YEKIKITHI AKINIU 36:22 - Sumi Naga CL (Re-edited) Bible (BSI)

²² Persia kükau Cyrus yepe mpe atüghüu lo Ampeu no tungkupu Jeremiah vecheo pi püakeu shipuku niye Pa no Cyrus mlo peitha püzü pa kükaqha lo sheshu eno akiye lo ghi ishi yeve:

BAIBEL (BSI)

²² Persia lo Cyrus no akukatou shikeu ampe atughiulo AMPEU no tungkupu Jeremiya vechewo kiu pi puakeno pano kuchou shi ighilu peke. Pano Cyrus hakite puzu ahza hipau tsu eno akiye lono tsupuwuno pa kukaqha kumtsulo tipau asheshu ghi phisupe:

YEKIKITHI AKINIU 36:22 Referans Kwoze

JEREMIYA 25:12

Tishino ampe lhotsüni kupuve kethiu I no Babylon kükau eno tipau shiye, Chaldeami yeghi ghime nani, pano kipimi ghenguno alholo ayeghi pighive tsü nani, ipi Ampeu no sheshu.

JEREMIYA 29:10

“Kughengu Ampeu no ishi piani: Kughou Babylon lo ampe lhotsüni kupuveni keno I no nongu xuju nani, I shoqhi shikupu nani eno hipa-a lo nongu sachile saghi nani.

ISAIAH 44:28

Khuu no no Cyrus vehu lo, ‘Pa ye I mbekheu, pa no I kimji kupulo kümtsü shikupu tsü nani’; eno Jerusalem vehu lo, ‘Li ye shiqheve nani,’ eno achineki vehu lo, ‘O boqha ye qhave nani,’ ipi kea?”

YEKIKITHI AKINIU 36:21

Ampeu no tungkupu Jeremiah vecheo pi püakeu shikupu ghi ampe lhotsüni kupu moke kutolo, aghakhu no Sabbath kulhokiqhi ithulue; pighive keu do kupuju yenguyive.

DANIEL 10:1

Akükau Cyrus mpe aküthüu lo Daniel, khuu Belteshazzar ipi kuvetsü keno, pa lau atsa lakhi piyesü. Atsa huye kuchou, eno tipau ye aküküpna kije vehuke. Pa ye atsa vethaluve eno kungunhetsü vethakulu ghi ae.

EZRA 1:5

Tithiu Judah eno Benjamin shiaye lo ali tomi, achinemi ngo Levimi, eno Alhou ghungu no khunoqo xukutho keno, panoqo no ithuve no Ampeu ki khikhi Jerusalem lo ani keno, tipau shiqhe kitheni ke iqhove.

IBRIMI 10:23

Ningu ithamo no nino laju piphe chekeu mtotoi tsüqü peni nolo, kughengu khuu no piqhi püani keno Pa ye pükhükulupu ke.

HAGAYI 1:14

Tileno Ampeu no Judahw Angh Shealtiel nu Zerubbabel ngo Jehozadak nu achinetou Joshua, eno ghükulumi ghungu xukuthove tsü. Eno panongu no ighi no panongu Lhou, aqokitikhi Mpeu ki mlathuve,

JEREMIYA 25:14

Kughengu shiye kutomo eno kükamiqo no pano küghape aqüaxemi shinani, I no panongu kümla eno panongu u no mlakeu kiqi lono lochile nani.”

YEKIKITHI AKINIU 30:5

Tighenguno panongu no Israel kümtsü pikülha nike xathave, ti ye Beersheba lono Dan kutolo timiqo no Jerusalem lo ighi no Ampeu Israel Lhou lau Hechekulu Ghulhu ikhiluni keu shi, kughengu panongu ye akhuaye pemla no ighive ke.

YEKIKITHI AKINIU 24:9

Eno Jerusalem ngo Judah kümtsü lo, Alhou qeu Moses no asayeqha lono azah tsükeu, Ampeu ghenguno zame peighi penike sheshuve.

YEKIKITHI AKINIU 21:16

Ampeu no Ethiopiami phivilo akemi Philistiami ngo Arabmi xukutho no Jehoram shou axuide ipeghipe.

YEKIKITHI ATUGHIU 5:26

Tighenguno Alhou no Assyriami kükau Pul, Assyriami kükau Tiglath-pileser ghungu xukuthothu, eno Reuben, Gad, ngo Kipelau Manasseh laghami pa no sasü pano yeghi lo wuve no tilau Halah, Habor, Hara eno Gozan ghoki qhalo alhokuthu ghenguno acheuvepe.

KUKAMI ATUGHIU 11:23

Alhou no Eliada nu Rezon ghi xukutho no Solomon ghümi shivepe. Rezon ye pa mpeu Zobab kükau Hadadezer launo pove ke.

KUKAMI ATUGHIU 11:14

Ampeu no Edom küka lagha lono ighikeu Hadad pesü Solomon ghümi shivepe.

SAMUEL ATUGHIU 26:19

Tighenguno itehi I mpeu akükau no o qeu tsa inilo. Tsala Ampeu no o xukuthope I küla aghi aye, akümllagho Pa tsüve lo, ikemu timi no shi aghi aye, pa ye Ampeu zülo angusü shipeni. Kughengu panongu no Ampeu mheghi yeghi lo I saje kühave peniye ishi tsala lono I haphe no ishi piani, ‘Wuno kütami lhou qelo.’

YEKIKITHI AKINIU 36:23

“Persia kükau Cyrus no ishi piani, ‘Ampeu, Kungugha Lhou no ayeghi lo kükaqha kümtsü I tsüvae, eno Pa no Judah lo Jerusalem lo Pa chineki shiqhe peni keu za I tsü ani. Tighenguno nongu khunoqo Paw timiqo keno Ampeu Alhou no pa gholo apeniu. Pa ye wolu nani.’”

ISAIAH 45:13

I no achipiu-mikucho lono pa xukuthovae; pa laghi kümtsü I no shikümzüve tsü nani; Pa no Iw mishighüna shiqhe nani eno Iw timi haphe sawuve kemi khaqhiphe nani, ame momu asaxü ghenguno pa ye hi shimo nani,” ipi aqokitikhi Mpeu no piani.

DANIEL 6:28

Tighenguno Darius yepe eno Persiami Cyrus yepe ghuloki lo Daniel hipau ye kinikülü shive.