YEKIKITHI ATUGHIU 12:38 - Sumi Naga CL (Re-edited) Bible (BSI)

³⁸ David pelo Israelmi kümtsü kükau shipeni keu kimji lono ghüshimi hipaqo no aghüshi lo wuniye chekeshi shekujo Hebron lo ighi. Titoi Israelmi kümtsü no David pelo akükau shi penike akükümsü lakhi shilue.

BAIBEL (BSI)

³⁸ Ghushimi hipaqo kumtsu aghulo wunikeu kutokugho luvekemi, panonguno Hebron lo wuno David pelo Israilmi kumtsu kukau shipeni keu shi kughue. Israilmi kumtsuno akukumsu aphiphi lono kuqhape wuke.

YEKIKITHI ATUGHIU 12:38 Referans Kwoze

KUKAMI ATUGHIU 8:61

Tighenguno nongu mlo kümtsü pesü Ampeu Alhou tsülo, Pa yezah kiqi lono xülo eno Pa zakütsü ishi tsala lo pelu aketoi papelo.”

EZEKEL 11:19

I no amlo lakhi panoqo tsü nani, eno aghungu kithe panoqo lolo sütsü nani. I no panoqo phimpi lono atu mlo ikhive tsü nani eno aghokulu mlo panoqo tsü nani,

LESHELE 110:3

O küka tsala lo ow timiqo no akimthe phimini pepusü lüthü kupulo lono pano küxü ikhiphe tsü nani, inaqhe tsüzü toi ow lhothemiqo no o lau ighi nani.

LESHELE 101:2

I no tukutiye kühakeu laghi kümsü juni. O No ye kughono I lau ighini kea? Ni ye I kilo akikhi mlo xapusü cheche nani;

YEKIKITHI AKINIU 30:12

Alhou no Judah timi pelo amlo lakhi shino akükau ngo paw hiyampemi Ampeu tsa ikhilu penike akümla shive.

YEKIKITHI ATUGHIU 12:33

Zebulunmi aghüshi lo khutive kemi, David kuphuni keu kimji likhi qhino aghü nanu kümtsü xapu akemi qhethonhe lhopungu;

KUKAMI AKINIU 20:3

“O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

KUKAMI ATUGHIU 11:4

Pa no muchomi shiuve kelo pa nipuqo no pa sasü kütau lhouqo lau wuve, eno pa pu David no amlo kuchopu Ampeu pa Lhou tsüche ketoi, pa ye tishi move.

YEKIKITHI ATUGHIU 12:37

Reuben, Gad, eno Jordan Kipelau Manasseh laghaqo no aghünanu kümtsü xapusü timi lakh lakhi no qhethonhe muku ighi.

YEKIKITHI ATUGHIU 12:39

Ikehu panongu no atsala küthü kutolo David gholo ngono pano thiküzümi no kuto tsükeu chusho ae.