YEKIKITHI ATUGHIU 17:21 - Sumi Naga CL (Re-edited) Bible (BSI)

²¹ Ow timi Israel toike khuu ania? Ayeghi lo shiye lakhi pesü Ow timi shiniye No Alhou ampi no khunoqo Egypt lono xaphelu keno, panongu zülono Nono O jekipipu eno akümzapu shi shiyeqo hapheve tsüke.

BAIBEL (BSI)

²¹ Israil shiyeh toi keu kutau hipa yeghilo kuhae, khuu nono aqemi shi akelono xapheluno panongu pesu owu timiqo shiluve keno. Nono ighono akumzapu kutomo panongu ghenguno mlakeu ghenguno ojekipi ayeghiqha kumtsulo pikulhae. Nono owu timiqo Ijipmi ulono kuqhophe eno Shiyeh kutami panongu zuuno nono haphevetsu.

YEKIKITHI ATUGHIU 17:21 Referans Kwoze

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

ISAIAH 64:3

Kughou Nono akichiqhipu kümla, nino kümsümo keu shi keno, ti ye Nono iqighi kelo, naghutoqo no O zülo khokhoshi ke.

ISAIAH 63:12

Pa no Moses u ajeu Pa kükakumto tsüve, Pa likhi Pa je shekhaha ghenguno ache penike panongu zülono azüghi kijethave tsüke.

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

ISAIAH 48:9

“I je ghenguno, I no I mlo kighide süchile cheni; I je sheqhe penike I no süchile ani, tishianguno nongu kütsaleve moniye ke.

LESHELE 147:20

Pa ye khuno shiye mu sasü hitoi shipüamoe; panongu ye Paw pimheyeqo mthae. Ampeu sheqhelo!

LESHELE 111:9

Pa no Paw timiqo lau qhüchilekulu tsüke; Paw puloshoqhi ye alholo ache penike Pa no azah tsüe. Pa je ye akimthe eno akümzapu ke!

LESHELE 107:2

Ampeu no qhüchile luve kemi no pilo, Pa no aghime lono khunoqo qhüchilelu keno,

LESHELE 77:15

O küka vecheo Nono Jacob ngo Joseph nuli Ow timiqo qhüchile lue.

LESHELE 65:5

O ni xakulu Lhou; ayeghi eno azüghi kümtsüw lajupu, Nono akighiche kümla vecheo amikucho pesü ni khochile ke;

NEHEMIA 9:10

Pharaoh ngo pa qemi kümsü eno paw timi kümtsü shou amchipu ngo akümzapu kümla mlae, kughengu panongu no ni puasüqo shou qheza keu Nono ithi ae. Tilauno Nono O je shikeu ishi kutolo anie.

JOSHUA 10:42

Joshua no ghuthu khavino kükami hipaqo eno pano yeghi kümtsü leluve, kughengu Ampeu Israel Lhou no Israel züqhushi aghüshi tsüke.

ZAKINIU 15:15

No ye Egypt lo aqemi shiche kelono Ampeu no xachilelu kepi kümsülu lo, tighenguno ishi tsala lono I no azah hipau tsü anike.

ZAKINIU 4:7

Kughengu Ampeu ni Lhou no kugho kughomu nino kukelo ni phivilo aketoi khuno shiye kije no alhou titoi ke ani kea?

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

YEKIKITHI ATUGHIU 17:20

O toi kemi lakhimu kühae, O Ampeu; eno ni kini no chiluve ake O nguno alau Alhou kütau ye kühae.

YEKIKITHI ATUGHIU 17:22

Tishino Nono Israelmi pesü alholo Ow timi shivepe, eno Nono panongu Lhou shike, O Ampeu.

JEREMIYA 32:21

O u kumto eno O u xachhope amchipu eno akichiqhipu kümla shino Nono Ow timi Israelmi Egypt yeghi lono saipeghi.