YEKIKITHI AKINIU 33:6 - Sumi Naga CL (Re-edited) Bible (BSI)

⁶ Pa nuli küghape Hinnom Nu Khila lono piti mlla, eno asakiqhi, küdüu, asheazü tsa kipimi, tumumi, eno kithixashemi peitha. Ampeu zülo shishe axine shikeu lono pa no Ampeu mlo shikighide tsü.

BAIBEL (BSI)

⁶ Pano panuqo pesu akipti kumllagho shi Hinom Khila lo agha shi heqhike. Pano saqhisali ngo kuduu pepimhe, auye kujumi pichekemi eno tumumi sasu kusholu che. Pano AMPEU shou ighono axine shike eno pa loghu shikighide ke.

YEKIKITHI AKINIU 33:6 Referans Kwoze

YEKIKITHI AKINIU 28:3

Pa no Hinnom Nu Khila lono akümllagho tsüno pa nu pesü akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche ketoi shike.

KUKAMI AKINIU 21:6

Pa no pa nu küghape piti mllave eno asheazü kipimi, asakiqhi, tumumi ngo kithixashemi peitha ke. Pa no Ampeu zülo shishe axine shikeu lono Ampeu mlo shikighideve tsüe.

ACHINE 20:6

“Khuana no tumumi momu kithixashemi küsütsa eno tipaqo lau wu aye, I no pa launo I gi kughove no Iw timiqo gholono hapheve nani.

ACHINE 19:31

“Tumumi momu kithixashemi lau wumoni; panongu vecheo nongu shikitiqe moni: Ni ye Ampeu nongu Lhou ke.

ACHINE 19:26

“Ashi lo aji apülaghi chumoni. Küdüu jeli kiumu shimoni.

ACHINE 18:21

No ye o tianuli lakhimu pesü Molekh mllave penike tsükeu lono O Lhou je shipütha moni: Ni ye Ampeu ke.

ISAIAH 8:19

Eno timi no nongu vilo, “Asakiqhimi ngo kithixashemi lau küsütsa julo” ipi kelo, panongu ye pano lhou lau küsütsa kelauke kumo? Panongu ye küxümi züqhushi kithimi lau kighinikile akelau keshea?

YEKIKITHI ATUGHIU 10:13

Saul ye Ampeu lau pükhübe move kehu thive. Pa ye Ampeu lau pa küpülü kubove no Ampeu no azah tsükeu pemove, eno alaghi kichetsü peniye tuumi lau wuve.

Galatiami 5:20

ajulho kümlla, atumu, kimthikile, mtomshu, anhekushu, amlokighide, aghükha, kijetha eno kothakile,

EZEKEL 23:39

Kughengu kughou pama no asü-atu julho lau pama nuliqo akümllagho shi ghiqhive keno, tipau tsalani no pama no I kimthe chineki shikitiqe niye tile ighike. Eno julo, pama no I kilo shikeu ye hipau ke.

EZEKEL 23:37

Kughengu pama ye shupuvae, eno pama u lo aji hedape ani. Pamaw asü-atu julho sasü shupuvae, eno pama ye anuli khunoqo pama no punu keno tipaqo pesü achuqupu shi asü-atu julhoqo mllavae.

ISAIAH 19:3

pano dolo aghüthiküxü kühave nani, eno I no pano kimji hexavetsü nani; panongu no ajulho, küdüu, tumumi eno kithixashemi küsütsa nani;

KUKAMI AKINIU 23:24

Tinguno alau, achinetou Hilkiah no Ampeu ki lono ithulu keu kaku lo yepüa keqo pepimhe wonike akükau Josiah no Judah yeghi lo eno Jerusalem lono tumumi eno kithixashemi, akibo lhouqo, ajulhoqo, eno aphikümqhüpu kümtsü ikhive.

KUKAMI AKINIU 23:10

Hinnom Nu Khila lo Topheth julho pa no shipüthave tsü, tishino khuu pelomu anu momu anga pesü Molekh lau akipti kümllagho tsüpe move.

KUKAMI AKINIU 17:17

Panongu no pano tianuli pesü aghashi shive, asakiqhi ngo atumu lono pano pesü axine lo jesüve, tishikeu lono Ampeu mlo shikighide tsüe.

SAMUEL ATUGHIU 15:23

Kughengu ghokibide ye atumu xine paphi, eno kümsükuju ye hekibide ngo ajulho kümlla paphie. Nono Ampeu tsa milive akehu, Pa ghi aküka lono o milivae.”

ZAKINIU 12:31

Nongu ye tipa gholau no Ampeu mlla moni, kughengu Ampeu no mithi chekeu aphikümqhüpu jeli thokha panongu no pano lhouqo lau shicheni, panongu ye pano tianuliu thotsü ami lono pitipe pano lhou tsüve cheni.

ACHINE 20:27

“Kiptimi na totimi namu tumumi momu kithixashemi küsütsa keu ye atu no veqhiveni; pa kithi ye pa makho shini.”

ACHINE 20:2

“Israelmi vilo pilo, Nongu gholo momu inaghami nongu gholo akemi khuu no pa tianuli pesü Molekh mllave peniye tsüni keno, aqoaho kümtsü no atu pesü veqhiveni.

JEREMIYA 32:35

Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

KUKAMI ATUGHIU 16:33

Eno Ahab no Asherah julho ghi mlae. Pa ye pa züumi Israel kükami kümtsü nguno alau Ampeu Israel Lhou mlo shikighide tsüe.