YEKIKITHI AKINIU 35:22 - Sumi Naga CL (Re-edited) Bible (BSI)

²² Ikeghi Josiah no idewo move, eno pa ju kilive no aghü shinike wuve. Pa no Alhou tsa Neco no pikeu inimo no aghü shiniye Megiddo qa yeghi lo ighi.

BAIBEL (BSI)

²² Ikemu Josiya no tsuyikhomo aghushini keu shive. Paye Alhou no Akukau Neko vechewo kiu piani keno tipau initsumo nikeu shi auve tighenguno paye paju kimchimla kepushi pekiliveno Megido khilalo aghukishi lo wuve.

YEKIKITHI AKINIU 35:22 Referans Kwoze

XAKUTHAMI 5:19

“Kükami no ighi kelo panongu no sasü aghüshi; Megiddo ghoki lo Taanach lono Canaan kükami sasü aghüshi; panongu no ghükayi lutsümoe.

YEKIKITHI AKINIU 18:29

Israel kükau no Jehoshaphat vilo pi, “I no I ju kilive no aghüshiqa lo ilonike no ye o küka nanu pepusü ngolo.” Tishino Israel kükau no pa ju kilive no aghüshiqa lo ilo.

YEKIKITHI AKINIU 35:21

Ikemu Neco no Josiah lau asütsa ishi pi puwu, “Nikujo dolo kiu shikepu ani kea, O Judah kükau? Ishi tsala hipau lo ni ye o mjonike chemoe, ikemu I sasü aghüshi akemi kumjoni ke cheni. Eno Alhou no I vilo mtazü lopi azah tsüke. Ikehu no ye Alhou khuu I gholo cheni keno, Pa lachile kevilo, tikumo aye Pa no o kütsave nosae.”

KUKAMI ATUGHIU 22:30

Israel kükau no Jehoshaphat vilo pi, “I no I ju pekilive no aghüshiqa lo iloni ke no ye o küka nanu pepusü ngolo.” Israel kükau no pa ju pekilive no aghüshiqa lo ilove.

Piyeküsü 16:16

Tishino aghawuqo no kükami hekütsü sawo Hebrew tsauno Armageddon ipi chekeu-a lo kumqo.

ZEKHARIA 12:11

Tipa tsalani Jerusalem lo akumlo ye Megiddo lo Hadad-rimmon ghenguno mloqa ketoi nani.

KUKAMI AKINIU 23:30

Pa qemiqo no Megiddo lono pa sükumo khurkulu lono xapusü Jerusalem lo ighi no tilau qhove eno timiqo no Josiah nu Jehoahaz sawo nukisheve no papu thisü luvepe.

KUKAMI AKINIU 9:27

Kughou akükau Ahaziah no hi ithulu keno, pa ye Beth-hagan küdau pove. Jehu no pa hasü wuno pi, “Pa ghi veqhive lo.” Panongu no Ibleam phivilo Gur lo iqho chekeu la lono paw khurkulu lono ghüzave. Ikemu pa ye Megiddo lo posü wuve no tilau no thive.

KUKAMI ATUGHIU 22:34

Ikemu timi lakhi no inapügha paw shexilika kapuwu kelono akükau Ahab kichiqho lo vesüve tsü. Ikehu pa no paw khurkulu sakicheu vilo pi, “Tsüghüve no aghüshiqa lono I saipeve lo, kughengu ni ye izavae.”

KUKAMI ATUGHIU 14:2

Jeroboam no pa nipu vilo pi, “No ye Jeroboam nipu kepi ithi pemo kepushi o küsüuno no Shiloh lo tungkupu Ahijah khuu no I vilo ni ye timi hipaqo shou akükau shi nanie pi keno, pa lau wulo.

JOSHUA 9:14

Ikehu Israelmi no panongu chuqupu hami ikhiluve, ikemu tipau ghili Ampeu lau iniju move.

SAMUEL ATUGHIU 28:8

Ikehu Saul no pa ju kilive no aphimini kütau pepusü pa gholo timi kini sasü wue. Panongu no putho lono topumi lau ighi. Eno pa no pi, “I ghenguno tumu julo eno I no khuu khuu je mu o vilo pikeu saghi lo.”

YEKIKITHI AKINIU 35:23

Ikelo apiji kipemi no akükau Josiah chheve. Tileno akükau no pa qemi vilo pi, “I sasü wuve lo, kughengu ni ye zaghishi izavae.”

JOSHUA 17:11

Issachar ngo Asher yeghi bocho lo ghi, Manasseh ye hipaqo ae: Beth-shean eno tile aphuqo, Ibleam eno tile aphuqo, Dormi eno tile aphuqo, En-dormi eno tile aphuqo, Taanachmi eno tile aphuqo, Megiddomi eno tile aphuqo; aküthüu no Naphath.

JEREMIYA 22:15

Nono Cedar kutomo ani kehu no ye akükaue pi kümsü anio? O pu no chusho eno achipiu ngo amikucho shike kumo? Tino pa ghenguno akivi shilue.