YEKIKITHI AKINIU 30:11 - Sumi Naga CL (Re-edited) Bible (BSI)

¹¹ Tishimu Asher ngo Manasseh eno Zebulun laghami khami ye kuchunive no Jerusalem lo ighi.

BAIBEL (BSI)

¹¹ Tishimu, Asher ngo Manase eno Zebulun laghami khamiye Jerusalem lo ighini keu pulo ake.

YEKIKITHI AKINIU 30:11 Referans Kwoze

YEKIKITHI AKINIU 30:21

Atsala tsüni kutolo Jerusalem lo timi akeqo no Kholaqhi Sümokeu Ghulhu alokivi kije lono ikhilu eno ghulo atsütsü Levimi ngo achinemi no pano küka kumto lono Ampeu sheqhe.

YEKIKITHI AKINIU 30:18

Kughengu timi aghiu, akhoto no Ephraim, Manasseh, Issachar, eno Zebulun laghami kutomo no mithemo no ighi, ikeghi akhuaye veche ghi Hechekulu ghulhu chuve. Ikemu Hezekiah no panongu ghenguno inikhu tsü, “Ampeu akiviu no kümtsü kipimi qhitsü peni,

YEKIKITHI AKINIU 30:25

Judah lo kumqo kemi kümtsü, achinemi ngo Levimi, Israel lono ighi kemi kümtsü, inaghami Israel lono ipeghi kemi, eno inaghami Judah lo xüakemi kümtsü no alokivi shike.

1 Peter 5:6

Tighenguno Alhou u kumto qholono nongu ampi kuchunilo, tishianguno Pa do-ghuloki achipi lono nongu sünheqhe nani,

James 4:10

Nongu ampi pesü Ampeu zülo kuchuni lo eno Pa no nongu sünheqhe nani.

Apostolmi 17:34

Ikemu timi khami no pa gholo ighi eno pülü luve, tipaqo gholo Areopagus hohomi Dionysius ngo Damaris ipi kemi totimi lakhi eno kütami khami ishie.

Luke 18:14

I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

Luke 14:11

Kughengu alikhi asüqhe kemi kümtsü kuchunive nani, eno alikhi ampi kuchuni keu süqhe nani.”

DANIEL 5:22

No, pa nu, Belshazzar, huno hipaqo kümtsü ithi akemu o mlo kuchuni movae,

YEKIKITHI AKINIU 34:27

aphughi hipau eno hile xüküami shou Ampeu no pikeu tsaqo nono chilu kelo, nono kuchunipe o phimini süxü no I zülo mloqa keu Ni ghi chiluvae, ipi Ampeu no sheshu ani.

YEKIKITHI AKINIU 33:23

Pa pu Manasseh no kuchuni ketoi mono pa ye Ampeu lau pa shikuchuni moe, ikemu Amon hipau ye alau-alau akipimi shi auve.

YEKIKITHI AKINIU 33:19

Pa kighini no kishi Alhou buve keno, pa xine, pa küpülü küküha, eno pa ampi kuchuni mphi züu pa no a-a khipaqo lo qhemghaike-a shiqhe no Asherim ngo ajulho mlape qhi keno, tipaqo ye Tungkupmi Yekikithi kaku lo yepüani.

YEKIKITHI AKINIU 33:12

Kughou pa no aghime lo akeno, Ampeu pa Lhou lau akukuphu khu eno pa puasü Lhou zülo kuchunive.

YEKIKITHI AKINIU 12:12

Kughou pa no pa ampi kuchuni keno, Ampeu loghu ye pa launo tsüghüve eno tino qhoi kütsaleni keu lono süsholu. Tinguno alau Judah lo ado aghuloki kivi ighive.

YEKIKITHI AKINIU 11:16

Israel shiaye dolo khunono Ampeu Israel Lhou mllani shikeno tipaqo ye Levimi papesü Jerusalem lo wuve, eno panongu no Ampeu pano puasü Lhou lau aghashie.

ACHINE 26:41

kughengu Ni ghi panongu mjochile no pano ghümi yeghi lo puwuve kehu, panongu no mtshaivü eno axine lhoaye shikithe aye,

IPEKULU 10:3

Ikehu Moses ngo Aaron pama no Pharaoh lau wuno pa vilo pi, “Ampeu, Hebrewmi Lhou no ishi piani, ‘No ye I zülo ado khitohi no ampi pesü aqhokigheu shini keu mili anani kea? Iw timiqo puwuvelo, tishianguno panoqo pelo I qelu pelo.

YEKIKITHI ATUGHIU 9:3

Judah lagha lo khami, eno Benjamin, Ephraim ngo Manasseh lagha hipaqo no Jerusalem lo ngoluve: