YEKIKITHI AKINIU 5:12 - Sumi Naga CL (Re-edited) Bible (BSI)

¹² Levi lagha lo alephemi kümtsü, Asaph, Heman eno Jeduthun, ngo panongu nuli eno pano thiküzümi no phepheike phimini pepusü ajoshi küghapayi ngo aheo eno akighi lebo pesü, akümlla-khache phivilo kipela küdau, afuko küighami achinemi pano 120 gholo puthugho.

BAIBEL (BSI)

¹² Levi laghami ghi alekiphemi Asaf, Heman, Jeduthun eno panongu nuliqo eno pano thikuzu zukighimi fulili, eno aheo pe akumlla-a phivilo ighi eno achinemi 120 no fulili ighakeu gholo sukuqha.

YEKIKITHI AKINIU 5:12 Referans Kwoze

YEKIKITHI ATUGHIU 15:24

Shebaniah, Joshaphat, Nethanel, Amasai, Zechariah, Benaiah, eno Eliezer, achinemi hipaqo no Alhouw Puloshoqhi Bohu zülono afuko küighani keu shi. Obed-edom ngo Jehiah pama ghi Puloshoqhi Bohu khemi shipe.

LESHELE 68:25

alephemi no azüu shi, alebo küigha kemi no ashekhau shi, pano mta lo ilimiqo no amqübo küighae:

YEKIKITHI AKINIU 29:25

David ngo akükau tungkupu Gad eno tungkupu Nathan zakütsü kiqi lono pa no Levimi pelo küghapayi ngo akighilebo jeli pesü Ampeu kilo ngope, ayezah hi ye tungkupmi vecheo Ampeu launo ighike.

YEKIKITHI AKINIU 7:6

Akükau David no Ampeu kishele ghenguno alebo jeli mla keqo pesü achinemi no panongu no ngoche keu lo puthughove eno Levimi ghi tishi ngoluve—kughengu Paw iqemokeu kikimiye ye alholo acheni—kugho kughomu David no hipaqo sasü akishe le phekelo, hipaqo ghüngüu achinemi no afukoqo küigha che eno Israelmi kümtsü no puthughove che.

YEKIKITHI ATUGHIU 23:5

4,000 no khagho khemi, eno 4,000 no alebo I no Ampeu sheqhe nike ikhiphetsü keqo pesü Ampeu shipilini.”

YEKIKITHI ATUGHIU 6:39

Heman shelo pa u ajeu puthugho chekeu Asaph, pa ye Berekhiah nu, Berekhiah no Shimea nu,

YEKIKITHI ATUGHIU 6:33

Hipaqo no pütüta kibolomi sasü hukuthu kümla shiche, Kohath lagha lo: Heman alekipheu, pa ye Joel nu, eno Joel no Samuel nu,

Piyeküsü 19:8

Li pelo phepheike phi, phuphushi eno tsüghükhüi keu pepu penike tsüvae”— kughengu aphi tipau ye küpülümi mikucho kümla michipu ke.

Piyeküsü 15:6

eno kungumi tsüni no phepheike phi tsüghükhüi pepusü ameshoyi mlaküxa no panongu mla veho puve no püsa tsüni pesü akimthe chineki lono ipeghi.

LESHELE 149:3

Panoqo pelo ilhe ghi Pa je sheqhe pelo, bombo ngo akighilebo pesü Pa lau alekungo phelo!

LESHELE 92:3

akighilebo eno küghaküsü lebo ghügha pesü eno aheo no müzü keu pesü asheshu keu ye aloke.

LESHELE 88:1

O Ampeu, I xakulu Lhou; I no putho pucho kupuju O zülo qae.

LESHELE 62:1

I ngulho no iqüghai Alhou likhi ngokhe acheni; Pa launo Iw xakulu ighi cheni.

LESHELE 50:1

Akughushuu, Ampeu Alhou no khetsünhe kipelau no kulolau kutolo ayeghiqha kusü no pütsae.

YEKIKITHI ATUGHIU 23:30

Tinguno alau kugho kughomu Sabbath tsalaqo lo, momu aqhi kithe eno ampe lo tiqhetiniqo lo akipti kümllagho pesü Ampeu tsü kelo, timi khije avehupu shini keno tipau kiqi lono panongu kümla ye ina-kijili atsütsü Ampeu zülo puthugho no shikimthi eno sheqheni keu ghike.

YEKIKITHI ATUGHIU 15:27

David ye phepheike phi akivi chijebobo pepusü che, alephemi ngo pano sakipheu Khenaniah, eno Levimi khunoqo no abohu peche keno, panoqo ghi pa toi pepusü che. David ye achinemi phi ephod ghi pucheke.

YEKIKITHI ATUGHIU 13:8

eno David ngo Israelmi kümtsü no alokivi shi Alhou zülo ahe-agho pephe ale phe, eno küghaküsü lebo, aheo, amqü, küghapayi ngo afuko küighasü che.

YEKIKITHI AKINIU 29:26

Levimi no David lebo peluve, eno achinemi no afuko peluve no puthughove.