YEKIKITHI AKINIU 6:30 - Sumi Naga CL (Re-edited) Bible (BSI)

³⁰ O kungo-a kungugha lono, ini tsüno akipimi qhitsülo, eno pütüta mlo Nono ithi akeu kiqi lono, panongu lau mla tsülo kughengu O likhi no timi kümtsü mlo ithi anike,

BAIBEL (BSI)

³⁰ panongu kukhu kighini chilutsulo, oki kunguuno panongu tsa initsulo eno akipimi qhitsulo. Olikhino timi jeli kumtsu kukumsu ithi kicheuke. Timi lakhi lau shikuzupu lono peitha tsulo.

YEKIKITHI AKINIU 6:30 Referans Kwoze

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

John 2:25

Pa ye timi ghili ithi nike thopi khumu avehupu shimoe, kughengu pa ampi no timi lolo kiu akeno ithi ae.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

EZEKEL 18:30

“Tighenguno, O Israel laghami, timi lakhikhi shou pütüta laghi kiqi lono I no küghatha nani, Ampeu Alhou no asheshu. Xaidelo, eno nongu xine kümtsü lono tsüghüve lo, tikumo aye axine no nongu kütsakungove nosae.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

LESHELE 62:12

eno O Ampeu, iqemokeu kikimiye Ow ke. Kughengu pütüta kümla kiqi lono Nono milakhikhi asaxü tsü nani.

KUKAMI ATUGHIU 8:39

O kungo-a kungugha lono ini tsüno akipimi qhitsü lo eno pütüta mlo Nono ithi akeu kiqi lono panongu lau mla tsülo (kughengu O likhi no timi kümtsü mlo ithi anie),

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

YEKIKITHI AKINIU 6:29

khuana momu Ow timi Israelmi kümtsü no pütüta mlo ghime ithi no au sükhope akümllaki hipau lono kiukiu inikhu momu qhüiniju aye,

YEKIKITHI AKINIU 6:31

tishikeu lono Nono ni puasüqo tsükeu yeghi lo Ow timiqo no küghüna ake tivilo, O sümsa ghi xüche peniye ke.”

AHOLE 15:11

Kithigha ngo Kithimi yeghi ye Ampeu zülo khaqhi püani aye timi mlo ye kishi Pa zülo pekiphe shi acheni kelae!

YEKIKITHI ATUGHIU 29:19

I nu Solomon pelo amlo tsüqhiyi O zakütsü eno ayezah kümtsü pekupulu pelo, tishianguno aki khipau shinike I no kutope qhivetsü akeno, pa pelo ti shiqhilu penike pulo tsülo.”

LESHELE 7:10

I züto ye Alhou gholo ani, Pa no amlo lo müzüchoi kemi xalu cheni.