YEKIKITHI AKINIU 34:31 - Sumi Naga CL (Re-edited) Bible (BSI)

³¹ Akükau no puthugho no pa mlo eno pa ngulho kuchopu no Ampeu papeni ke, eno Pa zakütsü, akhuaye eno pimheyeqo gholuni ke, Ampeu zülo puloshoqhi shi, eno puloshoqhi kaku lo yepüa keu tsaqo pekupu nike piqhi.

BAIBEL (BSI)

³¹ Pano kukami tsukucho phivilo puthugho puzu AMPEU sasu puloshoqhi shi,tiye pa ghokulu shini keu,pa mlo eno pa ngulho kumtsu suno pa yezah ngo ahza kutsu papeni keu eno kakulo yepuake toi puloshoqhi lo kiu shimasa kepu shi ani keno tipaqo mlaithani keu shike.

YEKIKITHI AKINIU 34:31 Referans Kwoze

YEKIKITHI AKINIU 23:16

Jehoiada no timiqo eno akükau sasü Ampeuw shini kepi puloshoqhi shi.

YEKIKITHI AKINIU 29:10

Itehi Ampeu, Israel Lhou sasü puloshoqhi shinike I no xatha luvae, tishianguno Pa xukighide ningu launo tave peni.

YEKIKITHI AKINIU 15:12

Panongu no pano mlo kümtsü eno angulho kümtsü süno Ampeu pano puasü Lhou phunike puloshoqhi shive,

YEKIKITHI AKINIU 6:13

Solomon no alazayi khache mlano aki alou amta lo qhipüa keu lo puthugho luve; ti ye akushulau eno akijelau aunhekipshe tsüni tüxaxa, eno akiqhelau aunhekipshe bidi tüxa. Pa no Israelmi kümtsü zülono qhoqhünhepe pa u kungugha küdau chhopuku,

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

KUKAMI AKINIU 11:14

Li no jukelo akükau ye akhuaye kiqi lono atsükucho phivilo puthugho aghi, eno keptenqo, afuko küighami ngo timi kümtsü no alokivi shi igha no afuko igha aghi. Athaliah no li phi süxüve no ighamku, “Pishikiqhi! Pishikiqhi!”

EZEKEL 46:2

Kükapuu no khagho lo achebo alou akeu lono iloghini, eno khagho tsükucho lo ngoni. Achinemi no paw akipti kümllagho eno külakishi kümllagho pesü tsüni eno khagho lashe lono mllani. Tishino pa ye ipeveni, ikemu khagho ye avela kutolo khamo no qhini.

JEREMIYA 50:5

Panongu no Zion küdau wukeu la ighiju püzü tilau wu nani. Panongu no pi nani, ‘Ighilo, ningu Ampeu sasü khilemu kümsümave moni keu lhokta puloshoqhi shini.’

LESHELE 119:106

O mikucho pimheye pape nike I no ashoqhi lakhi shino tipau shikupu luvae.

NEHEMIA 10:29

kümtsü no pano thiküzümi, sakiphemi gholo küqhano müsüini keu shoqhi shike, ti ye Alhou Yezah khikhi Alhou qeu Moses vecheo tsü keno tipau kiqi lono chewuni kehu, eno Ampeu ni Mpeu zakütsü ngo akhuaye kümtsü papeni kehue.

NEHEMIA 9:38

“Hi kümtsü ghenguno ningu no puloshoqhi akumto hi yepeqhi ani, eno niw sakiphemi, Levimi, ngo achinemi je pesü kaku lo jemchi shipuku püani.

YEKIKITHI AKINIU 31:21

Eno Alhou ki ghenguno pa no ayezah lo akeu kiqi lono, pa Lhou phuno akümla shikeu kümtsü, pa mlo kuchopu pesü shino ikoishe lue.

YEKIKITHI AKINIU 30:16

Panongu no Moses Yezah kiqi lono pütüta-a lo ngove eno achinemi no Levimi no aji tsükeu pesü lepuku.

YEKIKITHI AKINIU 15:15

Judahmi kümtsü no puloshoqhi ghenguno alovi, kughengu panongu no amlo kümtsü süno ashoqhi shi, eno pulopinyi Pa phu kelo phulue. Ikehu Ampeu no aqha kümtsü lono alokughuno panoqo tsüe.

KUKAMI AKINIU 11:4

Ikemu ampe akütsüniu lo achineu Jehoiada no ghüshimi ngo aghukhemi kijemi puwu no Ampeu kilo ighipe. Pa no tipaqo sasü puloshoqhi shino Ampeu ki lono tushoqhipe, eno pa no akükau nu panongu piye.

JOSHUA 24:25

Tighenguno Joshua no timiqo sasü tipa tsala lo Shechem lono puloshoqhi shino pape kepu khuayeqo kithipe qhitsü.

ZAKINIU 6:5

O mlo kuchopu, o ngulho kuchopu, eno o kumto kuchopu pesü Ampeu o Lhou kimiye lo.

ZAKINIU 29:1

Horeb lono Ampeu no Israelmi sasü puloshoqhi shikeu gholo itaghi Moab yeghi lono Ampeu no Moses azah tsüno panoqo sasü puloshoqhi shikithe.

ZAKINIU 13:4

Ampeu nongu Lhou papelo, Pa sümsa no Pa zakütsüqo pelu lo, Pa tsa inilo, Pa huthu no Pa tsüqüpe lulo.

KUKAMI AKINIU 11:17

Jehoiada no Ampeu eno akükau ngo timiqo dolo puloshoqhi shipe, ti ye panongu ye Ampeuw timi shinie pikeu shoqhi, eno akükau ngo timiqo dolo ghi shipe.

YEKIKITHI AKINIU 34:32

Tishino pa no Jerusalem lo küami ngo Benjaminmi kümtsü pelo puloshoqhi shipe. Jerusalem lo küami no pano puasü Lhou lau puloshoqhi shikeu kiqi lono xüe.

EZRA 10:3

Ikehu I mpeu no kichemije tsükeu eno khunono ni Lhou zakütsü lo msa khokhoshi cheni keno, tipaqo kükümsü kiqi lono nino anipu eno atianuli hi kümtsü pheveni ke ni Lhou sasü puloshoqhi shini nolo, eno ti ye Ayezah kiqi lono shinie.

ZAKINIU 13:5

Ikemu tungkupu momu asamo pumo kicheu ye pithive lo, kughengu Ampeu khuu Egypt lo aqüaxe lono nongu xaphelu keno, Pa launo tsüghüve penike pa no nongu pelo Ampeu no azah tsükeu hebide peniye shi ani. Ikehu alhoksa ye nongu dolono ikhive lo.

NEHEMIA 10:30

Ningu ye ni yeghi lo ashiayeqo lau ningaqo küla puwumo momu panow ilimi pesü ni nuli nipu shipemoe.

LESHELE 31:24

Nongu Ampeu ngokhe chekemi kümtsü no mtotoi lo, nongu mlo mtolu lo.