguno Pa no o pesü akükau shike, tishikeu lono o pelo achipiu eno amikucho shi peniye ke.”

YEKIKITHI ATUGHIU 17:21

Ow timi Israel toike khuu ania? Ayeghi lo shiye lakhi pesü Ow timi shiniye No Alhou ampi no khunoqo Egypt lono xaphelu keno, panongu zülono Nono O jekipipu eno akümzapu shi shiyeqo hapheve tsüke.

YEKIKITHI ATUGHIU 17:23

Itehi ye, O Ampeu, Nono O qeu eno pa laghami ghenguno pivekeu tsa kiqi lono alholo shikupu tsülo,

SAMUEL AKINIU 7:24

Nono Ow timi Israelmi pesü alholo Ow timi shiniye shosüvae, eno Nono panongu Lhou shivae, O Ampeu.