YEKIKITHI AKINIU 29:30 - Sumi Naga CL (Re-edited) Bible (BSI)

³⁰ Akükau Hezekiah ngo hiyampemi no Levimi vilo David ngo tungkupu Asaph pamaw Ampeu kishe le phelopi azah tsü. Panongu no alokivi lono phe eno panongu no pishiqhope Alhou mllae.

BAIBEL (BSI)

³⁰ Akukau ngo pano shiyeh lo sakiphemino Levimi vilo David ngo tungkupu Asap pamano sheqhe keu le yepe puakeu phe pesu AMPEU shipililo pike. Tighenguno timi kumtsu alokivi kije lono qhoqhunhepe puzu ale phe Alhou mlla ke.

YEKIKITHI AKINIU 29:30 Referans Kwoze

FILIPIAMI 4:4

Alhokuthu Ampeu lono alovilo, I no itaghi pini: alovilo!

LESHELE 32:11

O amikuchomi, Ampeu lau alokiqi shino alovilo, eno nongu amlo kümzümiqo, alovi ighamku lo.

LESHELE 149:2

Israel pelo Pa Pulhoküsüu lau amlokiqi shipelo; Zion tianuli pelo pano kükau lau alokiqi shipelo!

LESHELE 95:6

O ighilo, ningu itsaqi no Pa mllani; Ampeu ni Lhoküsüu zülo qhoqhünheni nolo!

NEHEMIA 12:46

Kughengu David ngo Asaph ghuloki lo alephemi shou saphetou ache, eno Alhou lau shekiqhe le ngo shikimthikütsü le acheke.

LESHELE 50:1

Akughushuu, Ampeu Alhou no khetsünhe kipelau no kulolau kutolo ayeghiqha kusü no pütsae.

LESHELE 106:12

Tithiu panongu no Pa tsa pülüve; panongu no Pa shekiqhe lephe.

YEKIKITHI AKINIU 7:3

Kughou Israelmi kümtsü no ami iqighi keu ngo achineki lo Ampeu juküvü ithulu keno, panongu no agi pishiqhope aghüza lo ngove no Ampeu mlla eno shikimthi ghi pi, “Pa ye aloe, kughengu Paw iqemokeu kikimiye ye alhokupuju acheni.”

YEKIKITHI AKINIU 23:18

Jehoiada no Ampeu kilo aghukhemi pelo ngokhe luvepe, tipaqo ye Moses Yezah lo yepüake toi Levi lagha lo achinemi ngo Levimi Ampeu lau ale phe alokivi kije lono akipti kümllagho tsü penike eno Ampeu kilo ampi shi penike David no süsü keqoke.

YEKIKITHI AKINIU 30:21

Atsala tsüni kutolo Jerusalem lo timi akeqo no Kholaqhi Sümokeu Ghulhu alokivi kije lono ikhilu eno ghulo atsütsü Levimi ngo achinemi no pano küka kumto lono Ampeu sheqhe.

YEKIKITHI AKINIU 30:23

Tishino ahohomi kümtsü no amlo lakhi lono itaghi atsala tsüni pinini keu shi pulove. Ikehu panongu no alokivi shi itaghi atsala tsüni pinive.

YEKIKITHI AKINIU 30:26

Ikehu Jerusalem lo alokivi kije shi, kughengu hikithipu ye David nu akükau Solomon ghuloki thiu ye khilemu shimphi ke.

EZRA 6:16

Israelmi, achinemi, Levimi eno haküghütsüve no ideighi kemi no alokivi shi Alhou ki hipau khakiqhi ikhilu.

EZRA 6:22

Eno panongu no alokivi shi atsala tsüni kutolo Kholaqhi sümokeu Sho Pine ikhilu, kughengu Ampeu no panoqo pelo alovilupe eno Assyria kükau mlo tsüghü sawo panongu gholo alupe, tishikeu lono pa no Israel Lhou, Alhou ki kümla lo panoqo kuphutsü.

LESHELE 96:9

Akimthe juküvü lono Ampeu mllalo; ayeghiqha kümtsü no Pa zülo khokhoshi lo!