YEKIKITHI ATUGHIU 12:22 - Sumi Naga CL (Re-edited) Bible (BSI)

²² Tsalakipetsü timi mqo kütüta no David kuphu nike pa gholo ighikeu huno paw ghüshimi kütsasa shive.

BAIBEL (BSI)

²² Tsalakipe tsulo timi akithe theno David ghushimi gholo iloghi chewuve, tighenguno pawu ghushimi alau alau ikowove.

YEKIKITHI ATUGHIU 12:22 Referans Kwoze

SAMUEL AKINIU 3:1

Saul lagha ngo David lagha dolo kushuo aghü shi ache. David ye akumto shikithe wove, ikemu Saul lagha ye miqemlei kithe wove.

JOB 17:9

Tishimu, amikuchomi ye pa laghi pheve chemo, khunono au mithe ani keno pano no alau mtokithe chenie.

JOSHUA 5:14

Timi huno khochile, “Moe, Ni ye Ampeuw ghüshimi zatsüu ke.” Joshua no ikiqi pa gi no ayeghi dape mlla no pi, “I mpeu ye pa qeu pelo kiu shipenishi ani kea?”

BOTHUBO 32:2

Kughou Jacob no panoqo ithulu keno pa no pi, “Hi ye Alhouw aghazü-a kena!” Tighenguno pa no tipa-a pesü Mahanaim kuve tsü.

LESHELE 148:2

Paw kungumi kümtsü no Pa sheqhelo; Paw aqokitikhi kümtsü no Pa sheqhelo!

JOSHUA 5:13

Kughou Joshua no Jericho kupunu ighi keno, pa no ju kelaye timi lakhi azütakikihi pa u lo pesü aghi keu ithulu. Joshua no pa lau wuno pi, “No ye ni laumi keo, ni ghümi laumi kea?”

SAMUEL ATUGHIU 29:10

Ikehu thanau inaqhe itheno o mpeu qemi khunoqo o gholo ighi keno tipaqo sasü tsütho ipeghi kemtsa alachelo.”

SAMUEL ATUGHIU 30:1

Kughou David ngo paw timiqo no aküthüni Ziklag lo ighi keno, Amalekmi no Ziklag eno apeu yeghi leighi aghi. Panongu no Ziklag leluve no pitileve tsü aghi,