YEKIKITHI ATUGHIU 1:14 - Sumi Naga CL (Re-edited) Bible (BSI)

¹⁴ eno Jebusimi, Amorimi, Girgashimi,

BAIBEL (BSI)

¹⁴ Kanan ye Jebusimi, Amarimi, Girgashimi,

YEKIKITHI ATUGHIU 1:14 Referans Kwoze

JOSHUA 3:10

Joshua no pi, “Aküxüpu Lhou no nongu gholo ani kepi hileno ithi nani, ti ye Pa no nongu zülono Canaanmi, Hittimi, Hivimi, Perizimi, Girgashimi, Amorimi eno Jebusimi hapheve tsü nani.

BOTHUBO 15:21

Amorimi, Canaanmi, Girgashimi eno Jebusimi yeghi hipau tsü ani.”

ZEKHARIA 9:7

I no pa kichi lono aji luvetsü nani, eno ahu dolono aphikümqhüpu luvetsü nani; pa ghi ni Lhouw ghükulumi shive no Judah lo alagha lakhi toive nani, eno Ekron ye Jebusimi toive nani.

AMUS 2:9

“Ikeghi panoqo zülono Amorimi kütsave keu ye I no ke, panongu ye akiqhelau Cedarbo toi chuqumghai eno aphisü toi choshiyike; kunguu no pa xathi eno aqhou no pa kuhu aghü I no kütsave tsü.

NEHEMIA 9:8

Pa mlo no O shou pükhükulupu shikeu Nono ithulu kehu Canaanmi, Hittimi, Amorimi, Perizimi, Jebusimi, eno Girgashimi yeghi pesü pa lagha tsüniye pa sasü puloshoqhi shike. Eno Nono Ow pikiqhitsa papeke, kughengu No ye amikucho ke.

KUKAMI AKINIU 21:11

“Judah kükau Manasseh no aphikümqhüpu hipaqo shi, pa züu Amorimi nguno kuthoküzü xine shi, eno pa julhoqo vecheo Judah pelo axine shipe,

SAMUEL AKINIU 24:16

Kughou kungumi no Jerusalem küdau pa u süqhepe ti kütsave niye shikeno, Ampeu no küsakusho lono süchileve no timi kütsakungo akeu kungumi vilo pi, “Kughomae; o u süchile luvelo.” Ampeuw kungumi huye Jebusimi Araunah niqa lo ake.

SAMUEL AKINIU 21:2

Tighenguno akükau no Gibeonmi kuno pütsa. Gibeonmi ye Israelmi kumo kemu Amorimi ghükulumi ke. Israelmi no panongu süsho tsünipi ashoqhi shipüa kemu Saul no Israelmi ngo Judahmi lau pa zükini shi anipi panongu pithive niye shike.

XAKUTHAMI 19:11

Panongu no chesü Jebus kupunu ighi kelo atsala iloveni kelau shive, ikehu aqeu no ampeu vilo pi, “Ighilo, ningu Jebusimi phughi hipau lo ilo no itiji tilau züveni nolo.”

XAKUTHAMI 1:21

Ikemu Benjaminmi ye Jebusimi Jerusalem lo küghüna akemi haphe move, ikehu Jebusimi ye Benjaminmi sasü ishi kutolo kümtsa xü cheni.

JOSHUA 24:15

Ampeu qekeu no o ghenguno axine shive aghi aye, nono khuu qeni keno ishi tsala lono kishelu lo, nongu puasüqo no Aghoki kukuu qe chekeu lhouqo qeni keo, Amorimi khuno yeghi lo itehi nongu no küghüna ani keno pano lhouqo qeni kea? Ikemu ni eno I kibo ye Ampeu qeni.”

ZAKINIU 20:17

ikemu Ampeu no azah nongu tsüke toi Hittimi, Amorimi, Canaanmi, Perizimi, Hivimi eno Jebusimi, qhoi püghave lo,

ZAKINIU 7:1

“Kughou nongu no pükha niye akeu yeghi lo Ampeu nongu Lhou no nongu sailoghi nike nongu nguno akumtou eno timi kütsasa akemi shiye tsüni, Hittimi, Girgashimi, Amorimi, Canaanmi, Perizimi, Hivimi eno Jebusimi hapheni keno,

IPEKULU 34:11

“I no ishi azah nongu tsükeu pape lulo. Julo, I no nongu zülono Amorimi, Canaanmi, Hittimi, Perizimi, Hivimi eno Jebusimi hapheve nani.

IPEKULU 33:2

I no kungumi o züu puwuni, eno Canaanmi, Amorimi, Hittimi, Perizimi, Hivimi, ngo Jebusimi hapheveni.

BOTHUBO 48:22

Tinguno alau, o thiküzümi tsükeu nguno alau ato yeghi lakhi khikhi I no Amorimi u lono I zütakikihi ngo Iw shexilika pesü hakholu keno tipau o tsüve ani.”

BOTHUBO 10:16

eno Jebusimi, Amorimi, Girgashimi,

YEKIKITHI ATUGHIU 1:13

Canaan nu anoghiu no Sidon, eno Heth,

YEKIKITHI ATUGHIU 1:15

Hivimi, Arkhimi, Sinimi,