YEKIKITHI ATUGHIU 11:20 - Sumi Naga CL (Re-edited) Bible (BSI)

²⁰ Joab thiküzüu Abishai ye akighichemi shighi gholo atou ke, pa no pa ngu pesü timi 300 sasü küpüghü no qhoi pithi khave. Akighichemi küthü nguno alau pa ghi ajekipi shilue.

BAIBEL (BSI)

²⁰ Joab thikuzuu Abishai no “Ajekipimi Shighi” shou sakipheu. Pano panongu pesu timi 300 sasu aghushi eno panongu kumtsu ghiqhi pithive, eno “Shighi” shou ajekipi shiluve.

YEKIKITHI ATUGHIU 11:20 Referans Kwoze

SAMUEL ATUGHIU 26:6

David no Hittimi Ahimelek ngo Zeruiah nu Joab thiküzüu Abishai pama vilo pi, “Khuu no I gholo Saul ghazü lo iqini kea?” Abishai no pi, “I no o gholo iqini.”

YEKIKITHI ATUGHIU 2:16

Panoqo chelimi no Zeruiah eno Abigail. Zeruiah nuli: Abishai, Joab, eno Asahel pano küthü.

SAMUEL AKINIU 21:17

Ikemu Zeruiah nu Abishai no Philistiami mjothuve no pa heqhive püzü David xaluve. Tithiu Davidw timiqo no ashoqhi shive, “No ye khilemu ningu gholo aghüshi lo wumoae, tikumo aye nono Israel kulu pinheve nosae.”

SAMUEL AKINIU 20:6

David no Abishai vilo pi, “Bikhri nu Sheba ye Absalom nguno alau ningu ghüza niye ani. O mpeu qemiqo sasü pa hawulo, tikumo aye pa ye aliwo akeu phughi lo ilove no ningu launo pokave nosae.”

SAMUEL AKINIU 18:2

David no ghüshimi saje küthü lo lakhi no Joab zakütsü qholo, lakhi no Zeruiah nu Abishai, eno lakhi no Gathmi Ittai zakütsü qholono puwuve. Eno akükau no timiqo vilo pi, “Ni ghi nongu gholo wuni.”

SAMUEL AKINIU 3:30

Joab ngo pa thiküzüu Abishai pama no hitoi Abner pithive, kughengu pa no pama thiküzüu Asahel Gibeon ghüshi lono pithive tsüke.

SAMUEL AKINIU 2:18

Zeruiah nu pano küthü, Joab, Abishai eno Asahel ye tile ae. Asahel ye aghalo anetsü pukhu toi mthüe.

YEKIKITHI ATUGHIU 11:19

eno pi, “I Lhou zülo ni ye khilemu hitoi shimo nanie! Ni ye timi hipaqo küxü ji yeve tsüni keshea? Kughengu pano küxü kutolo kümsapu lo ikhiphe tsüno hi peighi tsüke.” Tighenguno pa ye tipau yemove. Aghütomi pano küthü no hipau kümla shitsüe.

YEKIKITHI ATUGHIU 11:21

Pano shighi dolo pau no ajekipi shino panonguw zatsüu shive, ikemu küthü je qhemiu ye tolumoe.