YEKIKITHI AKINIU 31:14 - Sumi Naga CL (Re-edited) Bible (BSI)

¹⁴ Levimi Imna nu Kore, kipela khagho kheu no Alhou lau pulokini gho, Ampeu ghenguno kotha keu kümllagho kijeni keu, eno shishe akimthe kümllagho shou ampi shie.

BAIBEL (BSI)

¹⁴ Levimi Imna nu Kore no Achineki Kipelau Khagho lo Ghukhemi atou shiche keuno AMPEU lau agho sughi keu ikhilutsuni keulo eno kije pesu tsuni keulo ampi shike.

YEKIKITHI AKINIU 31:14 Referans Kwoze

LESHELE 119:108

Iw shekiqhe pulokini kümllagho ikhilu tsülo, O Ampeu, eno Ow pimheye I shikalo.

NEHEMIA 13:13

I no achineu Shelemiah, Ayezah kiyeu Zadok ngo Levimi Pedaiah pano küthü pelo pekükütsü chebo shou akini pighiu shivepe, eno Mattaniah nu Zaccur nu Hanan pelo akukuphuu shivepe, kughengu panongu ye pükhübekulu, pano kümla ye pano thiküzümi lau achipi lono chuqu-kusho kijeni keue.

EZRA 7:16

tipaqo gholono ghükayi ngo ameshoyi nongu no Babylon ghakhu lo ithulu keu, eno timi ngo achinemiw pulokini kümllagho pano Lhou ki Jerusalem lo akeu ghenguno pulopinyi tsüni pi ashoqhi shikeqo pewulo.

EZRA 3:5

tithiuno alhoaye lo kipti kümllagho, aqhi kithe kümllagho, kihitha tsükeu kiqi lono Ampeu lau aghulhu shi chekeu, eno khukhumu pulokini kümllagho pesü Ampeu tsükeu shike.

EZRA 1:4

Eno xüaghi kemi ye, pa no khile khile aghi namu, ghükayi ngo ameshoyi, tinhemgha, lhoxü, tinguno alau pulokini kümllagho pesü Alhou ki Jerusalem lo akeu ghenguno pa kuphulo.”

YEKIKITHI ATUGHIU 26:17

Levimi tsüghogho no tsalakipetsü kipelau khagho khe, bididi no ahuu ngo apeu, itaghi kinini no anhemgha kiqhi cheboqo khe,

YEKIKITHI ATUGHIU 26:14

Ikelo Shelemiah no kipelau khagho ipeghi. Pa nu Zechariah, timi lapiyeu saqhi kelo ahuu khagho ipeghi.

YEKIKITHI ATUGHIU 26:12

Khagho khemi ghi pano thiküzümi Levimi toi Ampeu kilo hukuthu kümlapu ghenguno pütüta kibo kiqi lono hitoi kijeve.

ZAKINIU 16:10

Tishino Ampeu nongu Lhou lau Ghile Pine ikhilu keu shi Ampeu no nongu kümgha tsükeu pesü nongu u lono pulokini kümllagho tsülo.

ZAKINIU 12:17

Now athi, atsaizü, thazü, eno amishi ngo ambe piti tüghüu lo chighi saje, momu ashoqhi kümllagho, pulokini kümllagho, eno akimchi kümllagho thaqhü ye nongu no küghüna akeu phughi lono chumoni,

ZAKINIU 12:6

Nongu no now akipti kümllagho, aghakishi kümllagho, chighi saje, pulokini kümllagho, ashoqhi kümllagho, kümsagho, eno amishi ngo ambe piti tüghüu kümllagho kümtsü tilau no mllani.

AKIKIHI 29:39

“Nongu no ashoqhi kümllagho momu pulokini kümllagho tsükeu nguno tiqhetini tsalaqo lo hipaqo pesü Ampeu lau tsülo: akipti kümllagho, athi kümllagho, atsaizü kümllagho eno kuposhukulu kümllagho.”

ACHINE 27:28

“Timi na lhoxü na atsüaqu na ayeghi namu Ampeu lau ikhiphe tsüve keu ye khunomu jemla momu qhüchile mlae; ti kümtsü Ampeu zülo shishe akimthe ke.

ACHINE 23:38

Akümllagho hipaqo ye Ampeuw Sabbath gholo nonguw ashoqhi kümllagho eno pulokini kümllagho Ampeu tsükeu gholo küqhani.

ACHINE 22:18

“Aaron ngo pa nuli eno Israelmi kümtsü vilo pilo, Israelmi momu inaghami lakhi no ashoqhi momu pulokini kümllagho ghenguno Ampeu lau akipti kümllagho süghi kelo,

ACHINE 2:10

Akümllagho kütau achili thaqhü ye Ampeu lau agha shikeu saje eno kümtsü dolo akimtheu shive akehu Aaron ngo pa nuli sala shini.”

BOTHUBO 46:17

Asher nuli: Imnah, Ishvah, Ishvi, Beriah, eno panoqo chepu Serah. Beriah nuli: Heber ngo Malkhiel.

YEKIKITHI AKINIU 31:13

Akükau Hezekiah ngo Ampeu kilo atou Azariah pama no timi hipaqo pelo Conaniah ngo pa thiküzüu Shimei kukuphumi shi penike süsüve, Jehiel, Azaziah, Nahath, Asahel, Jerimoth, Jozabad, Eliel, Ismakhiah, Mahath, eno Benaiah.

YEKIKITHI AKINIU 31:15

Eno Eden, Miniamin, Jeshua, Shemaiah, Amariah, eno Shecaniah no amikucho shi pa kuphu no achinemi mishighünaqo lo wuno achipi lono pano thiküzümi amqo kiqi lono, kichi-iti aphiphi lono thokha kije tsü.