YEKIKITHI AKINIU 30:6 - Sumi Naga CL (Re-edited) Bible (BSI)

⁶ Ikehu yesü kipemi no Israel ngo Judah kümtsü lo akükau ngo paw hiyampemi yesü pewu no akükau no azah tsüke toi pi, “O Israelmi, Abraham, Isaac, eno Israel Lhou Ampeu lau ideighi lo, tishino Pa no nongu Assyria kükau u lono pojolu kemi ghükulumi lau tsüghü ighi nani.

BAIBEL (BSI)

⁶ Akukau ngo pawu kijemiqo zah kutsu lono aghini kishimino Juda ngo Israil qha kumtsu kukusu tsa hipau pesu wue. “Israil lo akemiqo, nonguye Asiriyami no aghakhu le ighi kelo puxu puaghi peke. Itehiye Abraham, Isak eno Jakob Lhou AMPEU lau xaideghi lo eno pano nongu lau ide ighi nani.

YEKIKITHI AKINIU 30:6 Referans Kwoze

JEREMIYA 51:31

Babylon kükau vilo pa phughi ye ako kümtsü lono leluvae piniye aghinimi lakhi no lakhi lau, atsapemi lakhi no lakhi lau wue;

JEREMIYA 4:1

“Nono ideighini aye, O Israel, Ampeu no asheshu, no ye I lau ideighi masae. Ow aphikümqhüpu thimeqo nono I zülono ikhive no ithamo aye,

ESTHER 8:14

Tighenguno akükau no piputo keu kiqi lono aghinimi no khurshi kümthü khikhi akükau kümlapu lo peitha cheni keno tipaqo lo ikuve no mtazü wuve. Xaküthaza ye Susa lo akighiki lono tsüpuwue.

KUKAMI AKINIU 15:29

Israel kükau Pekah ghuloki lono Assyria kükau Tiglath-pileser no ighi no Ijon, Abel-beth-maacah, Janoah, Kedesh, Hazor, Gilead, Galilee, Naphtali yeghi kümtsü leluve tsü, eno timiqo kughu sasü Assyria lo wuve.

KUKAMI AKINIU 15:19

Assyria kükau Pul no Israel leighi kelono Menahem no pa kükalakhü iqhikumto tsü apenike ghükayi ahu 34,000 pa tsü.

JOB 9:25

“I küxü tsala ye akupomi nguno akümthüu shi ani, tipaqo ye akivi ithumla no yewu khavae.

YEKIKITHI AKINIU 28:20

Assyria kükau Tiglath-pileser no pa shikumto nike züqhulo ighi no pa ghimeqhi.

YEKIKITHI ATUGHIU 5:26

Tighenguno Alhou no Assyriami kükau Pul, Assyriami kükau Tiglath-pileser ghungu xukuthothu, eno Reuben, Gad, ngo Kipelau Manasseh laghami pa no sasü pano yeghi lo wuve no tilau Halah, Habor, Hara eno Gozan ghoki qhalo alhokuthu ghenguno acheuvepe.

James 4:8

Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

AKUMLO 5:21

Nono ni mili kuchou shive aghimo aye, eno shishe ni shou amloide aghimo aye, O Ampeu, ni sachile lulo, eno ningu ye xaluve nani! Khaghi tsala toikeu ni tsüchile lo.

ISAIAH 6:13

Chighi lo lakhi ghüpüaghi namu tighi piti kitheve nani. Ikemu aphisübo yeqhi kelo azüngü likhive cheke toi tipau züngü lono apiti kimthe ipeghi nani.”

ISAIAH 1:9

Aqokitikhi MPEU no ningu ghenguno ghükulumi aghulo qhitsümo keaye, ningu ye Sodom ngo Gomorrah toive aghini che.

ESTHER 3:13

Yesüqo ye aghinimi launo akükau ghakhuqo lo puwu, eno atsala lakhi lono, ti ye aqhi chighiakiniu, Adar qhi, atsala chighiaküthüu lono Jewmi, kichimi itimi, totimi eno anuli, kümtsü kütsave, pithive eno püghave penike, eno panow thime kiviqo xule luve penike azah tsüpuwu.

JEREMIYA 29:1

Tungkupu Jeremiah no yesü tsa hipaqo pesü akughumi aküxü aghi kemi layemi, achinemi, tungkupmi, eno timi khunoqo Nebuchadnezzar no Jerusalem lono kughu sasü Babylon lo wuve keno tipaqo lau tsüpuwu.

KUKAMI ATUGHIU 18:36

Avela kümllagho do lono tungkupu Elijah no akümlla-khache phivilo ighi no pi, “O Ampeu, Abraham, Isaac eno Jacob Lhou, No ye Israel Lhou, ni ye O qeu eno O zakütsü lono hipaqo shi ani kepi ishi tsala lono panongu pelo ithilu pelo.

YEKIKITHI ATUGHIU 29:18

O Ampeu, ni puasü Abraham, Isaac, eno Jacob Lhou, hitoi keu kimji eno akükümsü pesü pülhapuju Ow timiqo lolo qhi püatsü eno panongu mlo pesü O phivilo qhi püatsü lo.

JEREMIYA 3:14

Ideighilo, O aküpülü küküha tianuliqo, ipi Ampeu no asheshu; kughengu Niye o MPEU ke; I no aphughi lono nongu lakhi luni eno akibo lono kini luni, eno Zion lo nongu saghini.

AKUMLO 3:40

Ni laghi phuju no chhejuni nolo, eno Ampeu lau idewonie!

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

ZEKHARIA 1:3

Tighenguno panoqo vilo pilo, aqokitikhi Mpeu no shuphe: I lau ideighilo, aqokitikhi Mpeu no piani, eno I no nongu lau ideighini.

ZEKHARIA 1:4

No puasüqo toi kevilo, azüu tungkupmi no panoqo vilo igha pi, ‘Aqokitikhi Mpeu no piani, Nonguw küsakügha laghi eno küsakügha kümla lono ideighive lo.’ Ikemu panongu no chiluke kumono I lau amlo tsümoe, ipi Ampeu no asheshu.