YEKIKITHI AKINIU 30:21 - Sumi Naga CL (Re-edited) Bible (BSI)

²¹ Atsala tsüni kutolo Jerusalem lo timi akeqo no Kholaqhi Sümokeu Ghulhu alokivi kije lono ikhilu eno ghulo atsütsü Levimi ngo achinemi no pano küka kumto lono Ampeu sheqhe.

BAIBEL (BSI)

²¹ Atsala tsuni kutolo Jerusalem lo timi kumqolu keqono kholaqhi sumokeu Ghulhu alokivi kije lono ikhiluke eno ghulo atsutsu Levimi ngo achinemino panongu kuka kumto kumtsu aghoshino AMPEU sheqhe.

YEKIKITHI AKINIU 30:21 Referans Kwoze

IPEKULU 13:6

Atsala tsüni nongu ye kholaqhi sümokeu sho chuni, eno atsala akütsüniu lono Ampeu lau aghulhu shini.

IPEKULU 12:15

Atsala tsüni nongu no kholaqhi sümo keu sho chuni. Atsala atüghüu lono nongu ki lono kholaqhi peveni, kughengu tsala khukhumu kholaqhi sükeu chuve aye, atsala atüghüu lono akütsüniu kutolo, timi tipau ye Israelmi gholono hapheveni.

FILIPIAMI 4:4

Alhokuthu Ampeu lono alovilo, I no itaghi pini: alovilo!

Apostolmi 2:46

Tsala kipetsü achineki lo kümtsa wu, eno panongu ki lono kümtsa alokiqi eno qhaqhilei shi chuqu-kusho shiche,

Luke 22:7

Tithiu Kholaqhi Sümokeu Sho Ghulhu, khipau lono Hechekulu mbeti pesü aghashi chekeno, tipa tsala ighive.

Luke 22:1

Kholaqhi sümokeu Sho Ghulhu, ti ye Hechekulu ipi chekeu, kupunuve.

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

YEKIKITHI AKINIU 30:26

Ikehu Jerusalem lo alokivi kije shi, kughengu hikithipu ye David nu akükau Solomon ghuloki thiu ye khilemu shimphi ke.

YEKIKITHI AKINIU 20:21

Kughou pa no timiqo sasü küsütsa luve keno, pa no alephemi khami pelo akimthe phimini pepusü ghüshimi züuno Ampeu lau ale ishi phe penike kishe, “Ampeu lau shikimthi tsülo, kughengu Paw iqemokeu kikimiye ye alholo acheni.”

YEKIKITHI AKINIU 7:10

Aqhi akütsüniu, atsala muku aküthüu lo pa no timiqo pütüta kilo puwove, Ampeu no David ngo Solomon eno Paw timi Israelmi kinikülü tsükeu ghenguno shishe alokivi shi wokhave.

ZAKINIU 16:14

Nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

ZAKINIU 12:12

No tianuli ngo aqemi kiptimi totimi, eno aphughi lo Levimi kümtsü sasü Ampeu zülo alokivi shilo, Levimi ye pano mheghi kühae pi ithilo.

ZAKINIU 12:7

Tilau no nongu no Ampeu nongu Lhou no nongu kümgha tsükeu je lono nongu eno no kibolomi sasü Ampeu nongu Lhou zülono aghulhu shini.

ACHINE 23:6

Atsala chighiapunguu lono Kholaqhi sümokeu Sho Tiqhetini ikhiluni eno atsala tsüni kutolo nongu ye kholaqhi sümokeu sho chuni.

YEKIKITHI AKINIU 30:11

Tishimu Asher ngo Manasseh eno Zebulun laghami khami ye kuchunive no Jerusalem lo ighi.

YEKIKITHI AKINIU 35:17

Israelmi tile akemi kümtsü tipau tüqhüdo lono Hechekulu pini eno Kholaqhi sümokeu Sho atsala tsüni ikhilue.

NEHEMIA 8:17

Akughu lono ideighi no kumqo akemi kümtsü no apusho mlave eno tipaqo lo ngove. Nun nu Joshua ghuloki lono tipa tsalani kutolo, Israelmi ye khilemu tishi mphi, ikehu timiqo ye shishe alovive.

YEKIKITHI AKINIU 29:30

Akükau Hezekiah ngo hiyampemi no Levimi vilo David ngo tungkupu Asaph pamaw Ampeu kishe le phelopi azah tsü. Panongu no alokivi lono phe eno panongu no pishiqhope Alhou mllae.

Luke 2:43

Aghulhu tsala kishekhave kethiu panongu no idewo chekelo Jisü ye Jerusalem lo ngo chileve, ikemu pama ye ithi move.