YEKIKITHI ATUGHIU 13:11 - Sumi Naga CL (Re-edited) Bible (BSI)

¹¹ Ampeu no süchile mono Uzzah shou Pa xukighide pepheke gheno David ye ighono amloideve. A-a hipau pesü ishi kutolo Perez-uzza ipi kucheni.

BAIBEL (BSI)

¹¹ eno tipau-a pesu “Perez Uzza” ipi itehi kutolo jeku chephi. David ye ighono msave kughengu AMPEU no pa loghu kighide Uzza shou pukuno ghimeve kehu.

YEKIKITHI ATUGHIU 13:11 Referans Kwoze

JONAH 4:9

Ikemu Alhou no Jonah vilo pi, “No ye atsünibo ghenguno amloide akepu keshea?” Pa no pi, “Iyei, ni ye amloide akeu pavie, thiveni keu mlokighide pavie.”

JONAH 4:4

Eno Ampeu no pi, “No ye amloide küzüpu kiu ani kea?”

SAMUEL AKINIU 6:9

Tipa tsalani David ye Ampeu msave no pi, “Kishino AMPEUw puloshoqhi bohu I lau ighi luni kea?”

SAMUEL AKINIU 6:7

Ikelo Ampeu mlokighide Uzzah shou ikughive, eno paw shikipimi ghenguno Alhou no Paw puloshoqhi bohu phivilo no heqhive.

JOSHUA 4:9

Eno Joshua no atu chighikini pesü Jordan mta lo achinemi no Puloshoqhi Bohu pesü puthughoke-a lo shosüve; atu tipaqo ye ishi kutolo achephi.

ZAKINIU 34:6

Ampeu no Moab khila lo Beth-peor ghüngü lo pa qhove, ikemu ishi kutolo khunomu pa kumo kuqho-a mtsümishei mthae.

BOTHUBO 32:32

Tighenguno, ishi tsala kutolo Israelmi ye ayikughi kikime lo ashi akeu chuchemoe. Kughengu timi huno Jacob yikughi lo anhü buve tsüke.

YEKIKITHI ATUGHIU 13:10

Tileno Ampeu xukighide kije Uzzah shou ikughive, pa no Puloshoqhi Bohu buve kehu Ampeu no tipa-a lono pa heqhive, eno pa ye Alhou zülono thive.

YEKIKITHI ATUGHIU 13:12

Tipani David ye Alhou msave no pi, “Ni ye kishi aki lo Alhouw Puloshoqhi Bohu pewoni akea?”

IPEKULU 19:22

Achinemi khunoqo Ampeu kupunu ighini keno panongu ampi kishekimtheve pelo, tikumo aye Ampeu no panoqo ghimeve nosake.”

YEKIKITHI ATUGHIU 15:13

Kughengu atüghüu loye nongu no tipau pemoke ghenguno, eno ninguu ghi Pa pulou phumove ke ghenguno Ampeu ni Lhou xukighide gha ni shou ikughive ke.”