YEKIKITHI AKINIU 30:12 - Sumi Naga CL (Re-edited) Bible (BSI)

¹² Alhou no Judah timi pelo amlo lakhi shino akükau ngo paw hiyampemi Ampeu tsa ikhilu penike akümla shive.

BAIBEL (BSI)

¹² Alhou no panongu pelo amlo lakhi shiluve penike Juda lo akumla shia. Panongu pelo Alhou tsano akukau ngo akukau nuliqo no ahza tsukeu papelu peniye shike.

YEKIKITHI AKINIU 30:12 Referans Kwoze

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

FILIPIAMI 2:13

kughengu nongu kükümsü eno akümla kümtsü Alhou gho-apulou shi peniye nongu lolo mlatsü chekeu ye Pa ke.

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

LESHELE 110:3

O küka tsala lo ow timiqo no akimthe phimini pepusü lüthü kupulo lono pano küxü ikhiphe tsü nani, inaqhe tsüzü toi ow lhothemiqo no o lau ighi nani.

EZEKEL 36:26

I no amlo kithe nongu tsü nani, eno aghungu kithe nongu lolo sütsü nani. I no nongu lolo atu mlo ikhive tsüno ashi mlo pesü tsü nani.

YEKIKITHI AKINIU 29:36

Hezekiah ngo timi kümtsü no alovi kughengu Alhou no timiqo ghenguno pekithi tsükeu vecheo hi kümtsü paikhavi lono shiluve ke.

YEKIKITHI AKINIU 29:25

David ngo akükau tungkupu Gad eno tungkupu Nathan zakütsü kiqi lono pa no Levimi pelo küghapayi ngo akighilebo jeli pesü Ampeu kilo ngope, ayezah hi ye tungkupmi vecheo Ampeu launo ighike.

1 Thes. 4:2

Kughengu Ampeu Jisü vecheo nino nongu kütsü shikave keu nongu no ithi ani.

Apostolmi 4:19

Ikemu pama no khochile, “Alhou nguno alau nongu gholuni keu ye Alhou zülo achipi kemo keno nongu no küghatha lo,

EZRA 7:27

Ningu puasü Lhou, Ampeu sheqhelo, Pa no Jerusalem lo Ampeu ki akeu pesü juviqhiyi tsüniye hitoi keu pesü akükau mlo lo sütsü ke,

ZAKINIU 4:2

I no nongu lau kiu azah tsüve akeno tipau shou kiumu küpha momu ikhive kevilo, ikemu Ampeu nongu Lhou zakütsü khikhi I no nongu tsüve akeno papelo.

2 Kor. 3:5

Ningu ampi no ningu ye hi shikulupu anie pi pükha amoe, ikemu nino shikulupu akeu ye Alhou launo ke,

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

YEKIKITHI AKINIU 29:15

Panongu no pano thiküzümi hekütsü no pano kishekimtheve no Ampeu tsa vecheo akükau no azah tsüke kiqi lono Ampeu ki shikimthe nike ilove.

YEKIKITHI AKINIU 8:15

Akükau no achinemi ngo Levimi lau küakini tsa lo eno kiukiu vehulo mu azah tsükeu panongu no tipau lono tsüghüve moe.