YEKIKITHI ATUGHIU 11:23 - Sumi Naga CL (Re-edited) Bible (BSI)

²³ Itaghi pa no Egyptmi sübosüghimi akushulau auxakuchho kinia toike ghiqhive. Egyptmi huno pa u lo aghüqasü paphishi angu pecheghi, ikemu Benaiah no asüthalu pesü pa mjo no pa u lono angu süxape pa qhuqhive.

BAIBEL (BSI)

²³ Paye Ijipmi lakhi subosughi eno akiqhe lau miter kini shou qhekeu eno angu pakutakeu kipeu ghi ghiqhive. Ike Benaia no asulu pesu pa le, Ijipmi u lono angu hu suxaluveno tipau pesu pa qhuqhive.

YEKIKITHI ATUGHIU 11:23 Referans Kwoze

SAMUEL ATUGHIU 17:7

Pa ngupa sü ye aghüqasü toi eno angu kütsü ye ahu tsüni. Eno pa züto kupuu no pa züu che.

YEKIKITHI ATUGHIU 20:5

Tithiu itaghi Philistiami sasü aghü shikelo Jair nu Elhanan no Gathmi Lahmi, Goliath thiküzüu, ghiqhive tsü, Lahmi ngupa ye ighono kije eno aghüqasü toi shishoi ke.

SAMUEL ATUGHIU 17:51

Tileno David no powo Philistiami hu shou puthughove no pa zütakikihi süjophepe pa kütsü micheve tsü. Kughou Philistiami no panow asachuu thive keu ithulu keno panongu ye pokhave.

SAMUEL ATUGHIU 17:4

Tile Philistiami ghazü lono asachuu lakhi Gathmi Goliath ipikeu no khalau ipeghi, pa ye akushulau aunhekipshe toku.

ZAKINIU 3:11

(Rephaim lagha lo ghükulumi gholo Bashan kükau Og likhi ache. Pa lüpa ye ayi lüpa, ti ye Ammonmi yeghi lo Rabbah lo anike kumo? Ti ye akushulau aunhekipshe chighiküthü tüxa, akijelau no aunhekipshe tsügho.)

YEKIKITHI ATUGHIU 11:24

Jehoiada nu Benaiah no akumto kümla hipaqo shino küthü gholo pa ghi ajekivi shilu.