YEKIKITHI AKINIU 9:8 - Sumi Naga CL (Re-edited) Bible (BSI)

⁸ Ampeu o Lhou shelo! Pa no o shou amlokiqi shino o pesü Israel kükalakhü lo qhie! Kughengu Ampeu no alholo Israel kimiye ke ghenguno Pa no o pesü akükau shike, tishikeu lono o pelo achipiu eno amikucho shi peniye ke.”

BAIBEL (BSI)

⁸ AMPEU oLhou sheqhe ani! Opelo akukau shipe eno pa je lono ayeh pepekeu olau alokiqi akeu piye anike. Kughengu pano pawu timiqo Israilmi qhuivulai ani eno alho kupujulo panoqo puxupe puanishi kehu pano opelo panoqo kukau shipeke tishianguno noye ayezah ngo achipiu xatha keu pepimhelu peniyeke.”

YEKIKITHI AKINIU 9:8 Referans Kwoze

YEKIKITHI AKINIU 2:11

Tyre kükau Hiram no khokichile yesü Solomon tsü puwu, “Ampeu no paw timiqo kimiye kehu Pa no o pelo pano kükau shipe.”

YEKIKITHI ATUGHIU 29:23

Ikehu Ampeu no puthuphe tsükeu kükalakhü lo Solomon no papu David-a lo akükau shi iqave. Eno pa küka ye ikoishe wove no Israelmi kümtsü no pa gholu.

ZAKINIU 7:8

Ikemu Ampeu no nongu kimiye eno no puasüqo lau tushoqhi keu shikupu niye akumto kije lono eno Egypt kükau Pharaoh qüaxe lono nongu xachile luke.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

AHOLE 21:3

Aghakishi nguno amikucho eno achipiu shikeu huno Ampeu zülo ikhikulupue.

LESHELE 99:4

Akükau no pa kumto lono kuchou xakütha kimiye cheni. Nono kümtsü lau aghibiu shi; Nono kuchou xakütha süghi eno Jacob lau achipiu mikucho süghike.

LESHELE 72:2

Pa pelo achipiu mikucho pesü Ow timiqo, eno kuchou xakütha pesü kumlhomi xatha tsü pelo!

LESHELE 22:8

“Pa ye Ampeu pükhübe ani; Pa pelo xaphe pelo; Pa pelo kuphu pelo, kughengu pa no Pa lau azüküvü acheni!”

LESHELE 18:19

Pa no aghüche kivi lo I saipeghi; Pa no I xaphelu, kughengu Pa lokiqi I lau ake.

YEKIKITHI ATUGHIU 29:20

Tishino David no aqomi azah tsü, “Ampeu nongu Lhou sheqhelo!” Eno kümtsü no pano puasü Lhou, Ampeu sheqhe, eno agigihu michishi panongu kütsü pishiqhope Ampeu ngo akükau tsü.

YEKIKITHI ATUGHIU 29:10

Tighenguno David no aqo küa lono Ampeu sheqhe ghi pi, “Alholo eno pülhapuju ni puasü Israel Lhou, O Ampeu, No ye sheqheküzüe.

YEKIKITHI ATUGHIU 28:5

Eno I nuliqo dolo (kughengu Pa no anuli kutomo pesü I kümghatsü kehu) Solomon pesü Ampeu kükalakhü lo iqa no Israelmi shou ayepe penike kishe luvae.

YEKIKITHI ATUGHIU 17:22

Tishino Nono Israelmi pesü alholo Ow timi shivepe, eno Nono panongu Lhou shike, O Ampeu.

KUKAMI ATUGHIU 10:9

Ampeu o Lhou shelo, Pa no o shou amlokiqi shi no o pesü Israel kükalakhü lo qhike! Kughengu Ampeu no alholo Israel kimiye ke ghenguno Pa no o pesü akükau shike, tishikeu lono o pelo achipiu eno amikucho shi peniye ke.”

KUKAMI ATUGHIU 3:28

Israelmi kümtsü no akükauw xakütha hipau chilu no agigihu pa tsü, kughengu pa ye achipiu shinike Alhou lokütsü pa lolo anipi panongu no ithive.

SAMUEL AKINIU 23:3

Israel Lhou no piqhivae; Israel Tuqu no I vilo pivae: Kughou milakhi no achipiu lono, Alhou sümsa ghi ayepeni keno,

SAMUEL AKINIU 8:15

David no Israel kümtsü shou ayepe luve. Pa no kuchou xakütha eno aqhemi lono timi kümtsü shou ayepe.

ISAIAH 62:4

Hinguno hilau no ye Pheve kemi ipi kumo nani, eno nongu ghakhu ye khilemu Pighive keu ipi kumae, ikemu o pesü ishi pinani, I züküvü ye li shou ani, eno o ghakhu ye külakupu shiluvae; kughengu Ampeu no o lau amloqi ani, eno Pa no o ghakhu ye külauvepe nani.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

YEKIKITHI AKINIU 9:7

O nipuqo lokivipue! O qemi lokivipue, kughengu panongu ye alhokuthu o zülo puthughope o lokütsü tsa chilu acheni!

YEKIKITHI AKINIU 9:9

Tishino li no ameshoyi ahu 4,080 vekujumkhu kutomo eno akughupu tuqo pesü akükau tsü. Sheba kükaliu no vekujumkhu Akükau Solomon tsükeu jehi ye khilemu ithulu püamoe.

AHOLE 29:4

Akükau no kuchou xakütha pesü pa shiaye shiqhe cheni, ikemu pa no külügho luuve aye tino xaleqhive cheni.

YEKIKITHI AKINIU 2:10

I no o qemi, asü küküxümi ashothi tsüghüve keu ahu lakh lhobidi bidi, barleythi ahu lakh lhobidi bidi tsüni, atsaizü ahu lakh bidi qhethonhe lhobidi, eno thazü ahu lakh bidi qhethonhe lhobidi tsü puwuni.”

YEKIKITHI AKINIU 13:8

“Itehi nongu ye Ampeu no David laghami tsüve keu kükaqha sasü kumjoni ke kümsü no aqokitikhi kije cheni, eno nongu lhou shi penike Jeroboam no mlatsü keu ameshoyi mishitsüqo sasü cheni.